السلام عليكم
بنتي في الثانوي وصحباتها بيجون يوم الخميس ..
ابي افكاركم اش اسوي لهم اكل تعرفون البنات ماياكلون اي شي
الله ينولها اللي في بالها اللي تساعدني ...
ولاتبخلون علي باي فكره او طبق يمكن تشوفونه عادي عندكم لكن تكون مناسبه لي
شاركي في النقاش
سجلي الدخول لإضافة تعليق.
التعليقات
10- ياعمري سوي قهوه وحلى وشكولاته زفطائر وشاي واذا بيتعشوا بوفيه ورق عنب وكبه وتبوله وسمبوسه ومكرونه بالباشميل وشاورما وفته بالتوفيق
ادعي الله يتمم خطبوتي وزواجي ع خير ياااااااااارب - قهوة معها حلى وشوكولاته
عصير معه ... قاتوه ، ورق عنب ، سلطة او اي شي ثاني
العشاء .. مكرونه بالباشميل ، معجنات ، تبوله ، شوي رز ، بطاطس مقلي و دجاج [إما اصابع او شيش طاووق ، او مشوي .. إلخ ]
بعد العشاء ....نسكافيه
بعزايم البنات عندنا ما احط شاهي
حر مايبون يشربون شاهي .. بعدين هذولي بنات .. مب حريم ولا رجال .. بنـــات . ذوقهم غير
جهزي الحلويات و تبلي الدجاج و جهزي المكرونه بالباشميل من قبل بيوم ( بس لا تحمرين المكرونه )
والبطاطس قطعيه ونقعيه بماء وملح . عادي يقعد يوم بالثلاجه منقع . مايضره
القاتوه جيبيه جاهز اريح لك ، والرز بعد جيبيه جاهز
و النسكافيه حطي بـ ترمس ماء حار وحطي لهم مكعبات سكر و حليب بوني ونسكافيه . خلي كل وحده تسوي لنفسها ( نظام امريكي )
او بنات يسوونه لهم بعد العشاء.. كل وحده يجهزون لها كوب نسكافيه
تعجبهم البنات حركات هذي
والله يغــنيكم ويكثر خيركم
و عقبال فرحة بتخرج بنتك وزواجها - انا طالبه فالجامعه وراح افيدك بجلسات البنات لاني متزوجه واديم صحباتي يجوني
عاد اول مايجون قدمي لهم عصير طازه طبقات او فخفخينا بقطع الفواكه وتوصي بزينه الكاسات من مناديل ومصاصات وحطي عليها قطع فواكه وشمسيه عاد قدمي مع العصير قاتوه القطع عاد عندك سعد الدين ماقصر عنده اشكال تاخذ العقل والمحلات الثانيه كمان ماعليها خذي على فراوله وعلى شوكلاته وعلى كراميل وعلى كوفي اربع انواع تكفي
بعدها بنص ساعه قدمي لهم كبتشينو او موكا عاد تفنني بالرغوه وياليت لو تحطين اشكال على وجه الكوب وقدمي معاها حلا بسيط زي حلا الماركه مره يناسب معاه لان شكله مرتب
بعدها جيبي لهم عشا افضل شي اكل جاااااوي يمييي او اكل صيني
ومع العشا طبعا سلطات وببسي
بعد العشا قدمي لهم شاي مغربي او نعناع معاه ميني بيتزا او كرسون وتقدرين تغيرين ترتيب التقديم على حسب السهره بتطول ولا لاء انا احيان اذا فيها سهره اخلى العصير والكيك اخر شي والكبتشينو اول مايوصلون وانتي براحتك
لانتسين تدعيلي ان الله يرزقني بالذريه الصالحه المعافاه - بنت الاسلام
ربي يتمم عليك خطبتك وزواجك ويبعدك عن عيون الحساد
ويسعدك بحياتك الزوجيه وتنولين اللي تتمنيه يارب
مواضيع مشابهة
تابعي تجارب أخرى من هذا القسم.