رسائلكن لي على الخاص

دمــــوع الــــورد .. غاليتي لا تعلمي كم تألمت لما تمرين فيه فكلماتك تقطر اسى وحزن لكني احتاج للكثير من التفاصيل حتى استطيع تقييم ما تمرين به .. بالذات فيما يتعلق بزوجك وطريقة نشأته وعلاقته بأسرته وعلاقة افراد اسرته ببعضهم والكثير من الاستفسارات حتى استطيع مساعدك .. اسأل الله ان يبرد على قلبك ويطمئنك ..

غاليتي إش التفاصيل اللي تبغين تعرفينها

وأنا حاضرة بس تساعديني

حياك الله أخصائيتنا الغالية

القاعدة تقول التغيير يبدأ من الداخل...!!

عندي أكثر من مشكلة فحياتي وأحسها مسببة لي إزعاج طول الوقت

وحاسة إني إذا غيرت من نفسي بأعرف أتصرف مع الكثير من مشكلاتي بشكل صحيح

أعاني من التشتت وعدم التركيز وانتي عارفة معاناته أشياء كثير أحاول أنفذها وتروح الأيام وأنا ما سويت شي

أقلها عملي المنزلي والإلتزامات العائلية اللي كثير أأجلها من كثر ما أخطط لها ووش بأسوي

أقول بكرة بعده وما سويت شي لدرجة ما لي أي علاقات او صداقات أو زيارات اللي تصير بالشكل الطبيعي بين الناس

وأهمها واجباتي الدينية كقراءة قرآن والمحافظة عالأذكار والصلاة على وقتها إذا كنت نايمة..


أعاني من سلوكيات معينة مع زوجي وأقول بكرة بأتغير فلبسي ووجباتنا وقعدتنا

ولي ست سنين زواج وما غيرت شي ( ما بعد رزقت بأطفال الله يطعمني وكل محروم)

حتى موضوع العيال تصدقين إلى الآن ما بعد أتخذنا إجراء جذري لهالموضوع كل يوم نقول بكرة

ومشت السنين وما أحنا حاسين بأنفسنا إننا ما بعد سوينا شي..؟؟

طبعآ إذا دخلت المطبخ وإلا أشتغلت شغلة آخذ أكثر وقت بمنتوج أقل.. وهذي عندي قمة المعاناة

حتى لمن كنت أدرس أجلس عالمذاكرة ساعات طويييييلة وممكن أخلص خمس أو ست ساعات على صفحة

من كثر السرحان؟؟؟

دقيقة فعملي وبطيئة بس متقنة ومنجزة وأعشق التنظيف والحمدلله إني أشعر إن عندي خصلة أتميز فيها؟؟

دكتورة نفسي أركز وأنتبه وما اسرح كثير ؟؟؟

يعطيك ألف عافية وآسفة عالإطالة...

استاذة نسيبة ارجوك ابي حلا للمشكلتي مع زوجي مشكلتي ان زوجي طبعة مزاجي تعبة معة مرة طيب اوهادي ومرة متنرفز اوثائر وللمشكله بعد انه اذا كان غاضب اوكلمته حتى للو عند اطفالي عن موضوع بسيط اوطلب تافة قب فيني اوقعد يشتم ويلعني ويتكلم كلام موزين علي ولاتقولي اذا هوامعصب بعدي عنه هواساسن مايجينا الا بعد اسبوع بحكم عمله يجلس معنا يومين ثلاثه ثم مشى بس انا احس اني تعبت من هذاالسلوب اواتقليلومن شائني عند اطفالي على الي يسوا ولي مايسو ويقول ماهمني نفسية اطفالي كيف اتصير ويقولي اسلوبك مو عاجبني وينرفزني ولا يبيني ازعلا ويذا زعلت قال اسلوبك هذا يخليني اكرهكونا الحين زعلانه منه ومن كلامه معي وهو في دوامه ومطنش ونا ماني عارفة ايش اسوي عطيني حل الله يفرجها عليك

مساء الخير استاذة نسيبة ..ويعطيك العافية ..
ودي اعرف بطريقة سهلة ومبسطة كيف تستطيع الوحده انها ترفع معاييرها بالحياة ..؟!!

انا انسانة جميلة وموظفة من خمس سنوات في بداية الثلاثينات .. منفصلة من 6سنوات بعد تجربة زواج فاشلة (أثرت فيني كثير والى الان ) كان لأهلي دور كبير( الوالدة بشكل خاص) في موافقتي عليها ..
الاحظ قبولي المتواضع بكل عمل يمر بحياتي .. او حتى ارتباط مع شخص بزواج مثلا ..وحتى بعلاقتي مع اهلي اتنازل كثير عن حقوقي ..
ولأني الكبيرة لابد لي من الطاعة او يسموا الوضع تمرد مني ..
صايرة احس بخوف وبعدم امان حتى وانا وسط اهلي ..بدأت ازهق من تقمص دور الابنة المطيعة..
.. حتى في عملي اهلي يتدخلوا فيه وخصوصا (الوالدة ).. امي تلعب دور كبير في
حياتنا .. وتعتبر اي رفض لكلامها او رأيها تمرد .. وتقلب الموجودين ضد الشخص الي مايطيعها .. احيانا اضطر اقبل باعمال لمجرد اني ارضيها فقط .. وهي مستفيدة بشكل مادي من الموضوع .. العلاقة بيني وبينها السنة الاخيرة صارت متوترة .. بسبب اني صرت اكتم قراراتي وتحركاتي واختياراتي بعيد عنها بعد ما كنت بالنسبة لها مثل الكتاب المفتوح وهذا الوضع صار مضايقها ومخوفها مني .. وفي نفس الوقت صايرة تحسسني بالذنب وتعتبر عملي يشبه العقوق ..
ودي استقل بحياتي .. وودي يكون قرار ارتباطي بزواجي الثاني بقناعة مني مو لمجرد انها شايفة اني لابد اتزوج ..
انا ( شرقية جنوبية ) .. وحاولت احدد نمط الوالدة لكن دايم احس اني ضايعة ومشوشة في المواضيع الي تتعلق بها ..
ياريت تقدري تساعديني اني احدد نمطها .. وتوضحي بشكل مبسط المعايير
واذا فيه اي كتب ممكن تفيدني بشكل عام في حياتي بكون شاكرة لك كثييييييييييير..

تمنيت ياادكتورتي العزيزه ان تردي علي

وجزاك الله خيرا ع ماتفعلينه يارب