شاركي في النقاش

سجلي الدخول لإضافة تعليق.

التعليقات

20
  1. طيب اذا صارحتيه اخاف يتبجــح
    يصير يكلم البنات قدام عينك ، ويقول هي خاربه خاربه ../ يعني خلاص بما انك عارفه اني اكلم بنات فـ ليش اخبي عنك اكلمهم قدامك

    انتي شوفي زوجك وش ناقصه . .وش الحاجه اللي مقصره فيها معه .
    لانه ما راح للبنات الا وفيه حاجه ناقصته .

    لا تقولين انا ما اقصر و و . .فكري لابد فيه شيء

    وحاولي تشغلينه بـ اي شي .. لان الرجل اذا صار فاضي يدشر
  2. مافيه عندي او عند غيري حل لما انتي فيه السعاده والمحبه والتسخير بيد الله سبحانه وتعالى
    لكن عندي نصيحه اقدمها لك ولكل اخواتي المتزوجات من تجارب مريت بها خلال حياتي الزوجيه
    اولاً وقبل كل شيء اقبلي على الله بكل جوارحك وادعيه والحي بالدعاء وواظبي على صلاة
    الليل ففيها راحه نفسيه عجيبه لايمكن ان اوصفها لك حتى وان لم تحل مشاكلك لكن تستصغرينها ويهونها الله عليك
    سبحان الله ففي صلاة جوف الليل لذه وصفاء وتسامح ورضى بما قسمه الله لك جربي واخبريني
    ثانياً اذا انتي باقيه على هذا الزوج وتحبينه وتبغين تواصلين حياتك معاه واذا كانت خياناته لاتتعدى النت وماتغير عليك ومعاملته لك
    طيبه فأقول لك اصبري عليه ولاانصحك بالمواجهه بل انصحك بما نصح به الامام احمد قال الإمام أحمد بن حنبل (تسعة أعشار حسن الخلق في التغافل) وهو تكلف الغفلة مع العلم والإدراك لما يتغافل عنه تكرماً وترفعاً عن سفاسف الأمور
    كلما جيتي عنده وقربتي منه وهو ع النت ابتسمي له وحطي يدك على كتفه وادعي له وهو يسمع قولي مثلاً اللهم اعصم زوجي عما يغضبك يارب اللهم احفظه من شياطين الانس والجن والنت ,, صدقيني مره مع مره لابد ان يلامس كلامك قلبه ,, في الاوقات المناسبه ذكريه بالله وخوفيه به وممكن ان تقولي له من باب التخويف بالله ان الله لم يرزقنا بالابناء يمكن لذنب ارتكبناه او لتقصير في عباده من باب التخويف.. حرصيه على الصلاة وخليك وراه بأسلوب طيب ولبق قولي صل ياحبـ.... علشان ربي يوفقك وييسرلك ويحفظك ويرزقك من واسع فضله بالمال والعيال برضه مره مع مره راح يستجيب ولا تيأسي .. واذكري له قصص تؤثر فيه مثلاً قولي قرأت في كتاب او في النت عن رجل كان يغازل ومنغمس في هذا الوحل الا ان ابتلاه الله في اخواته رغم ثقته فيهن وحرصه عليهن سلط الله على اخواته من يغازلهن ويفضحهن وانتي عاد كملي الباقي... بس لايحس انك عارفه عنه شي ودائماً رددي عليه قوليله انا واثقه منك ثقه عمياء وانا متأكده مافيه رجال يصون زوجته زيك ومن هالكلام صدقيني بيتأثر مع الوقت ويأنبه ضميره... بإختصار
    ياعزيزتي المرأه يجب ان تكون ذكيه وفطنه والمؤمن كيس فطن تجد لكل مشكله حل المهم ان تفكر ان تحفظ حياتها وبيتها واسرتها من الخطر بأفكار بنائه غير هدامه ولا تؤذي بها احد ,,, فكري وشغلي مخك كيف تجذبين زوجك وتنسينه بنات النت
    انتي بذكائك استغلي الفرص وحاولي صرفه عن النت واشغاله عنه .. بس خليك عارفه ان كل الرجال تقريباً الا من رحم ربي لابد ان يمرون بتجارب بس المرأه الفاهمه للحياة هيه اللي تصبر وبنفس الوقت تحارب علشان تسترد زوجها لحضنها تحارب بذكائها مو بلسانها .. تستغبي قدام زوجها الين يحلف بغبائها وفي الحقيقه هو الغبي لانها كاشفته وصايدته وقاعده تفكر وتخطط علشان ترده لها وتحفظ بيتها وحياتها من الانهيار وخلي هذي المقوله او الحكمه شعار لك مع زوجك( ليس الغبي بسيد في قومه لكن سيد قومه المتغابي) صدقيني بترتاحين اتعلمي شي مهم ان نتعلمه في الحياة عامه والحياة الزوجيه خاصه هو السيطره على مشاعرنا وانفعالاتنا ,,,, فيه كلمات جميله كانت تسليني وقت المحن قالتها لي امرأه عجوز وذات خبره في الحياة قالت الرجل مثل الطير يطير طوال النهار من مكان الى مكان ومن عش الى عش وفي نهاية اليوم يرجع الى عشه مايرتاح ولا يحس بالأمان الا في عشه وكانت تقول هالكلام بصيغه ثانيه تقول مهما طار الطير مرده الى عشه
    ادري طولت عليك لكن حسيت فيك وحبيت اطمن قلبك واقول اللي انتي فيه مر علي ومع الوقت ومع كل الكلام اللي قلته لك فوق انحلت ورجع الطير لعشه ....
    اسأل الله ان ييسر امرك ويسخر لك زوجك ويوفقك لما فيه خير لك في دينك ودنياك
  3. @fyny_hdoaa_ognon

    مرحبا اختي سكوتك امر سلبي ولا راح ينحل الموضوع وانتي تتفرجين زوجك يبغالة هزة عنيفة تصحية - الله يعينك ويفرج كربك

تابعي تجارب أخرى من هذا القسم.