بنات لو خطبكم امريكي او اوربي توافقو
متابعة النقاش، صفحة 40
شاركي في النقاش
سجلي الدخول لإضافة تعليق.
التعليقات
363المشاركة المقتبسة غير متاحة.
الله يهديهم للاسلام- اذا معي لغه اتفاهم معاه فيها وهو عقليته نظيفه طبعاااااااا اوافق لااني فعلا باتخلص من عقدة مجتمعنا بالذكر والانثى وغيره
بس المشكلة باهلي مستحيل يوافقون مثل اي سعوديين للاسف بستان الفل الابيض اذا معي لغه اتفاهم معاه فيها وهو عقليته نظيفه طبعاااااااا اوافق لااني فعلا باتخلص من عقدة مجتمعنا بالذكر والانثى وغيره بس المشكلة باهلي مستحيل يوافقون مثل اي سعوديين للاسف
انا حأرجع ارد تاني بعد إذن صاحبة الموضوع.. لأنه بعض الردود استفزتني ...
يا جماعة اختيار الزوج لازم يقوم على شيئين محددة (الدين والأخلاق) أي اعتبارات تانية غيرها تعتمد على المرأة نفسها ... أهم شي تكون الاعتبارات داخلة في دائرة الحلال وعدم تحريم ما أحل الله
يعني اللي ترفض الزواج من أجنبي لأنها ما تقدر على الغربة أو لاختلاف اللغات أو لأنها تبغى تكون وسط أهلها والعوائد والتقاليد (الحلال) اللي والفة عليها فهادا شي يرجع ليها لأنها الأدرى عن نفسها .... حتندم ما حتندم عاد هادا نصيبها
لكن اللي ترفض عشان تكافوء النسب والعنصرية المنتنة واحتقار الجنسيات التانية فهادا الشي اللي ما يرضى بيه ربنا .. لأنه مافي شي في الإسلام يدعو إلى العنصرية والعصبية
ممكن لو سمحتي تقولي لي أي كتاب فقه اللي يحرم أو يستنكر غير العربي يتزوج من عربية ؟؟ وهل الكلام اللي حاطاه بين قوسين حديث ولا مجرد مقولة ؟؟ وبإيش يختلف تكوين وخلقة المرأة العربية عن غيرها ؟
يا حبيبتي يا أختي هادي الآية ناقصة واللباس هنا تشبيه والآية كانت تتكلم عن الجماع في وقت الصيام ولها تفسيرات مختلفة لكن مافي أحد فسرها انه اتزوجي من ولد بلدك ....
أرجوكم يا بنات لا تدخلوا العنصرية في الإسلام وتقولو موجودة في الشرع ... ليش متصورين انه الإسلام نزل لصالح العرب بس واللي ساكنين في الجزيرة العربية بالذات ؟؟؟ ليش معتقدين انه الإسلام اصطفاكم عن خلق الله .... صاير تفكيرنا زي اليهود اللي يحسبوا نفسهم أفضل خلق الله
يا حبيبتي يا أختي الله يهديكي بس ... كيف تطلقي لفظ (عيال زنى) على ناس دخلوا في الإسلام .. استغفر الله .... قبل نزول الإسلام كان كل شي محرم منتشر وجميع اللي دخلوا في الإسلام كانو ناس بالغين ... يعني ما اتولدوا في وقت الإسلام .. نتهمهم باللي انتي قلتيه ؟؟ وهم صحابة من أفضل خلق الله ومنهم كان آبائهم مازالو على غير الإسلام ... النبي إبراهيم عليه السلام كان أبوه غير مؤمن بعبادة الله لكن ما يحتسبو أبدا باللي انتي قلتيه ... في فرق بين الزنا وبين الزواج على دين آخر ...
أهم شي الرجل وعمله ودينه أما الأنساب فهادا هاجس عايش فيه بعض الناس اعتقادا منهم انه بيرفع من شأنهم مع انهم أمام الله زيهم زي غيرهم ....
ما كنت حابة اطلع عن الموضوع واخش في الحضانة ... بس .... كلامك سليم من ناحية الأحكام بس تطبيق الأحكام أهم من الحكم نفسه ..... هادا الفرق بيننا وبينهم ... هنا الموضوع متروك لذمة الشخص .. يعني القاضي يحكم والأب على كيفه يجي المحكمة ما يجي .... مافي عليه عقوبات
بينما بالخارج يلزم بالحضور ولو ماجا ياخد الطرف الآخر حق الحضانة وتحدد الزيارات ويكون في مراقب خاص أو شرطي يتابع الموضوع في البداية معاهم ... احنا عندنا اسلام وشريعة لكن مافي مطبقين
الزواج أياً كانت جنسية الزوج أو الزوج طالما انه قائم على الأسس الصح وهي الأخلاق والدين حيكون ناجح لكن لو قام على الشكل ولون العيون وحب السفر والنسب والمال وغيره فشي أكيد حيكون مهزوز وفاشل ..
صاحبتي متزوجة أمريكي زنجي وسعيدة معاه جدا لأنها حبت فيه تدينه ولأنها كانت متقبلة لموضوع الغربة وعندها لغة ... وحدة تانية متزوجة مصري وسعيدة معاه لكنها تعبت من الغربة والبعد عن أهلها ... فحابة أوضح حاجة للبنات .... مو كل السعوديين بالصورة الوحشة اللي في بالكم ولا كل الأجانب بالصورة الحلوة اللي في بالكم
بالنسبة ليا كنت زمان اتمنى اتزوج اجنبي بحكم دراستي والأمثلة السيئة عن الرجل السعودي اللي نشوفها او نسمع عنها لكن بعد ما اتزوجت حمدت الله انه زوجي سعودي لأننا متوافقين في حاجات كتير وعايشة في بلدي اللي أحبها ووسط أهلي ... ومع ذلك ما اعترض على الزواج من مسلم أجنبي .... وإن جات على رقعة اللبس .... حلو اللبس المرقع أصفر وأحمر وأخضر ... حيكون ملفت وزاهي
أرجوكم بلاش ردود الغطرسة وشوفة النفس وكأنه الأمريكان والأوربيين واقفين صف على بابكم- العادات والتقاليد تمنع ها الشي
- هذي وجهة نظرها ولكل نفس خصائص مايدري فيها الا صاحبها
فيه ناس تتأقلم على التغيير وماعندها مشكلة اختلاف الطبائع
وفيه ناس لا تصعب عليها
مواضيع مشابهة
تابعي تجارب أخرى من هذا القسم.