طبعا ده مش مازنانا صورته بس مش قادرة أنزل صورته وهو كده
رحنا للدكتور الجراح و قال انه هيعمل لمازن العملية يوم22/5 ان شاء الله
و ياااااااااااااارب يبقي كويس و كمان
طلع عنده ثقوب في القلب و الدكتور قال نستني شهرين يمكن تلم لوحدها او يحتاج عملية واحنا في الانتظار و انا واثقة من رحمة ربنا و راضية بكل حاجة
اللهم لك الحمد كما ينبغي لجلال وجهك و عظيم سلطانك
و لغاية وقت العملية هتكون فيه متابعة كل 3 أيام تقريبا مع دكتور الأطفال بتاعه لأن طبعا لسة فيه شوية حاجات منها الصفرا و موضوع الرضاعة لأنه بيتخنق و يزرق مني و بتبقي روحي هتطلع و قلبي هيقف
بس الحمد لله ان شاء الله فترة و تعدي اوعوا توقفوا دعاء لمازن
اخر حاجة بقي
صدره يا بنات (الثديين) متورمين جدا و فيهم سائل يشبه اللبن الدكتور كان قال سيبيهم هيروح لوحده بس للأسف عملوا التهاب شديد و احتمال يقلبوا علي خراج
الدكتور كتب كريم مضاد حيوي مرتين لمدة يومين ولو مش اتحسن هيكتب حقن و في الحالة دي ممكن العملية تتأجل
و كمان عينه ملتهبة جدا و كتب له قطرة و مرهم كمان وقال خلي بالك معدية جدا و شكل مؤمن لقط منه
ادعو يا بنات ربنا يشفي مازن عشان يعمل العملية في ميعادها لأن انا أعصابي باظت خلاص كل ما أرضعه يشنق و يزرق و يبقي هيموت مني و كمان بقاله يومين بيرجع بالليل و يدخل في مناخيره ربنا يستر بقي