فقط للمتزوجات الي ساكنات في بيت اهل ازواجهن!و الي في سن زواج تعالن للأستفادة

اختي بحر الحياه صحيح انه كما تدين تدان لكن في بعض الامور ما نقدر نتحملها وهي عيشه وحده ليش ما نعيش في الحياه مرتاحين وربنا راضي علينا ونحن مستحيل نحرم ازواجنا من اهلهم مثل ما انا اهلي غالين حتى الزوج اهله غالين عنده

خواتي شو افضل انه الوحده تعيش مع زوجها مرتاحه واتزوراهله مرتين في الاسبوع والقلوب متصافيه

او انه تعيش مع اهله والمشاكل بشكل يومي

يالله اختاروا وجاوبوني ؟؟؟؟

اشكرج الغالية على طرح هالموضوع..

وانا معاج انه نحنا تقاليدنا في الامارات تحتم على الوحدة العيش في بيت اهل زوجها وهذا حسب حالة الزوج المادية..وصعب انها تشترط انها تعيش في بيت بروحها من الاول..لانها بتعتبر قوية ومالها احترام لاهل زوجها..بالرغم من انه هذه من ابسط حقوقها الزوجية..ولكن سبحان الله عاداتنا حتمت علينا هالشي..ولكن الوحدة بذكاءها ممكن تصبر اول الفترة انها تعيش معاهم ومهما كانت اخلاقهم وتصرفاتهم معاها تحاول تكسبهم عشان زوجها مب عشان اي شي ثاني...والشي اللي ما ترضينه على امج وابوج لا ترضينه في والدين ريلج..وصدقيني بيحطونج على راسهم...

انا زوجي اعترفلي انه تقدم لكذا وحدة وكانوا من اهله بعد..وبمجرد انهن اشترطن انهن يسكنن في بيت بروحهن من الاول هو رفض انه يتمم الخطبة..مع انه قادر يفتح بيت..بس الرجل ما يحب المرأة اللي تتشرط عليه من اولها...وفعلا انا لما تزوجته ابدا ما يبت له طاري اني متضايقة من اهله او اريد استقل في بيت مع اني ساكنة في غرفة وحدة بس ..وعندي الحينه ثلاث اولاد _الله يخليهم لي ان شاءالله_ بس هو حس من نفسه وبنى لي غرفة ثانية للاولاد مؤقتا..وقاعد يدور لنا بيت حالياً..حتى انا اقترحت انه نبني لنا فلة عند اهله عشان ما احسسه اني اريد ابعده عنهم لاني اعرف اشكثر هله متعلقين فيه ومااريد اكون سبب يبعده عنهم...رغم انه مقتنع من نفسه انه لازم يستقل عنهم...

والله يهدي الجميع..

والله انا ساكنه معهم والله تعب لازم كل شوي اخوانه الصغار طالعين نازلين حتى يباتوا عندي بشهر العسل تخيلوا بس حطيت وضع وفهمته اني رافضه المبيت والله ماتاخذي راحتك افرح اذا عندهم مدرسه وكل ماطلعت عند اهلي جو معي بسبب يلعبوا مع اخوي الصغير بس اشوى بس يجو معي عند اهلي احيانا اقول مو عشاني عشان زوجي مايشوفوه الامره بالسنه وهو متعلق فيهم الله يكتبلي واجيبله اطفال الحقيقه ام زوجي ماشي الحال اهم شي يابنات خليكي طيبه معها وكانك بنتها واتقربي من اخواته عشان تحبك وامدحيها وتجنبي انك تدخلي نفسك بشي حتى لوقالتلك مثلا كيف هذا الثوب حقي مو حلو قولي بالعكس حلو ولا ماادري بالصراحه الله يعييييييييييييييييييييييييييييييييييييييييييييييييييييييييييييييييييين

وانا من بقارتي!!!!تركت بيتي القصر,,وسكنت معهم !!!!!
بس الحمد لله حليويين وطيبيين..وينفعوني,,اكثر من انهم يضروني..ولازم كثرت الاحتكاك تولد الشرار...
ومافي خصوصيه..يعني اذا شريت كنب كل الناس والجيران يدرون!!والعيال فضيحه..مايقصرون مع الاستجواب,,
واحسن حل !!!!!تغلي,,يعني لا ترزين وجهك دايم..وتهربي من الجمعات ..خصوصا مع اهل الزوج..لان الاحتكاك معهم مو من صالحك ابدا..يكثر الكلام والعتاب والغلط..وسوء التفاهم..
والله يسخر لنا ازواجنا وعيالنا..

أعرف وحدة ساكنه مع أهل زوجها سنوات ،غرفتين وحمام،والمطبخ مشترك،والضيوف داخل طالع،لكن والله يابنات عســـــــــــل ،طيبة ،سماحة نفس ،الله لا يضرها ماشاء الله،كأن أهل زوجها أهلها وزود،مكانتها غالية عند زوجها وأهله كلهم ،من يجي طاريها تدعين لها بالتوفيق
الحين مرت الايام واستقلت ببيت ومع ذلك مازالت علاقتها باهله روووعة،إلى درجة إن أخوات زوجها يجتمعون عندها أحيانا من كثر ماتلزم عليهم،بل حتى لو ولدت وحدة منهم تروح عندها
الاربعين كلها لأنها تصر جدا وتلزم بشكل تستحيين فيها ،تحرجك بكرم أخلاقها،،
والحين الله مصلح لها عيالها ومسخر لها زوجها والكل يدعي لها ويحبها كبيير وصغيير ،،
الله يوفقها يارب.