مرحبا حياج الله معانا ..انا بعد اليوم رابع يوم لي .. مافي شي الواحد ممكن يسويه غير الصبر و الراحة و الدعاء .. حتى الراحة انا خلاص بديت امارس حياتي طبيعي اول يومين حاولت ارتاح بس بعدها خلاص. اشربي ماي وايد لان مهم للدورة الدموية و حركة الدم في الرحم .السبوح عادي بس ابعدي عن السبوح بماي حار او السباحة في البحر او البانيو وخليه شور بس و ابعدي عن شرب الكافين مثل القهوة او الشاي او البيبسي لان الكافين يأثر عن بطانة الرحم و ابعدي عن التدخين خخخخ و بس تقريبا كل شي ثاني سمعتي عنه خرافات و اكبر دليل انا الاجانب اللي اختراعوا العملية كلها ما يسونها .
الله يفرح قلبي و قلبج يارب و يرزق كل بنات التجمع ..:)
و احنا بعد نحبج و الله يوفقج يارب .
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم بديت احس باعراض السوائل في الجسم ohss احس بطني متروس و فيه ضغط من داخل و يألمني .. و عندي شويه لوعة مستحيل اعراض حمل لان الاجنة للحين ما انزرعت و لا فيه هرمون للحين ( على الحسبة تقريبا بكرة او بعد بكرة تبدأ تزرع نفسها ) فاغلب الظن ان صار عندي سوائل في البطن .. و كلش مالي خاطر اروح الطوارئ فابصبر شوي اذا زاد الالم بروح و بشرب ماي على قد ما اقدر لاني لو رحت هناك يا يشربوني ماي يا يركبون علي مغذي .فراح اوفر عليهم سرير ..دعواتكم ان اجنتي كملت انقسامها و على بكرة او بعد بكرة تبدأ نتغرس .
يا ارحم الراحمين يا من يحي العظام و هي رمي يا من رفع السماء بغير عمد ثبت اجنتي و اغرسهم في رحمي و ارزقني منهم حمل صحيحا سليما تاما معافا و ذرية صحيحة معافاه عاجلا غير اجل و جميع بنات التجمع يارب .
تجمع البنات المقبلات على اطفال الانابيب في قطر والحوامل الجزء السابع
متابعة النقاش، صفحة 169