حملة "رتبي حياتك المادية" ومشروع رائع للجميع

سندريلا التجارة ربح وخسارة ادخلي وتوكلي على الله

واستخيري قبل كل شئ وانتي قلتي مشروع ناجح

السلام عليكم ورحمة الله وبركاته
ياهلا بالغاليات
نيراااااز
ياهلا والله
هذا أنا جيت , بس وش تبين تعرفين من جديد , والله يالغالية البارح رحت السوبرماركت واشتريت أغراض البيت ,وكل ماطارت عيني يمين ولا يسار أقول يابنت ماله داعي اشتري الأساسيات وأحمدي رب العالمين ولا وش له داعي هاالحملة الي انتي رازة نفسك فيها إذا ماتحكمت برغباتي ..وأطلع وأنا مستانسه من نفسي ..
التوفير ماشي تمام ولله الحمد وفق الخطة , ووفق الأهداف , والله يوفقنا وجميع المسلمين لكل خير .

الغالية سندريللا 2000
أكيد يالغالية ماراح تعلمين أولادك التوفير والإقتصاد إلا وانتي مطبقته على نفسك ولا كيف تقنعين إنسان بشيء إنتي ماأنت مقتنعة فيه
ولا طبقتيه على نفسك ..؟؟
أما مشروع الدخول بسهم في مشروع , إذا كان مع إخواني أدخل , أما غيرهم لا .. وجهة نظر
أم فهد وخالد
هلا بك يالغلا والله يوفقك في مشروعك .
المتفائلة
ياهلا فيك يالغالية , والله يفرج هم المهمومين من المسلمين ..

أختي الكريمة : سندريللا 2000

عن تجربة واقعية في حياتي أقول لك : قدر الشراكة ما ينطبخ فيه

غلاء المعيشة وتدهور المستوى الإقتصادي وقلة الدخل وكثرة المنصرف
ما عاد خلاَّ عدل في توزيع المدخول المادي

ثانياً : انتشار مسألة التنافس التجاري أصبح يُسبب لكافة المشاريع انعدام التوازن

فلم تعُد هناك مشاريع تدُر بالربح الكثير بسبب تعدد المشاريع وكثرتها

في النهاية ( مجرد وجهة نظر )

وقفكن الله جميعاً

هلا وغلا حبايبي

سندريلا اذا السهم بألف ريال فقط وانتي الالف ما تعني لك شي انا اشوف اني ادخل فيها لو كان ثقه

تعرفين ساعاتيكون حظك ماااشي مع شخص من خارج العائله وحصلت معاااي كثييييييير فيه ناس تتشارك ما يربحون شي وحتى انا دخلت شركاه مع ناس للاسف فشلت فشل ذريع

لكن المجموعه الاولى اللي فشلوو فيهم اشخااص تشاركت معااهم والله ليومك هذا والارباح تدر رغم ان راس المال والله كان الف ريااال ودخلت اضعاف اضعااف الالف حتى اني دخلت لا من باب ثقه ولا من باب تجربه بس ما حبيت اكسف اللي جاتني وقالت تشاركيني بالف


بيني وبين نفسي قلت الالف ضايعه ضايعه باي شي خليني اعطيها واشوف حظي معهااا تخيلي صرت انا اللي اقولها ما لك خاطر تسوين اي مشروع نتشارك فيه حتى هي تقول اسمك خير علي ما ادري من وين يجيني الرزق وانا نفس الشي اقولها شاركتك خير علي

فانتي جربي اذا حظك مشى مع هالمساهمه كويسه واااصلي معاهم والله يوفق لانها كلها توافيق وحظوظ سبحاان الله

والله يكتب لك اللي فيه الخير يارب