ملكت والحمد لله ولكنـ خطيبـي ...

السلام عليكم

الحمد لله تمت ملكتي قبل يومين والحمد لله كانت من اروع مايكون



بس فيه ببالي اشياء مقلقتني وودي افهم

بصراحه ماعرف ابدا بمقدمات وكذا بس بأطرح اللي بأقوله وان شاء الله تفهمون وتجاوبوني

اول شي يوم دخل خطيبي ماحسيت بشي كأني صنم عادي جدا

<مقهورة من برودي

يعني تفاجأت من نفسي انا هاديه وحيويه جدا لكن يوم دخل عاااااااااااااادي مرة

هو مرتبك مرة ومالومه موقف اول مرة نكون فيه وانا باردة وعادي ماني متوترة ابداا رغم ان الموقف

اول مرة مثله يعني لكن قمت اضحك واتبسم واللي يشوفني يقول متعودة ع الزواج ماكأنها اول مرة

ثاني شي كل شوي يقول لأخوي يالله بأخرج فوق 3 مرات اخوي يرجعه ع الكرسي

انا ماسمعته يوم قال كذا بس اشوفه كل شوي يناظر الباب ووده يخرج وامس يوم قال لي اخوي حسيت

بإحباط مررررررة

ويوم جلسنا لوحدنا مسك يدي ورحت مسكت يده كشعور طبيعي بوضعنا بأخفف التوتر عني وعنه

وحسيت انه انصدم من جرائتي..

قال لي اعطيني رقمك قلت له ماني حافظته وانا فعلا مو حافضته وقال خلاص اخذه من ابوك بأكلمك

قلت له لا قال ليييه سكت مارديت عليه قال زوجتي ومافيها شي لو كلمتك نتكلم عن امور تخصنا واعرفك

اكثر..

وانا قبل الملكه بيوم ابوي قال لي ماتكلمينه وانا ودي اكلمه افهمه لأني ماعرف عنه شي اول مرة

اشوفه بالملكه ماعرف طبعه ولا اخلاقه وماقدرت اقول له ابوي مو راضي وهو يفكرني مابغى اكلمه..


وثالث شي قال لي كلميني عنك عصبيه هاديه قلت له مع الأيام بتعرفني واحسه تضايق

انا اذ خفت اضحك واحس ان ضحكي وجرائتي بالملكه خلته يتضيق مني..

الحين اخته تقول يقول ابغى رقمها وقلت لأبوي قال خلاص وقلت لأخته تعطيه رقمي بس لسه مادق

وهو بمدينه بعيده عن مدينتي وزواجنا بشهر 10 ان شاء الله


بنات الله يسعدكم تشوفون موقفي طبيعي والا لا..

استناكم


واذ كلمني كيف اكون جريئه والا شلون بأول مكالمه يعني



\
انتظركم
:26:

43 تعليق 5,551 مشاهدة

شاركي في النقاش

سجلي الدخول لإضافة تعليق.

التعليقات

42
  1. @dmaa_moadaa

    الله يتمملك على خير .........

    عادي كنك انا بوقت الشوفه درعمت عليه وقعدت اسولف ...........ههههههههههههههههههههه

    لليوم يتذكر ويموت ضحك ...........

    خليكي ريلاكس ودونت ووري لاتهتمين لهالسوالف وتخلينها تنغص عليك ........عادي تصير ..........!!
  2. @aazty_mn_smo_thaty

    الله يتمم لك على خير يارب

    وعقبال باقي الصبايا اختي وفرواله بلعسل وبنات حواء

    اللهم امين



    دعوتكم لي
    اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب اللهم استجب
    وجميع المسلمين
    وصل اللهم على محمد وال محممد
    رب اني لما انزلت الي من خير فقير
  3. @aasany_mabkyk

    خليك على طبيعتك بس لاتتجرئين مره ولاتضحكين خلي ضحكتك كذا "هه" صوت هوا يطلع بس ههههههههه مثل ضحكي اول والحين ضحكتي آخر الشارع ههههههههههههههههههه

    وبتنبسيطن ماعليك لاتاخذين هم المكالمه هو بيستلمك تحقيق انتي جاوبي وبس اول مكالمه لاتسألينه الا اذا قال ليه ماتسولفين قولي مدري شقول وش تبيني اقول وزي كذا

    والله يوفقكم يارب

    والف مبروك

    كل الود

تابعي تجارب أخرى من هذا القسم.