الموضوع مغلق

قررت ارجع شعري مثل اول قبل سنتين والي تبي تسوي مثلي تجي نشجع بعض(ابكشف لكم سري )

قد يحتوي هذا الموضوع على محتوى غير مناسب. عرض الموضوع
السلام عليكم ورحمة الله وبركاته

مااسامح ولااحلل وحده تنقل موضوعي ولاتذكر المصدراو تستفيد من طريقتي ولاتدعي لي ان الله يرزقني طفل معافى ويحنن قلب زوجي علي ويسخره لي00ويكفيني سحر الساحرين وعين العائنين
وربي تراه سر من اسراري لكن لعيونكم وعشان ربي ياجرني وضحته لكم00
انا يابنات بعد ماولدت ولدي الاخير تجنن زوجي لماجيته بعد الاربعين شعري لخصري وكنت صابغته اشقر00(اذكرو الله ارجوكم)
مع اني كنت قاصته قبل 8شهور قصه تفشل:44:
حتى اهله انهبلو لما شافوني بزواج لانهم متذكرين قصتي المشؤمه00
والحين توحمت عليه ورجعت قصيته لاشعوريا ولما طاح قدامي كاني نزلت هم وكان جبل راح عن صدري00بس تحسفت بعد ماراح الوحام00
المهم قررت اسوي نفس ماسويت لماكنت حامل00
اول شي برجع لنفس الي قصت لي لان يدها ماشاء الله فيها بركه وذكر الله على لسانها وحسب ماسمعت انو اذا قصت شعرك وحده قلبها ابيض وماعندها حسديتبارك شعرك يمكن خراافه بس مدري بروح لها تساوي لي شعري من الاطراف00
وباابدا كورس لعلاج وتطويل شعري00 وكمان بشرتي جهزت لها اشيااء ماشاء الله روعه بنزلها بقسم البشره00
ومدته 5شهور هم فترة حملي الباقيه مع النفاس00
بسم الله اشرح لكم00
وبما اني زوجه ثانيه راح يكون عندي يوم اسوي فيه خلطاتي على راحتي
السبت/احط الخلطه رقم 1على شعري الصبح اذاقمت واشتغل ببيتي واسوي طعام عيالي وطبعا الف الشعر بتغليف حق الطعام عشان يبقى حار وتتفتح مساماته ويستفيد من الخلطه00وانا يابنات عندي الة المساج تعرفونها تشتغل على بطاريات سعرها عشر ريال هي للجسم-بس انا استخدمها لشعري وكل ماخلصت لي شغله والاشفت حالي فاضيه دلكت فيها شعري فوق التغليف بدون ماافتحه تحسي الدوره الدمويه تتنشط وهذا هو سرر طول شعري المفاجيء00
واغسل شعري الساعه 3ونص العصر طريقة الغسيل عالمغسله مو مع الاستحمام وهي اني اقلب شعري على قدام وافركه بالمويه وبعدها ب شامبو هربل بجوزالهند لين ماشوف المويه صافيه وبرضوه بعطيكم سر ثاني انا مسويته عشان تروح ريحة الخلطه انا حاطه خمرية الروقي تعرفونها ريحتها رووعه علبه كامله على شامبو هيربل الكبير ورجيته لين طلعت روحه00
ويابنات اذا بتتسبحون بعدها اوكي بس خلي شعرك مربوط لان طريقة انو المويه تنزل على شعرك وهو مفتوح بوضعه المنسدل تسبب تساقط يعني تكوني خلاص مغسلته عالمغسله واهتمي بتنظيف جسمك وبس
واذا خلصت امشط شعري وحاول ان اسنان المشط ولازم ماتكون حاده تمر على فروة راسي بس بلطف
الاحد/راحه لشعري ولان شعري كيرلي خفيف اضطر اكبسه يعني اشده ببنسات بعد ماارطبه شوي بمويه مخلوط معها نقاط من زيت جونسن حق الجسم ولما افتح يطلع حرير
ومااعترف بالاستشوار خلال هالفتره الا بالعزايم والمناسبات00
ألآثنين/صفاربيضه مايونيزخميره فوريه +الخلطه رقم 2
وهذي ماتطول ساعتين بس واغسل الشعر بنفس الطريقه
الثلاثاء/راحه لشعري
الاربعاء /الخلطه الاولى ونفس التدليك والغسيل
الخميس/راحه
الجمعه/سدر +فنجان زيت الطبخ اي نوع+بيضه+عسل+مايونيز+ماء للعجن واخليها موسايله ولاثقيله وسط
لمدة ساعتين
مكونات الخلطه الاولى00
زيوت وهي00
زيت انوب الهندي الاصلي+نارجين الاخظر+خروع من معاصر الاحلام+زيت جرجير+زيت صبار+زيت سمسم++زيت الاس+زيت أكليل الجبل+زيت عافيه+زيت جوز الهند(مضاف لهم حبتين فلفل حار الاخضرمقطع)
ومليء الطحانه حلبه مطحونه والي مايبونها ممكن يستغنون عنها لاكن طريقة الخمريه بالشامبو تروح الريحه
انا حاطتهم بعلبة المويه الكبيره وشريت بخاخ فاضي واعبيه كل فتره وحاطته بالحمام00
مكونات الخلطه الثانيه00
نوى التمر غسلته ونضفته وحمصته مثل القهوه لين احترق وبردته وطحنته وحطيته بعلبه
واضفت عليه زيت ترشوب والخروع00
طيب اكيد كنت امل وتجيني حالات اني اوقف مدة هالعنايه بس احسبها بعقلي الشهر 4 اسابيع
يعني بشهر كامل مااسوي كل شغله من هالشغلات الا اربع مرات00
ليه اتعب يعني عشرين مره احط هالخلطات وبشوف نتيجه رووعه وفيه ناس تدفع الوف وتقعد سنين تدور عليها وانا تتعبني شغله اسويها 4مرات بالاسبوع00
وبكذا اشجع نفسي ويابنات صرت اكافيء نفسي باي شي احبه اذا خلصت من شغله لبشرتي وشعري يلا يابنات الي بتسوي مثلي ترفع يدها00
لحد متى جالسين نتشكى ونبي شي جاهز على طبق من ذهب00
سالتكم بالله انكم تدعون لي :icon33:

198 تعليق 37,507 مشاهدة

شاركي في النقاش

سجلي الدخول لإضافة تعليق.

التعليقات

190
  1. @nsyb_alghyr

    يسلمووو يا عسل وجدولك
    حلووو بس يا عسوله اي خلطه فيهم
    لحظتي انها طولت شعرك وكثرته ومشكورره
  2. اللله يجزيك خير والله برنامجك يحمس ... مشكوووره والله يقومك بالسلامه ويوفقك يارب ...
  3. @lo_akhsrk

    اختي انتي من وين احس الزيوت ماالقاها في اي مكان
    وهل انتي تخلطين الزيوت كلها العلبه ولا مقدار معين؟
    اول مرره اسمع عن زيت الخروع من معاصر الاحلام وش شكله ذا؟
    وعن خمريه الروقي هذي انتاج كويتي وين احصلها بالدمام؟
    وفي يوم اللى فيه راحه لشعرك يكون راحه حتى من غسله بالمويه؟؟

    الله يرزقك طفل معافى ويحنن قلب زوجك عليك ويسخره لك00ويكفيك بسحر الساحرين وعين العائنين

تابعي تجارب أخرى من هذا القسم.