السلام عليكم ..
بنتي الله يحفظها نحيفة مع انه كان وزنها وقت الولادة 3 كيلو وشوي ولكن قام ينزل وبدأت تنحف وكان صابتها عين من وحدة كانت تقول على طول انها ثقيلة ومنها بدأ وزنها ينقص مع اني أكلتها من بدري يعني من 4 شهور وبعد ما كان يزيد لحد ما انها الحين بالعاشر وقريب بتدش 11 شهر وهي اللي يشوفها يقول 5 شهور وللعلم اهي ترفض الرضاعة وترضع بس طبيعي :( ..
المهم مع انه اكلها كان من احلى ما يكون كنت اطعمها خضرة وسريلاك وفواكه لكن في امرأة قامت تطالع في بنتي كيف بتاكل وهيك وقامت تقول لي انها ما تتعبش وبتاكل سريع ومن تقربي الملعقة تفتح فمها منها خلااااااص قامت بالغصب بالموت تفتح فمها للملعقة أو للأكل وعانيت وقمت احاول واحاول والحمدلله رجعت طبيعية ومرة ثانية هالمرأة خلت بالها على بنتي وتقول انها رجعت زي أول وتاكل سريع والله الشاهد علي رجعت بها البيت ونامت وصحت يوم ثاني رافضة تماما الأكل وما تاكل الا بالغصب حتى انه الدكتورة في موعد التسع شهور وصفت لي حديد لها وفيتامين وما كنت مقتنعة انه اعطيها بس لما شفت حالتها كيف قلت خل اعطيها فيتامين يمكن ترجع شهيتها ولااااا أبدا مافي فايدة .. وجلست كله ضايق خلقي عليها وكيف اقدر ارفع وزنها لحد ما دلتني صديقة على طريقة فن مع انها مو جديدة بس فادت معي وممكن تفيد غيري خصوصا واني بكرية وهذي أول مولود لي فما عندي خبرة ... :)
أول شي بعد هالهدرة الكبيرة سامحوني طولت عليكم بس شسوي معاناة عانيتها وحبيت افضفض لكم عن الحالة اللي مريت فيها ..
أول شي جهزوا نفسكم للحرب مع اولادنا اللي رافضين الأكل كلياً وما اوصيكم البسوا ملابس الحرب :2thmup:
بعد كذا نصيحة مو ضرورية بس اتمنى تفيدكم وهي لازم تشغلوا التلفزيون على قناة براعم لو طيور الجنة لو أي شي يشتت انتباه الطفل أو تخلوا جنبكم مجموعة من الألعاب للتبديل بين حين وآخر حتى لا يمل الطفل :angry:
بعد كذا جهزوا الأكل للطفل وما اوصيكم بالتنويع حتى لا يمل الطفل وموضوع الاخت بسكوت فارليز خير دليل تقدرون تشوفونه والله يعطيها العافية ..
نجي للطريقة أدري يمكن ما تكون جديدة عليكم بس فادتني ونجحت معاي وياريت تدعولي انه يستمر الوضع مع انه لقيت صعوبة في البداية لكن لا للإستسلام :
بعد ما جهزت أكل بنتي قمت وقعدت وشغلت التلفزيون والألعاب جنبي استعدادا لكل الموجهات بيني وبين بنتي العنيدة :42:
جبت الأكل جنبي وفي فكرة استفدت منها واهيا الرضاعة اللي تجي فيها ملعقة وبعد ما يضر اذا ما عندك بس هذي الرضاعة سريعة ومفيدة استغني عنها بالملعقة العادية ..
المهم جبت بنتي وخليتها في حضنيوطريقة ثانية اني اخلي رجولها تحت رجليني بطريقة طبعا ما تألم والايدين امسكتهم بيد وحدة والثانية ماسكة فيها الملعقة وابتديت الحرب في البداية قامت تصم بوزها ورافضة كليا لحد ما يكت ولا علي منها لما تبكي وتفتح بوزها ادخل الملعقة واعطيها واهي تبكي بس لازم تحاسبوا انه ما يشرق البيبي وتعطوه شوي شوي لحين ما تتعودوا .. وزين اكمل الحرب قامت تدور يمين يسار رافضة كليا تفتح فمها لكن كنت امسك راسها ويدينها مرة وحدة وادخل الاكل غصب لحد ما تعودت وفهمت بنتي السالفة وقالت خلاص ماما قدرت علي وانا ما عندي مفر ولازم افتح فمي لها هيك :09: ..
وصارت الحرب من نصيبي والفوز وياريت تدعولي انه يستمر هالحال دووووم :icon28:
ادري هدرت كثير بس اتمنى تستفيدوا وتدعولي وتحاولوا ولا تتنازلوا ولا تخلوا الاطفال بدون أكل وياريت تفيدوني وتقولولي بالنتائج والله يبعد اولادنا عن العين والحساد
وسامحوني عالإطالة :)
شاركي في النقاش
سجلي الدخول لإضافة تعليق.
التعليقات
13- ماشاء الله عليك
حصني بنتك وحاولي ماتاكلينها امام الناس
الله يحفظها لك وتكبر بالعافيه %%دنياك دنياي%% ماشاء الله عليك حصني بنتك وحاولي ماتاكلينها امام الناس الله يحفظها لك وتكبر بالعافيه
اممممممممممم ما ادري احس الاكل بالغصب مو زين
حتى أختي تقولي مو زين تاكلين الطفل بالغصب يكره الاكل- الله يحفظلك بنتك بس لاتنسي تحصنيها ولاتاكليها قدام الناس خصوصا هاذي الحرمه الي تقولين عنها احس حقدت عليها هههههههههه لاني عانيت مع ولدي بسبب الناس واذا قالتلك شي زي كذا مره ثانيه قوليلها اذكري الله ماقلتلك حاقده
- لا تاكلي بنتك قدام الناس قبل الزيارات اكلي بنتك بحيث انها تكون شبعانه وماتظطري توكليها قدامهم وتجيبي لبنتك العين
%%دنياك دنياي%% ماشاء الله عليك حصني بنتك وحاولي ماتاكلينها امام الناس الله يحفظها لك وتكبر بالعافيه
تسلمين اختي .. والله يسمع منك وحرمت أأكلها قدام أحد ولازم اكون لحالي وبعد شغلة ما اقول لحد شنو أعطيها تاكل وشنو لأنو بعضهم يحطوا بالهم على هالشي
ما اعتقد راح يكره الأكل بالمرة ولكن راح يتعود على الأكل في البداية راح يبكي بس يتعود ولا نخلي الطفل بدون أكل .. نعوده على هالشي عشان ما يقدر يستغني عنه ولا انه نتركهم بدون اكل ويتعودوا انهم يجوعوا نفسهم عرفتي .. جسمهم محتاج للأكل عشان تكبر مناعتهم ويقوى جسمهم ولا انهم يعيشوا على الفيتامينات وتصير مناعتهم دمار لازم نلاحقهم ملاحق وعندي افكار للي عدوا السنة عشان يرضوا ياكلوا بكتبها بعدين واتمنى تفيدكم ومشكورة اختي على الرد :)
ويحفظك ربي عزيزتي .. شسوي حاطها بالها وبنتي ومضطرة اشوفها على طول بس مثل ما قلت لكم حرمت اسوي شي قدامها ولا تفكري اني مقصرة معاها كله اقولها صلي على النبي ولا تقولي كذا حتى انها تحس لنفسها انها السبب في سد شهية بنتي لانه تشوفها تاكل زي الفل وفجأة ما ترضى تاكل وهي اكثر من مرة تلاحظ هالشي واقولها منك ولا تحطي بالك على بنتي وتنحرج ولكن ولا في فايدة عيونها حارة :(
وهذا اللي صرت اسويه أو اني اكون في غرفة لحالي ارتاح مع بنتي وواهي تاكل ولا احد يراقب شنو تاكل وكم تاكل مشكورة اختي على الرد
كل الشكر لكم على المرور عزيزاتي :26:
مواضيع مشابهة
تابعي تجارب أخرى من هذا القسم.