اللى حد من عيالها اتحرق قبل كدة تفيدنى.... انا ف كرب

فاكرين موضوعى لما ابنى حط كفوفه ع الفرن و هو شغال و اتحرقوا الاتنين؟؟؟؟

فى منكم اللى ردوا على و قالوا ان حد من عيالهم حصل كدة معاه...

دلوقت حالة ابنى و لا حول و لا قوة الا بالله لسة سيئة و لسة بيتألم و شكل الحرق حاسة انه مش بيتحسن

و بقيت اشك ف تعليمات الطبيب انها مش سليمة بالرغم من انه استشاري ...

هاقولكم قاللى اتعامل مع الحرق ازاى و قولولى كنتم بتعملوا كدة مع عيالكم اللى اتحسنت حالتهم و ماسابش الحرق اثر و لا لا....

هو غطى الجرح خمس ايام بس و قال لازم يتكشف عشان ينشف..

قاللى 3 مرات ف اليوم لازم انقع ايده شوية ف مياه دافية عشان تبوش القشرة الفاسدة و تنظف اثر الدهان القديم...

بعدين ندهن بيتادين

بعدين ندهن ميبو

انا باعمل كدة مع ان ابنى لما باحط ايده ف المياه بيتلوى من الالم و الصراخ بس باضغط على نفسي و اقول لمصلحته

بس للاسف حاسة ان مفيش تحسن

اررررررررررررررجوكم افيدونى

استمر على كلام الدكتور و ابنى باذن الله هيتحسن و لا ايه؟؟؟؟:44:

30 تعليق 3,972 مشاهدة

شاركي في النقاش

سجلي الدخول لإضافة تعليق.

التعليقات

30
  1. حبيبتي افضل شي تحطين له خوا جو ماادري ايش اسمه عندكم بمصر
    بس صدقيني راااائع ان بنتي انحرقت في فخذها
    وبفضل الله ثم بفضل الخوا جوا زال اثار الحرق يارب لك الحمد..
  2. صاحبة الموضوع
    شكرا للردود

    ارجو الافادة من الخبيرات

    اللى مرت بالموقف دة تفيدنى

    اغطى الحرق و لا اكشفه؟؟؟؟

    اغسله بالماء الدافئ و لا ما اعرضه اصلا للماء؟؟؟

    ادهن بيتادين و ميبو و لا بس ميبو؟؟؟

    ارررررررررررررجوكم ردوا على و الله بابكى و انا باكتب ليكم و قلبي بيموت ف اليوم الف مرة من منظر الحرق ف يد قرة عينى

    و الوسواس شغال ف دماغى بيخوفنى من ان الجرح يتلوث او انى اتصرف غلط و يسيب اثر و يتشوه طول العمر

    و لا حول و لا قوة الا بالله

    ربنا عليك توكلنا و اليك انبنا و اليك المصير

تابعي تجارب أخرى من هذا القسم.