دلوني على افضل مشغل يصبــــغ الشعــــر بالرياض
متابعة النقاش، صفحة 22
شاركي في النقاش
سجلي الدخول لإضافة تعليق.
التعليقات
146- اب
- رفع
ndo-2010 جان كلود بالشمال خيال والرقم خذيه من 905
انا عروس وبعمل برنامج عروس فى عيادات د\مها بالرياض عمائر السريكون وعندهم قسم خاص للعناية بالشعر والله مرة ممتازين واسعارهم مرة حلو بامانة جربى:26:- انا ودي اقص شعري ابي افضل وحده تقص انا في الرياض
- السلام عليكم ورحمة الله وبركاتة
كيف حالكم بنات ان شاء الله تمام؟
مشغل فاشن=فاشل
ابغى اقولكم تجرببتي في هالمشغل الي جنب المملكة هالي الناس هابة فية وغالي ع الفاضي وربي يابنات ان ماعندهم سالفة
انا رحت لوحدة اسمها جومانة انا ابغى ثروت بس قالوا مسافرة...انا شعري ناعم وكثيف نوعا ما والى نص ظهري وكنت صابغه بني شكولاتة قبل سنة ونص ونزلت الصبغه وابغى اصبغ الارضية اللون الزيتي والخصل ذهبي وقلت اروح اصبغ عندهم لاني اخاف اصبغ عند اي احد وقبل اصبغ اعد للمليون لان شعري احلى مافيني ولله الحمد ولا ابغى العب فية..المهم مالكم بالطويلة ..انا مو من الرياض وجيت لفاشن هذا ع اساس هالشهرة الي خرطي..
طبعا اولا الاسعار ع كيفهم وفي وحدة اطول مني شعر واكثر حطولها لونين ب600 وانا ب800 ريال
ثانيا رحت لجومانة هاذي وابتسمت بوجهها وجيت قلتلها ابغى اصبغ عندك وانا جاية خصيصا علشانك ومن هالكلام الحلو..ولكن تعالو شوفوا ردها..تقولي اهاااا غير هالكلام!!! احنا عارفين هالكلام كل الزباين يقولون هالكلام من الخوف اننا نخرب هم!!!......<<<< اخاف من ايش؟؟
قلت لها لا ياقلبي انا صادقة بكلامي وطلعت لها التذكرة عشان ابين لها اني مو جاية العب معها الحمدلله والشكر...نفسية تكرمون زباله ومدري ع ايش؟؟ انا دافعه حالي من حال غيري!!
المهم قلت لها انا عندي صور باللون الي انا ابية قالت لالالا لو سمحتي ارمي كل هذولي انا موشايفة شيء وطلعت لي كتالوج الوان الي فيها بس خصلا شعر وقالت اختاري الالوان الي بدك اياه!!!
وقلت بيني وبين نفسي اجل ليش صافين هالكتالوجات عندي فيها عارضات بصبغات شعر مختلفة تبوني اختار صورة؟؟
المهم يوم شفتها كذا قلت لها حبيبتي معليش انا راح اتعبك شوي قالت لي لامو مشكلة بس اذا over لا..قصدها اذا بزيادة لا...والله العظيم استغربت وش هالتعامل الخايس..ودافعه حتى بدون ما اناقشهم بالسعر وهي تشوف هالشيء!!
المهم يوم شفتها كذا قلت خلاص ياقلبي شوفي الي تبينه وسوية بشعري بس ما ابغى فاتح وراحت تخلط او مدري وش تسوي المهم كانو بنات جالسات جنبي وقالوا لي ليش تقولين كذا الحين تجيب لك صبغه ارضية فاتحة حيل...المهم ما امداها راحت ناديتها قلت لها خلاص سوي اللون الي ابغى قالت شو انا خلطت خلاص ومدري ايش...قلت لها طيب معليش مافيها شيء المهم تاااففت لحد ماقالت وقالت انا عشان الوقت ومدري ايش وكانت الساعه 7 وهم يطلعون 10 يعني يمديها تصبغ عشر بوقت واحد انا مو معوقتها.. المهم جت وحدة حبشية جايبة معاها صبغة وحطتة براسي ويوم خلصت سالتها ليش هي ماتجي تحطه قالت عادي حنا نحطة وقلت لها انا غيرت رائي بالصبغه وهل جومانة غيرتة؟؟ قالت لا الصبغه الي معي هي نفس الي اول مرة!!! انا هنا وقف قلبي وقات الله يستر اقسم بالله...
وطلعت اسوء صبغه صبغتها بحياتي فاتحة لدرجة جاي برتقالي ع ناري الله لايوفقها وفوق هذا قالوا بس تنشيف مانستشور وانا دافعه 800 وقالت تعالي بكرا نكمل صبغه اللون الثاني وكانت الساعه 8 وربع وقلت لاخلاص مابي اجي بكرا ومارجعولي الا 200 يعني صبغه لون واحد ب600...وربي يابنات مهمتني الفلوس..يعني لاكانت مشغولة ولاشيء فاضية جالسة طول الوقت ع الكنب بس جالسة تأمر ع هالعاملات الضعوف الي عندهم...انا همني هالشغل التعبان الي عندها..وربي خشن شعري بشكل ماتتصورنة حسبي الله ونعم الوكيل عليها نصيحة لاترحون لها
البلاء لو انا شادة معها طول الوقت وانا لطيفة معها ومحترمة بدون ارخاء ولاشدة بس الظاهر مايمشي معهم الا العين الحمراء:16:
حسبي الله ونعم الوكيل اقسم بالله ان ضاق صدري بهاللون الي صبغتني واتصلت عليهم بعدها بيوم قلت ابعدل قالت اوكي بس ادفعي فلوس!!
ادفع وانا دافعه 600 ع لون واحد وش تبغون اكثر..المهم قلت يلة مع السلامة وتحسبت ربي
حبيت افيدكم بتجربتي وان شاء الله تكون عظة وعبرة لغيري عشان مايتورطون زي ما ورطوني وان شاء الله اشوفها بصحتي اذا كذبت بحرف واحد
وحسبي الله ونعم الوكيل عليهم....
مواضيع مشابهة
تابعي تجارب أخرى من هذا القسم.