زوجي مايجلس بالبيت كثيير نسمعها ونقولها ايش تسوين له لاجلس بالبيت ؟؟

نفس شي ، أحب انه زوجي يجلس معاي فالبيت
والمهم والاهم عندي مع عياله ، عشان يحسوا بوجود الاب حوليهم
وهو يقول ، انا ما قصرت بشي معاكم ، وانا اقوله ، وفرت لنا كل شي ، الا شي واحد
يقولي شو ، أقوله انته!!!
خليك معاهم ، حاورهم ، اتقرب منهم ، شاركهم بألعابهم ،
واذا جلس بالبيت ، أقوله ، ساعد ابنك في حل واجب الياضيات ، أو عنده تجربة فالعلوم ومش عارف يعملها
وكذلك الترفيه ، اقوله قبلها بيوم أو في الصباح ، انته معزوم على فلم اجنبي اليوم في سينما البيت
واعمل جو سينما ، تقفيل الانوا روالفوشا روالاكلات والمشروبات المختلفة ، اجهز كل شي قبل بداية الفلم
وطبعا اكون متابعة التلفزيون وبرامجه ، ومتى بيعرض الفلم
وكذلك البرامج المفيدة ، برامج ثقافية أو دينية أو حتى الرسوم المتحركة
احرص انه يكون مع عياله ، ويشاركهم
مرات اطلب منه تصليح شي خربان فالمنزل ، لانه يحب الاعمال الكهربائية ، بحكم شغله
واخلي العيال يساعدوه ، ويتعلمو منه ، واعمله كوب شاي

واحيان نتشارك في اللعب ، اونو ، مونوبولي ، شطرنج ، اي لعبة مسلية
او بلاي استيشن ،

أهم شي انه ما يحس بالفراغ في البيت ، لانه اول ما يحس بالفراغ ،
على طول يتصل على الاصدقا ويطلع من البيت ، ويجي آخر الليل

المعنى في اشغال وقته وهو في البيت

طبعا اكيد البس واتشيك ، واعمل اكلات حلوة
وشاي وقهوة وعصائر

ومثل ما قالوا بعض الاخوات
خليه يطلع افضل من قعدة البيت
كلامهم صحيح ، في بداية زواجي وقبل العيال
كانت طلعاتنا كلها مع بعض ، بس
كان لازم يطلع مع اصدقائه يتونس معاهم ، لازم مساحة من الحرية
والبعد الجميل ، ليعود اليك بشوق وحمااااااس
حتى بعد وجود العيال ، ومشاغلهم ، يطلع مع اصدقائه مرتين أو ثلاث مرات أو اكثر بالاسبوع
الرجل بطبعه ملول ، يعني بسرعة يمل ،
تلاقيه اذا كان مع اصحابه ، مل بسرعة ورجع البيت
واذا قعد فالبيت ، مل بسرعة وطلع مع اصدقائه

طولت عليكم
بس اخبرتكم بتجربتي واساليبي مع زوجي
التي ربما تناسبه ولا تناسب زوجا آخر ،
فكل رجل له شخصية متفرد بها عن الآخر

وما ينجح مع هذا قد لا ينجح مع ذااك

بانتظار ردكم وتعليقاتكم

يا غاليات

أونــو _ الأربعة تربـح _ مينيبولي _ ورقة اللعب (مو عارفة شتسمونها)_ كيرم
مثل هالألعــاب مرره تونس وفي حمـاس وضحك وتكسـر الروتين
واللي يفوز يعشي الثاني او أي مكافأة ثانية ×_×
حوسي أنتي وياه بالمطبخ سووا لكم قهوة أو عشا او اللي تبون وكل واحد يحطم الثاني ههههههههه
ممممم جيبي مكياجك خليه يحط لك أنواع الفله والضحـك
هذا اللي جـا ببالي ألحين

دمتي بود (:

خخخخخخخخخخخ فكرة المكيااج حلوووووووووووه
باجربها بس عساه يتفااااعل