¨°o.O (ملف oo بنـــات العينoo فقط ) O.o°"

او مهرة ياليت رقمها واسمها ولو تعرفين اسعارها يكون احسن...


:26:

تحياتي:
غيـــــــــــــــــوض

السلام عالمزايين عساكن بخير فديت العين وترابها ولو سرت بعيد ما ارتاح غير فيها ولو سرت الف سوق ومركز مالي غناة عن سوق العين والله كلام من تجربه مب سوالف

حبيت اسلم عليكن واشارك بالنسبه لتنظيف البشره انا اسوي عند اسثتك وعند المركز الاوروبي اللي فالجاهلي مال الليزر هالمركزين روووعه وشغل نظيف صح من فتره اسوي في بوظبي بس كل ما احتاج اسوي وانا عند اهلي فالعين اسيرلهم
والحوامل انصحكن بششششششده تسون مساج الحامل عند اسثتك بتنسين عمرج
ترا عندهم انواع وايد من المساجات رهيييبه وانا وحده دوم تعبانه من ريولي عقب حمالي الاخير وارتاح بعد المساج فعلا احس براحه وليونه ومرونه ويروح التعب وهدة الحيل
والاخت غيوض تخبرت عن وحده تسوي رياضه فالبيت انا كنت اعرف وحده اسمها عنايه لبنانيه معروفه فالعين وكانت من سنتين تاخذ بس 600 فالشهر وعقب فتره قامت تسوي رياضه حق بنات عائلات كباريه فالعين وشافت عمرها وايد صارت تطلب الف حق شهر خمس ايام فالاسبوع وتقولج والله انا سيارتي بالكراج وماعندي مواصلات انتي ابعتيلي سيارتك كل يوم رايح راد والله شغلانه فكنسلت عنها ولا تقولن روحي السنيوره و واحد نسيت اسمه صوب البلديه ترى وايد عليهم اشاعات ان يصورون وصراحه الواحد يتقي الشبهات مستحيل اسير هالاماكن.

وموضوع مهم فخاطري اتكلم عنه من زمان الا وهو الليزر من واقع تجربة 7 سنين ماخليت دبي ولا بوظبي وصارت عندي خبره كبيره فهالموضوع ونصيحة اخت تحبلكن الخير
انا سيقاني والاوراك قبل 4 سنين كانن حشائش السافانا إذا تذكرون الجغرافيا والله العظيم يا بنات ان الشعر اسود وكثيف وغليظ ووووااااااااااايد وكنت اموت من الحلاوا يعني اذا سويت اليوم حلاوا والله محلاتني ناعمه وحلوه وقمصان النوم البيبي دول وتعالي شوفي بعد 5 ايام بالضبط والله ما ابالغ تقولين يربا اتحكك واللحم احمر وحبوب كامل ريولي وبعد يومين اسوي مغربي فالبيت واتفرك عدل يخف شوي وبعد بثلاث ايام او اكثر شوي يبدا التحكيك عدل لان الشعر يبدا يطلع والله كأني محلقه بالموس مب شاله بالحلاوا والحمدلله بفضل من الله سويت ليزر عند المركز الاوروبي
والله الشاهد على كلامي انا كنت شعرانيه وسويت بس جلستين حق سيقاني وثلاث جلسات حق وراكي وانا ترا ما التزم بكلامهم ان لازم ارد كل شهر او شهرين بين الجلسه والثانيه لا عادي متى ما توفرت عندي الفلوس واحس اني احتاج اتظف اسير واسوي ومثل ما قلتلكن انا مسويه سيقاني بس مرتين واخر جلسه والله العظيم من اكثر من سنه ما اذكر متى بالضبط والشعر خفيييييف ولا اشله إلا كل ثلاث شهور
بالمكينه الفيلبس الملاقط ولا يعور والشعر فوراكي بعد صار خفيف وقبل كان الشعر واصل لين الركبه اسود وغليييظ وابشركن الفلبينيه اللي كانت تسويلي وااايد حبوبه
اسمها جيني اسلمت من فتره وتتصلبي تتخبرني عن وايد اشياء
واللي بتسال عن الاسعار صراحه انا اقولكن اني ما عقيت فلوسي بلاش صدق يستاهل
لاني سويت فدبي عند مركزين وفبوظبي مركزين والحين بس اروح عند جيني من 4 سنينوالعبره مب فالكتور او المركز العبره فالجهاز جهازهم اسمه الكسندرايت من اقوى واحسن انواع الليزر حتى الدكتوره سعاد عبدالله اللي فدبي تمدح الجهاز والدكتوره فاطمه مدني دبي بعد تمدحه
وبخصوص اللي سألت عن الدخون انا ما احب اخذ من اي حد وعندي انواع معينه احبها موت اخذ من عند موزان معمولة أم الشيوخ رهييبه وانا ما احب الدخون والمعمول اللي يفوح شوي وبعدين يصهور وتربعين اطلعينه من الحجره ولا إدخلينه الحمام كرمتوا لا ما اخذ من هالنوعيات ما تدخل مزاجي يعجبني الدخون اللي يتم مثل ما هو لين اخر شي نفس ريحته اول شي وموزان عنده انواع حلوووه وايد وحق كل الاذواق واخذ بعد المعموله الفرنسيه من عند ام عبيد في بوظبي رهيبه كل اللي اخذها له من الحريم وحريم خواني وربعي يسالن عنها ويطلبن منها اموت عليها يوم احطها فكبت ثيابي واسكر الباب عليها لا تشب ولا تصهور وريحتها ترد الروح وايد يحبها ريلي حتى مرات احطها تحت ثيابه
واخيرا لاني تعبت من الكتابه اخذ عود معطر ومعموله فرنسيه من عند حرمه اسمها ام محمد تيينا من دبي هي تسوق سيارتها حرمه راعيت البلاد وفيها خير حليلها وشغلها رااائع وقبل اربي من 6 شهور خذت من عندها عطور ودخون ولين اليوم استخدمه وريحة معمولها تجنن احب ادخن بيتي منها تشرح النفس ومثل ما قلت ولا صهوار ولا حريقه لين ترمد الفحمه الريحه روعه
واللي من العين وحاب انه ياخذ منها صبرن شوي لان بتواعد معاها الاسبوع الياي بسير عند اهلي فالعين بخليها تيني باخذ حق رمضان والعيد يعني انا بيي الاربعا وبحاول انها تييني الخميس يعني تلف على كم وحده منا وصدقوني ما بتندمن على شي كل شغلها شيوخي قمه
ولنا كلام ثاني عندي وايد سوالف بس ما كنت احب اكتب بس شجعتني بنات العين

وسلامتكن لازم الحين اقفل الموضوع عن يعلق الكمبيوتر علي ويضيع كل اللي كاتبتنه واللي تبا تسأني عن شي حياها الله وانا حاضره :27:

:ohmy: :ohmy: :ohmy: :ohmy: :humm:


تصدقون تروعت يوم شفت مشاركتي اللي فوق اول مره اكتب جذيه :D
صدق اني متفيجه اليوم ومرقده العيال من وقت
ولا مب بالعاده اكتب يدوب اقتباس وبزياده علي :icon28:

حبيبتي أم التوووت

أبا أسألج عن هالمركز يا ليت تعطيني تفاصيل أكثر عنه وأسعاره ومكانه وباقي ميزاته
لأني يمكن أشيل شعر ويهي بالليزر فهل تنصحيني فيه؟؟؟

وجزاج الله خير انتي وباقي البنات الطيوبات :)

وانا يا ام التووووت ابغي اسأل عن اسعار كل دخون عندج سواء اللي من عند موزان او ام عبيد... وبعد ياليت اعرف اسعار ام محمد اللي من دبي عن العطورات اللي عندها وانتي شو خذتي منها أقصد الاسماء... والسموحة منج طولت عليج عيوني...

:26:

تحياتي:
غيــــــــــــــــوض