تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

مبروك التجمع الجديد
ويارب يكرمكم كلكم فيه يارب
اللهم إرزق كل واحده في هذا التجمع بالذريه الطيبه السليمه المعافاه كما تحبها وتتمناها حتى ترضيها يارب العالمين إنك على ذلك لقدير وأنت الرؤوف الرحيم يا كريم يارب

ساعدينا بنصرة النبي الكريم اليوم فقط فرصتك
الغوالى>>

بسم الله ما شاء الله
بقالي اسبوع باحضر اربع مرات في اليوم في التجمع
اسيبكو يوم واحد
اجي الاقي تجمع جديد ومواضيع فاتتني
يلا ملحوقة
الف مبروك على التجمع الجديد
متعرفوش اد ايه فرحت جدا لما لقيته
وكانه بيبي جديد اتولد في وسطينا
واحنا كلنا امهاته
يا رب يكون فاتحة خير علينا جميعا يا رب

صباح الورد على عيونكم كلكم

من فضلكم بقى STOp كفاية الله يخليكم تعالوا ننسى كل اللى حصل ومحدش يزعل من حد
ونبدأ على مية بيضا بقى فى الملف ده ونخلص النية لله فعلا والله العظيم هنكون احسن ناس فى الدنيا

وعلى فكرة كلمة اخيرة بس هى نيفو مش انفجرت من فراغ بس هى لفتت انتباه الناس كلها لاهمية الملف اكتر من مرة بس فى ناس فعلا مش بتاخد بالها
والحمد لله نقول ان نهاية الملف اللى فات كانت وقفة عشان نصحح اوضاع وزى ماشوشو قالت مفيش حاجة بقى اسمها ناس جداد وناس قدام واحنا خلاص وضحنا الفكرة بتاعة الملف علنى وللناس كلها
دلوقتى اى حد هيدخل وهيضيف اضافة للملف يعتبر من مؤسسين الملف يعنى الملكية عامة ياجدعان
بس خلوا بالكم مش للبيع

تعالوا بقى لحسن انا فى حاجة كابسة على نفسى من امبارح وهتجنن واتكلم معاكم
وانا عاملة زى البالونة من امبارح جوايا حاجة عاوزة اقولها بس لما لقيت الجو مش هو مارضيتش وقولت استنى لما الدنيا تهدى كده والناس كلها تبقى حلوة ولذيذة ودمها خفيف عشان ادخل اقول لكم
يعنى حرام ابقى معاكم من الملف التانى واوصل لل15 واتسلق كده لا ده انا عاوزة ملف بحاله عشان اطلع كل اللى جوايا

طبعا كانت كوكر قالتلى روحى حللى وانا قولتلها انى نكدية لما بسمع نتيجة التحليل


والله العظيم ياجماعة وركزوا معايا شوية
قسما بالله الموضوع مش بس لانى بتنكد لماا عمل التحليل والاقيه سلبى
لا انا كمان عارفة حالتى وفاهماها كويس
انا لما نزلت مصر وكشفت عرفت انى مستحيل احمل طبيعى وان حته لو عملت حقت مجهرى فنسبة النجاح تقريبا 7%
والله العظيم ده الكلام اللى الدكتور قالهولى وهو مش بيكدب وانا عارفة انه معاه حق انا عندى الانابيب الاتنين مسدودين والقاولون ضاغط جامد على الرحم وعندى الغدة الدرقية وعندى اندومتريوزيس من الدرجة الرابعة وعامل لى التصاقات جامدة فى الحوض وكل ده بان من 7 شهور لما عملت المنظار ودكتورىة هنا برضه قالى الحمل الطبيعى مش مستحيل بس صعب قوى واحنا فى امس الحاجة انه يحصل باى شكل سيان تلقيح او حقن مجهرى او انابيب لان الاكياس عندى متوحشة وبتزيد بنسبة غبية جدا
وكنت قولتلكم انى قررت اعمل الحقن المجهرى فى مصر على شهر 9 ان شاء الله وبدات استعد نفسيا وجسمانيا عشان اكون مهيئة للحق المجهرى وبدات اعمل رجيم والعب رياضة جامدة جدا عشان فى خلال شهرين اخس وابقى لائقة لعملية الحقن وكنت هدخل الاول اعمل تلقيح صناعى الاول لان ظروفى المادية مكانتش لسة تنفع للحقن الا فى شهر 9 مع انى عملت التلقيح مرتين وفشل

بس عشان احنا اخوات فى الله ولما بننصح بعض بيكون لوجه الله فانا بثق فى كلامكم جدا وحتى لو مش جاى على هوايا بمعنى انى لو مش عاوزة اعمل تحليل مثلا ولقيت كوكر واوكسى ولومى نصحونى فلازم اسمع لصوت العقل
وعشان كمان كان الدكتور اللى بتعالج عنده من الغدة الدرقية كان نبهنى كذا مرة انى لو البريود اتاخرت لازم اعمل تحليل عشان لو فى حمل ابدا اخد جرعة مكثفة من العلاج لو احتاجتها
فقولت خلاص انا هروح اعمل التحليل وامرى لله وفعلا جبت تحليل منزلى من غير ماجوزى يعرف وعملته فى البيت على الساعة 6 بالليل كده وقبل ماتعدى 3 ثوانى لقيت التحليل فيه خطين فقولت يادى النيلة باين عليه بايظ ده حتى لسة خط التيست نفسه ماظهرش بس مش هكدب عليكم ادانى شوية امل
فلبست ونزلت اجرى على الصيدلية وجوزى كان نايم وفاق لما لاقانى بلبس ونازلة وسالنىة على فين قولتله هجيب حاجة من تحت لقيته بيقولى استنى هنزل معاكى قولتله لا انا اصلى هعدى على الجيم اسال على حاجة عشان مش عاوزاه يحط امل فى دماغه وبعدين لاقدر الله يتصدم
ولما نزلت الصيدلية الدكتور قالى التحليل معناه حامل بس اتاكدى واعملى تحليل دم ولما علمته كنت متأكده انى هسمع الكلمة اللى بسمعها كل مرة

بس الحمد لله يارب الكلمة دى اتغيرت بقدرة ربنا وفضله


ودلوقتى

اقدر اقول لكم























انا حامل الحمد لله

وعشان انا نكدية فضلت مسهمة ومتنحة وممديتش حتى ايدى اخد الورقة ولقيتنى بعيط جامد قوى وجسمى كله بيتنفض والدنيا لفت بيا فاللى شغالين فى المعمل اتخضوا وقعدونى وجابولى ميه وباركولى

الحمد لله يارب الحمد لله