تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

سبحان الله اهو انا حاسة دلوقتى ان ربنا بيدى للناس كلها هنا فى المف وفى قسم تاخر الحمل كله اشارات
عشان نلجأ لربنا وحده بس ونتوكل عليه وبرضه ناخد بالاسباب
اهو شوشو كانت جدتها متوفية ويمكن تكون مركزتش 100% فى الهوم وورك الشهر اللى حملت فيه وربنا اراد وتم الحمل
وكوكر كانت مستبعدة انها تحمل طبيعى بعد 5 سنين انتظار وبعدين حملت بالحقن وجابت كريم الله يحفظه لها
وماما الحمد لله لاول مرة تستجيب للمنشطات وبويضاتها تطلع كويسة ويارب دايما وان شاء الله الحمل قريب جدا
وانا اهه وبعد العوائق اللى كانت عندى دى والكل اجمع ان الحمل الطبيعى شبه مستحيل
ربنا اكرمنى بالحمل الطبيعى بدون منشطات ولا ادوية ولا شئ وفى شهر كان مستبعد فيه الحمل اصلا
والله يابنات انا اصلا حسيت الشهر ده انى محصلش عندى تبويض والله لاجنابى وجعتنى ولا افرازات لدرجة انى قولت ده من الشهور اللى مش بيحصل فيها تبويض عندى وكمان مركزتش خالص انى التزم فى الهوم وورك بموضوع انى انام اواعد الايام ولا حاجة
ولما البريود اتاخرت قولت اكيد لانى محصلش تبويض او حصل وكان ضعيف فهتتاخر
لكن سبحان الله ربنا بيقولنا ويعلمنا فى كل لحظة ان مفيش حاجة بعيدة عليه

تعالى ياقطوس شوفى مفيش مستحيــــــــــــــــــــــــــــــــــــــل على ربنا اذا اراد شيئا فيقول له كن فيكون

مع انى مش هكدب عليكم انا كمان كنت ساعات كتير بحس ان المستحيلات كتير قوى
بس ربنا كسفنى من نفسى

ياحبيبة قلبى يانيفو
والله العظيم انا بقرأ كلامك كلمة كلمة ودموعى بتنزل على خدى
والله العظيم يابنات والله العظيم وربنا يحاسبنى على كل كلمة بكتبها او بقولها دلوقتى
انا لسة مش عرفت حد غير ماما واخواتى وانتوا اكتر من اخواتى وربنا يشهد على كده
والله العظيم انا الفرح فى كلام نيفو دلوقتى حسسنى انى لسة حالا سامعة خبر انى حامل وجسمى اتنفض
هو ده احساسنا ببعض
يارب احنا اخوات فى الله اتحابينا فيك واتجمعنا على الخير يارب ظلنا بظل عرشك يوم القيامة مثل ماوعدت المتحابين فى الله

يارب يانيفو يارب تحملى انتى كمان فى الملف ده انتى وكل البنات هنا يارب
والله انا كل مابدعى لنفسى بدعيلكم وهغضل ادعى لنفشسى برضه وادعيلكم

ما شاء الله ولا حول ولا قوة الا بالله
ربنا يجعله فتحة خير علينا كلنا ونكون فى سعادة ورضى بما قسمه الله لنا
والله يا بنات انا لسه سامعه الشيخ سامى السرساوى فى قناة الناس كان بيرد على سؤال عن ازاى الواحد يتخلص من الصفات السيئةزى الحقد والحسد وعدم الحب للخير و...وحاجات كتير من اللى انتم عارفها واكيد بتصدفو ناس بيتعملوا بيها تعرفوا رد اقال ايه قال ما اصابك ما كان ليخطئك وما اخطائك ما كان ليصيبك ابدا وانى الناس اذا اجتمعوا على ان يضروك بشىء لم يضروك الا بشىء قد كتبه الله عليك ولو اجتمعوا على ان يفيدوك بشىء لم يفيدوك الا بشىء قد كتبه الله لك فليه بقه التعامل بالصفات السيئة مع الناس وليه الناس بتخاف من بعضها وليه لما تحزن تبقى عاوزة الناس جنبها ولما تفرح تخاف من الحسد وتخبلى الفرحة والله يا بنات لو اخدنا منهج حايتنا من الكلام ده حنرتاح اوى ونريح غيرنا كمان

انا ذكرت الكلام ده لانى حاسه وشايفة مع انى مش بدخل كتير حاسة انى التجمع مش زى الاول وكنت بقول لاانا غلط لانى مش متافعلة بس كلام البنات والناقشات اكدت احساسى ده يا بنات انا لما فكرت وربنا كرمنى وفتحت الملف ده كان قصدى التعاون على البر والتقوى وكمان كنت عارفة انى ده عمل تطوعى وانى اى واحدة تدخل تشارك او تساعد حد لاتبغى الاجر الا من الله والحمد الله الهدف اتحقق والحمد الله احلى بنات بس اكيد ما فيش انسان كامل يبقى يا ريت يا بنات نرفع شعار شوشو حب لاخيك ما تحب لنفسك وانا هضيف شعار تعاونوا على البر والتقوىو يا ريت يا بنات اى واحدة مش مرتاحة من لاى رد من واحدة فينا تبعت لها على الخاص وتستفسر منها والطرف التانى يهتم وقدلر الانسانة اللى اهتمت بيه بس بلاش عتاب على العام علشان النفوس مش تشيل من بعض