تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

شوشو

ربنا يخليكى ليا ويديم الحب والمودة بينا يارب

انا من كتر اللخبطىة وانا بكتبلكم الخبر نسيت احكيلكم على لما رجعت البيت وقولت لجوزى
والله يابنتى شفت اغرب رد فعل فى حياتى هو ياحبيبى كان لسة صاحى من النوم ومش مستوعب اللى انا بقوله وانا بديله التست المنزلى والتقرير اللى اخدته من المعمل وبقوله انا عملت تحليل والنتيجة حمل
لقيته بص لى قوى كده وتنح جامد وهز دماغه مرتين تلاتة كده وقالى هو ايه ده انا مش فاهم حاجة
قولتله ايه يابنى انا عملت تحليل وجبت النتيجة لقيته قام وراح قالى فى ايه مالك هو باين كان فاكرنى بخرف او نايمة وبحلم مش عارفة
قولتله هو ايه اللى فى ايه مالى ايه بقولك انا حامل ولقيت دموعة نازلة بتجرى نهر وقعد يشكر ربنا ويحمده وصلينا ركعتين شكر لله
وصمم انى اروح للدكتور بتاعى هنا عشان يطمنا اكتر
وطبعا جوزى لففنا الكويت كلها وتاه فى الطريق بتاع الدكتور مع انه حافظه صم بس مكانش مركز وما ابتسمش وحسيت بفرحته بجد الا لما سمع الكلام ده من الدكتور مع ان الدكتور قالى مش هنشوف حاجة دلوقتى بالسونار لازم نستنى شوية بس كل اللى هنطمن عليه بطانة الرحم وعملى السونار خارجى وقالى كويس
وكان فرحان قوى واتصل على مدير المستشفى اللى عملى المنظار وكان هو كمان فرحان جدا
وكتبلى دوفاستون مثبت 3 مرات باليوم وبيبى اسبرين وفوليك اسيد وقالى اروح له اول الشهر

شوشو ازيك عامله ايه يا قمر

كنت عايزةاستفسر عن حاجه
انا دلوقتي خسيت الحمد لله ووصلت للوزن المطلوب والحمد لله محافظه علي وزني
بس بقالي شهرونص كده مش بلعب رياضه خاااااااااااالص بس انا علي الميزان ثابته عشان مقلله اكلي

فهل عدم لعبي للرياضه ممكن يضرني او ياثر علي هرموناتي؟؟؟ حتي مع ثبات وزني
ولا اهم حاجه الوزن؟؟؟

يا حبيبتى يا بوبتى لازم تبعتيلى ميلك على الخاص علشان ابعتلك الاغانى اللى بعتها لميزو وشوشو وريمو ... حتفرحك قوى وتحسسك كأن طفلك بقى حقيقة بين ايديكى ... انا لما كنت بسمع الاغانى دى قبل حتى ما اتجوز كنت بحس الاحساس ده ... حقولك مقاطع من اغنية كانت عنية بتغرغر بالدموع لما بسمعها ومش بقدر اكرر المقاطع ورا عفاف راضى وهى بتغنى
حابا حابا تعاليلى ... يا زغلولة زغاليلى ... روحى روحى وارجعيلى .... وامشى يا بطة وحطى وشيلى
ادام بيتنا جنينة شوفى ... بكرة اغدك على الورد تطوفى ... تتمشى وادوس انا على خوفى ... تبعدى واناديكى بمنديلى
.........................................................................................................................
حابا حابا ... خطى معايا ... يا حلوة يازينة الصابايا .... خليتى شقتنا سراية ... وانا رهن اشارتك شاوريلى
.....................................................................................................................
وآدى بابا ضحكلك بعيونه ... لما مسيكتى بنطلونه ... ولبستى فى رجليكى النونو ... جزمتى وفضلتى تتشاوريلى
......................................................................................................................
دى فيونكة دى ولا فراشة ... قولى يا بسبوسة على بغاشة ... ليه ماسكة صباع الكماشة ... خايفة لتتكعبلى واتميلى