تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

متابعة النقاش، صفحة 30

شاركي في النقاش

سجلي الدخول لإضافة تعليق.

التعليقات

2,155

  1. كوكر ايه هوه الجهاز ده
    بنات في حاجه شغله ذهنى اوى من ساعت لما قرأت الموضوع اللى بأسم قانون الظن بالله اللى كان موجود اللينك بتاعه فى اول الصفحه ابارح كان عن الحديث القدسي اللى بيقول ( انا عند ظن عبدى بي )
    انت عرفين الحديث ده فى بالى على طول بس المشكله ان كل شهر اقعد اقول لنفسي البريوت جايه واقنع نفسي بكده علشان كنت الاول لما بعشم نفسي انها مش جايه كنت بتصدم جدا وحالتى النفسيه بتتحطم كل شهر
    شرح الحديث كان بيقول انك لو توقعت الشر هتلاقيه ولو توقعت الخير هتلاقيه انا والله مؤمنه بالكلام ده جدا بس بخاف من الصدمه مش عرفه اعمل ايه معنى كده انى علطول بتوقع الشر اتمنى تكونوا فهمتونى

  2. @am_ayad_2009

    رمـــــال
    والله انتى كمان واحشانى جدا .. ربنا يخليكى انا عاذراكى فى الزهايمر ده انتى ليس عليكى حرج دلوقتى .. انا مقدرة تماما الفترة الاولى فى الحمل عاملة ازاى ربنا يكرمك ويقومك بالسلامة ويبارك لك فى جنينك ولو انى مش عارفه حاسة ان ممكن يكونوا توينز .…
    ربنا ما يحرمنى منك ولا من دعواتك الحلوة
    لسه حروح النهاردة لدكتور عادل ودي اول مرة اعمل سونار
    وان شاء حطمنكو بس مع نيفو لانى حروح لماما بعد الدكتور اغير جو كام يوم لانى اتخنقت من قاعدة البيت

  4. @am_ayad_2009

    ام انس ايه التورت الروعة دى
    يا جمالوة يا جمالوة
    يابختك يا ست بوبا
    بس متنسيش تعزمينا وانتى بتكليها

  5. @rmal_8

    kokar_2001
    انا بخير الحمد لله يا رمال كله تمام بجد الرياضة دى حاجة جميلة جدا جدا و بجد انتى جدعة انك نزلتى وزنك انا بقى ملحقتش كنت فاضلى 5 كيلو و عرفت موضوع الحمل و انا فى السكة بس انا شاكة فى حاجة ان حملى فى كريم عشان كان فيه تنشيط زدت ببشاع…
    طيب كويس انك المرة دى واخده بالك من الوزن يا كوكر وبعد الحمل كل ده هينزل لوحده صدقينى ..
    بصى انا خسيت مش بمزاجى بصراحة الحقيقه انى خسيت فى موضوع المرارة جامد اوى وخصوصا ان المرارة دى جتلى بعد الولادة بتلات شهور بس فا جابت كل الوزن بتاعى اللى كان زايد فى الحمل ولو انى كنت زايده فى الحمل حوالى 17 كيلو يعنى فى الطبيعى .. وبعد كده طبعا الرضاعة خفضت وزنى كتير فا الحمدلله رجعت زى ما بدات الحمل .. بس مخبيش عليكى الرياضة بترفع روحى المعنوية اوى وبتخلينى فى مود مبسوط بالاضافة الى انها صحه جسمانية وبتشد الجسم والترهلات اللى بيسيبها الحمل والولادة وهتقينى من شر الامراض علشان لما افكر فى الحمل الجاى بأمر الله ..
    المهم بس انك تواظبى على الاكل الصحى جدا فى الحمل ده واشربى سوايل اكتر مش هوصيكى بلاش الملح الزيادة وبلاش السكريات الزيادة برضو وخلى بالك كويس من اكلك انا كنت واخده بالى فى الحمل من الاكل كتييير وكنت بوزن نفسى كل اسبوعين فى المتابعه علشان كده الموضوع كان عليه كنترول .. وانتى ان شاء الله هترجعى زى ماكنتى وهتعرفى تلبسى هدومك ما تفرطيش فيها دلوقتى علشان هتخسى هتخسى متخافيش ..

تابعي تجارب أخرى من هذا القسم.