بنات باخذ رايكم000
عندي شغاله اندونيسيه لها اربع شهورطيبه نوعا ما
وشغيله بس عيبها غبيه ولاهي تكانه
واهم شي ما تعرف تطبخ00ادري انكم بتهبون فيني
وتقولون ليش تطبخ وانتي وش عندك ؟؟؟ انا اقول لكم
انا اسكن بمنطقه بعيده عن اهلي وزوجي يبيني احمل
وانا وحامي الله لا يذوقكم اللي اشوفه وبعد النفس ومن يقوم فيني
وعندي اربعه وزوجي اكله غير اكلنا لان معدته تعبانه
فغالبا اسوي صنفين او ثلاثه للوجبه وهذي حتى البيض بعد طلعن الروح عرفت تسويه
انا ابغى وحده تظبط الكبسه والمكرونه والايدام الاساسيات
لاني تعبت قبل فتره والله زوجي وعيالي دجوا من الجوع
وافكر اقبل اللي عندي واجيب فلبينيه ليش؟؟
لاني احس الفلبينيات منظمات ونظيفات وتناسب نمط حياتي
لان انا شديده واحب النظام في كل شي
بس خايفه ومتردده واخاف تجي بعد ما تعرف تطبخ
ملاحظه0000ترى انا الحمد لله طباخه بس ابي وحده
تساعدني اذا مرضت لان معي القولون وكل يوم سادحني الله المستعان00
معانها مشتغله بالاردن 3 سنوات بس ما تعرف كوعها من بوعها
غباء كانها حايه من كهف ماتعرف حتى القصدير كيف تستعمله تخيلوا
وانا طفشت منها بسكيف اتخلص منها اذا الله يسر وقدمت ولا ابيها تحس عشان ما تحقد علي فكرت اقول اننا بنسافر للخارج تبين تسافرين ولاتشتغلين عند ناس ثاني واللي تبيه بسويه ما ابي اظلمها
بنات شوروا علي لاني انا وعيالي ما حنا قادرين نتقبلها
لان كانت عندي وحده جلست 5 سنين ونص والله كنها وحده
من العيله وسبحان الله اللي في بالي تسويه من عير ما اتكلم
ادري اني طولت عليكم لكن انا بحيره
شاركي في النقاش
سجلي الدخول لإضافة تعليق.
التعليقات
14- الله يعينج نفس اللي عندي ما تعرف تطبخ ابدا حتى السفرة ما تعرف اتنظمها واترتبها مالج الا حل واحد تنازلي عنها او بيعيها لاي مكتب وجيبي غيرها واشرطي انها اتعرف تطبخ
موفقه - جيبي فلبيني والله على كيفك تجي بس بشرط ماتكون كبيره وهذي اصبري لين تجي الشغاله الجديده وطيريهاااااااا
- وين البقيه000انتظركم
- الله يكون بعونك مااحد مرتاح من هالشغالات ..مدري احسهم مو مثل اول تغيروا من قبل اذا استقدمتي خادمة تعيش عندك وتجي وهي راغبة العمل وتب تتعلم
الحين الله المستعان
نبوس ايدينهم بس عشا يساعدون - اجلسي معها شهر تدريب مكثف وعلميها وخلي معها ورقه وقلم تكتب وانتي تسوين
مواضيع مشابهة
تابعي تجارب أخرى من هذا القسم.