مجتمع متخلف يدّعي أنه المسلم الوحيد وهو الوحيد الذي يفهم الدين !!
الدين الإسلامي ساوى بين الجنسين في الحقوق والواجبات والأجور والعقوبات " ومن يعمل صالحاً من ذكر أو أنثى " " والزاني والزانية " " قل للمؤمنين يغضوا من أبصارهم ويحفظوا فروجهم " " وقل للمؤمنات يغضضن من أبصارهن ويحفظن فروجهن "
لكن المصيبة أن أكبر عدو للمرأة هي المرأة نفسها ..
حتى الأم داااااااائما في صف أبناءها الذكور ولو كان على حساب الإناث !! يعطى الذكر كل مايريد وينال حرية مطلقة وتسامح في كل شي وفرض سيطرته على كل أنثى في البيت ومن ضمنهم أمه !!
بعكس البنت محاسبة على كل صغيرة وكبيرة بحجة أنها بنت !! عااار .. والولد يشيل عيبه بجيبه !!
حتى الولد لو وصل فيه الأمر للمخدرات يتعالج ويعود للبيت ويزوّج ويتوظف والكل ينسى اللي صار ويعتبرة ولد من جديد !!
بس البنت لو دخّنت سجاير بسبب سوء تربية أو صحبة سيئة أو ربما أبوها واخوانها يدخنون (: تعتبر كبيرة من الكبائر وزلّة لاتغتفر لها ووصمة عار تلاحقها مادامت حيّة .
الولد يكتشف أنه زنا بالخادمه وأقصى شي يسوونه يسفرونها !!
والبنت لو اكتشف أحد من اخوانها " اللي يمكن يكونون يعرفون نص بنات الرياض ويطلّعونهم بعد " انها متعرفه على شاب ع الجوال أو الماسنجر بتضرب ويفرض عليها عقوبات من كل أفراد السرة وبيصار جوالها ولاب توبها وتحرم من استعمال الهاتف ويمكن تمنع من الخروج من البيت !!
وإذا هربت ولا سوت بنفسها شي .. قالوا انها بنت فاااااااااااااسدة وداشرة وسودت وجيهنا سوّد الله وجهها ّّّّّّ
وياليييييييييييت الأمر يوقف هنا وبس ... لا أخواتها بيعنسون محد بيخطبهم لأن أختهم سوت وفعلت !!
وبيعيشون هالبنات الباقيات في سجن حقيقي بحجّة يخافون يسوون مثل ماسوت اختهم !!
مجتمع يعتبر الرجل دااائماً على حق .. والمرأة على خطأ مالم يثبت العكس !!
حتى إلى الآن اللي تجيب بنات كثير ينتقصونها وأتحدددددددددددددا أي رجل تعرض للتنقيص في رجولته لأنه هو السبب الحقيقي في تحديد جنس الجنين ..
لكن المرأة تتعرض للتجريح من زوجها وأمه وأهله ومن مجتمعها !!
بعض الرجال لو عنده عشر بنات بدون أولاد مايسمى أبو فلانه .. يسمونه ابو فلان >> اسم ابوه !!
وبعضهم متحضر ششوي (: يسمونه أبو فلانه وتجلس البنية فرحاااااااااانه خمس سنين وابوها ينادونها باسمها وبغمضة عين تجيب امها ولد اسمه مناحي على طوووووووول يقلب المجتمع كله الموجه ويسميه ابو مناحي وهالضعيفة تبدا المصايب تجيها من كل حدب وصوب هههههههههه
المجتمع يعب على الأرملة تتزوج ويصورها بصورة امرأة شهوانية تحب الرجال وماتصبر عنهم ووووو ناسين أنه حق شرعي ومطلب إنساني لها ..
أما الرجل الأرمل كلللل المجتمع يدعوه ويشجعه على الزواج بحجة أن الرجل مايقدر يدبر أمور حياته بدون امرأة .. ونسيوا أن اللي خلق الرجل هو نفسه اللي خلق المرأة !!
حتى أولاده يشجعونه ويخطبون له ويزوجونه .. والأم عييييييييييييييب عليها تجيب طاري العرس وياليتهم شايلينها ومايقصرون عنها بس !!
البنت تتخرج من الجامعة قالوا عنّست ومايبونها الشباب .. اللي أعمارهم تصك الثلاثين ولا شكل ولا وظيفة زينة ولا أخلاق مع كل أسف ..
مجتمع يرى أن المرأة الجامعية ويمكن أعلى مثقفة وجميلة وموظفة بوظيفة محترمة إذا كبرت ودخلت الثلاثين مايجيها أحد ولا يجيها شاب تافه ضايع براتب دنيء ويعتبر لؤطه بالنسبة لهالمجتمع >> ظل راجل ولا ظل حيطه ههههههه الله من حيطه وحيطه عندنا هههههه
مجتمع يشوف أن المطلقة مههههههههههههههما كانت صغيرة بل ربما تكون بكر مامسها زوجها أبداً ماتستحق أن يتزوجها شاب ماتزوج قبل .. والله العظيم صديقتي تزوجت وسحر زوجها مامسها مدة قليلة وتوفي رحمة الله عليه وماخطبها إلا متزوجين ولا مطلقين وعندهم كومة عيال >> 2 × 1 زوجة ومربية ويمكن شغاله هههههههه
رغم انها والله انها جميلة وجامعية وبنت ناس وماوصلت الثلاثين !!
مجتمع يجبر المرأة على الصبر على شي مايصبر عليه !! وأكثر من ينصحها تضحي بشبابها وصحتها وأجمل فترة بحياتها هم النساء مع كل أسف !! والمصيبة لما تصبر على زوج أعوج مافي أمل يتعدّل إلا بمعجزة !!وبعد مايضيع عمرها وشبابها وحيويتها يقول انتي ماتصلحين لي أبي وحده فتفوته تجدد شبابي !! وتجي النصايح من كل حدب وصوب .. اصبري ولا تتركينه لها >> من زينه بعد كل الل صار تبونها تحافظ عليه ههههههههههه مصيره يرجع لك هي نزوة وبرضه اصبري واحتسبي وعليك بقراءة البقرة مرتين يومياً !!!!!!!!!!!!!!!
مجتمع يعيب على المرأة أن تنفصل في حال ثبت عدم قدرة زوجها على الإنجاب ... بينما يشجع الرجل بمجرد تأخر إنجاب زوجته حتى بدون مايعرفون وش السبب >> هجوم أرض جو وضروووووري المرأة تصبر وتحتسب !!
مجتمع يعيب على البنت تشتكي على وليها اللي عضلها وحرمها من حقها في الزواج مع وجود الخاطب الكفؤ بسبب طمعه براتبها أو ورثها ويضيع شباب البنت ولو فكرت توسط أحد أو تروح المحكمة تنبذ من القبيلة أو الأسرة كلها .. وش وراهم عايشين ومتزوجين وعندهم أطفال وهي مكتوب لها ماتتزوج لابد تصبر وتحتسب !!
مجتمع ينبذ البنت اللي تطالب بحقها في نصيبها من الورث لأن أخوانها أخذوه وحرموها منه وعايشين متمتعين فيه وهي تعيش في ذل وحاجة .. وتصير باعت اخوانها على شان وصخ دنيا !! اخس عليك وعلى تربيتك ياأنتي هههههههه كان عشتي بذل وحرمان وفقر وخليتي اخوانك وزوجاتهم وعيالهم يتمتعون بخيرك .. صدق الدنيا ماعاد فيها خير !!
والا مجتمع يدّعي تطبيق الشريعة .. نشوفهم في عقود تقسيط السيارات إلزامية وتقتطع شهرياً من الراتب .. لكن حقوق المطلقة والنفقة الواجبه على الرجل المطلق لأولاده مافيها إلزام وكلام المحكمه يمحيه الخروج من بابها ههههه وتعيش المطلقة بحرمااااااان كامل وذل من مجتمع يحرمها من حق أطفالها في مال والدهم وتعيش بين نارين وأهلها مايتحملونهم ولا يتحملون مصاريفهم وهو متزوج ومبسوووط ولو فكرت تتزوج هجم عليها مثل الوحش وتذكر أن عنده عيال ويبي ياخذهم يخاف الغريب يعذبهم !!!! عجبي والله يعني نسيانك لهم السنين الماضية ماهو تعذيب وظنك بيحرمهم من الأكل مثل انت ماحرمتهم !!
المرأة تحاسب لو تركت أطفالها عند زوجها وتزوجت غيره بينما هو لا نتقد حتى لأنه ترك أولاده وتزوج ورزق بغيرهم !!
ياشيخة عورتي قلبي بسؤالك وسويت لك موضوع كاااامل ماحسيت غير يوم عورتني أصابعي من الكتابة ههههههههههه
والله وانا اختك الشق أكبر من الرقعة ..
ليش إذا خان الزوج غفرنا ...وإذا خانت الزوجة كفرت
متابعة النقاش، صفحة 14