دورة اخر زمن

سمعت يا بنات ان عندنا فى الشرقيه مشغل اسمه دار نجد فى وحده لبنانيه تسوى دورة مكياج مدتها 4 ساعات وقيمتها الفان ريال قلت بيني وبين نفسى ما يهم الفلوس اهم شى انى اتعلم احط لنفسى مكياج عدل بدل روحة المشاغل اللى هدت حيلى المهم رحت ودفعت لهم الف ريال بعد ما اصروا انى لازم ادفعها المهم جاءت اللبنانية وجلست تخربط على ساعه كا مله لا ورسمتلى مكياج الله لا يواريكم يوم شافنى زوجى اخترع وقال لى اشفيك محوله ويوم قلت بسالها عن كريم الاساس والبودرة قالت لى بالحرف الواحد انها تجيبها من لبنان وى يعنى من قلة الكريمات عندنا فى السعو ديه بصراحه اكتشفت ان الدورة هدى كلها نصب فى نصب وان اللبنانيات ما يحبون يعلمون احد او يخلون احد يستفيد منهم حتى ولو كان بفلوسه بصراحه انا انصدمت فيهم واكتشفت انهن انانيات درجه اولى

8 تعليق 1,056 مشاهدة

شاركي في النقاش

سجلي الدخول لإضافة تعليق.

التعليقات

8
  1. @rshf

    انا افكر اخذ دورة بس شكلي بتكسل



    بس يمكن تكون غير لانها لمدة شهر وساعتين باليوم من السبت لين الثلاثاء وبألف درهم
  2. @aldloaah

    ويه والله حرام اللى صار لج
    شنو هذا ليش جذي
    على الاقل لو مورينج شويه من شغلهم عشان تحكمين بتدشين الدوره ولا لا
    بس اهم خبثاء خذوا منج الفلوس اول شي
    على الاقل اخذوهم من ثانى يوم شي


    بس ماعليه ان شالله تتعلمين من عندنا افضل
    :)
  3. @bnt_algbyl

    السلام عليكم ورحمة الله وبركاته
    أختي العزيزه موكا00222
    معاك حق 00الأغلبيه من الكوفيرات 00يكتمن المعلومات ويقولون سر المهنه 00ولكن لا تيأسين0
    أولا من أين أنت من الشرقيه 00؟؟؟
    ثانيا 00أنا أخذت دورات في التجميل وأمارسه في المنزل 00ولي زبائن00وأي سؤال تحبين تسأليني عنه أنا مستعده للاجابه عليه00
    ثالثا00توجد كتب تعليميه ممكن أن تشتريها وتتعلمي منها 00 مثل كتب وأشرطة مروان خير 00
    اذا أردتي أن أدلك على كيفية الحصول عليها أرسليلي على بريدي الخاص00
  4. صاحبة الموضوع
    مشكورات يابنات رشفه والدلوعه وبنت الجبيل على انكم جبرتم بخاطرى وانشاء الله تلقونها فى ميزان حسناتكم وترانى من مخطط 71 يا بنت الجبيل بالدمام وياليت بس تعلمينى كيف اسوى مكياج السموك وراح انشاء الله اراسلك على الخاص عشان استفسر عن بعض الاشياء ويخليك ربى وتسلمون
  5. دوره 4 ساعات و بألفين ريال ؟؟؟؟؟؟؟؟؟؟؟؟؟؟؟؟؟؟؟؟؟ ابووووووووووووك يالنصب

    وبعدين من زين مكياجهم ؟؟؟ و بعدين تعالي هنا ..... وشلون تعطينهم الفلوس قبل ما تشوفين مكياجهم ها ؟
    <--------- وش فيها عصبت هاذي ؟
    لا بس تووووووووو ماتش صراحه ... ما عليه معوضه خير ان شاء الله و خذيها مني نصيحه اغلب الدورات اللي في الصالونات كلها نصب في نصب و علمي نفسك بنفسك و المنتدى ما شاء الله فيه كل المعلومات اللي تحتاجينها وان شاء الله بتستفيدين منه مثل ما غيرك استفاد منه .
    وبالنسبه لميكاج السموك اللي تبين تتعلمينه في درس للغاليه ام عبدالرحمن "شوكولاته" الله يجزاها خير فيه شرح كامل للمكياج هذا و غيره
    وهذا هو الرابط
    htp://hawaaworld.com/vb/showthread.php?threadid=54445

تابعي تجارب أخرى من هذا القسم.