|| ... تـجـمـعـنـا السهرنــات... أمـهـات الـتوائـم الـرضـع و الخـدج ... ||

هلا خواتي

شخباركم واخبار الكتاكيت..

بنتي اليوم الحمدلله احسن امس رحت الدكتور في مستشفى الحبيب الجديد طريق خريص..وقالي هذا مو اسهال عادي الطفل يتغبر كل فتره الاخراج عنده بس قالي شي غريب ماقتنعت فيه قال ابدائي اعطيها الحليب رقم 2 قلت توها انا اعرف من 6 شهور قال لا عادي ممكن الحين بصراحه خفت وماغيرت الحليب لسا على رقم 1 سيميلاك..بس زوجي عصب يقول انتي احسن من الدكتور قلت ماعلي منك اخاف على بنتي معدتها ماتتحمل ..وش رايكم بنات ؟؟؟

بنااااات ولا عجايز ولا مادري وش اسميكم واسمي نفسي ماشاء الله من جد تعبت ا
تكفووووووووون بناتي اعمارهم 3 شهور جتهم حراره كلهن اليوم تتراوح بين37 و38 وكم شرطه تو بديت اشوف تطريش واسهال اكرمكم الله وعطيتهم تحميلة فيفادول نصفه وخفت بس ترجع ترتفع وش تتوقعون منه؟؟؟؟؟؟
وش اسوي لهم؟؟؟
وش اعطيهم......
تكفوون ردوا علي منتظرتكم.....

عجايب
التعب اللي جاهم من ايش انتي مطعمتهم ولاشي
ياحياتي عليهم اسمعي كمديهم بالكمادات وشوفي الحراره كل شوي
يمكن داخلهم بررد دهنيهم زيت زيتون دافي بعد ماتخف الحراره
ولو تعطينهم كمون مغلي عشان لوبررد بس مادري اذا مانعينك المستشفى من مويه او اي شي

مطعمتهم صار لهم اسبوعين وتو ترتفع

لا ماتوقع من التطعييمممه توها تتذكر هههههههههههه
يمكن بررد
الله يقومهم بالسلامه