تصويت لأفضل مستشفى للولادة في ابها وخميس مشيط(يفتح جزء اخر)

ام تركي ايش دوا المغص الي تستعمليه انقذيني وقوليلي عليه ولدي تعبان من الغازات :(

ياعيني علينا يعني أهوّن على نفسي من ألحين وأبطل أروح مشوار لسنتر بوينت

طيب يابنات وين تتوقعون ألاقي ملابس مواليد من 3 شهور لـ 6 ؟
أبغى شي حلو وجودة، من زمان ما اشتريت ملابس للمواليد
لما كنت حامل كانوا صديقاتي يقولون لا تجهزين للمولود بيجيه هدايا من كل شي حتى الجلاسة والمشاية .... لكن للأسف ما جاه ولا شي حلو الآن قاعدة ألبسه ملابس أخوه لما كان نونو
وأبغى أشتريله شي جديد، كنت أنتظر تخفيضات سنتر بوينت بس ماشجعتيني يادرر

على فكرة درر
ليش تشترين لولدك عربية بـ 900
كان اشتريتي له من مكان معقول
والله غالية
900 كثير
قبلل 5 سنوات اشتريت لولدي البكر وحدة من صيديلة النهدي بـ 300 ريال ماركة kIKO
واستخدمتها له ولأخوانه من بعده ولا زالت في حالة ممتازة ما شاء الله

أم تركي ما شاء الله عليكِ اهتمامك بولدك تمام
أقول انتي تراجعين بولدك عند الدكتور القصادي في أبها الخاص؟

تدرون يابنات مو الحريم الكبار عندنا يمدحون الحلبة للمواليد ويقولون انها ممتازة وتزيد الوزن؟
أختي تقول سمعت الدكتور جابر القحطاني يقول انها غير مناسبة أبدا للمواليد.

طيب يالحبيبات كيف ترتيباتكم لشنط صغاركم الله يحفظهم لما تطلعون مشاويركم أو زيارات عند الأقارب؟
خلونا نستفيد من بعض.
بالنسبة لي:
اشتريت شنطة من فيل فري حلوة وتتحمل ولونها ذوق
أرتب فيها الأغراض حسب المشوار
يعني الزيارات الخفيفة أحط فيها تقريباً- 5 حبات بامبرز
-بربتوز
-بجامة
-بربتوز خارجي
-منشفة صغيرة لولدي عشان لما أحطه على كتفي بعد الرضاعة ما يملي ملابسي
-منشفة ثانية أنشفه فيها بعد ما أغسله عشان تغيير الحفاظ
-شنطة صغيرونة أرتب فيها مناشف صغار مربوطة بفيونكة ومرتبة ومريلة وجهاز مقياس الحرارة وأكياس مطوية بشكل مرتب للحفاظ بعد تغييره
-شنطة أخرى صغيرونة أحط فيها العلب الصغيرة اللي نحط فيها الحليب والرضاعة والموية، وأحطها كلها في الشنطة الكبيرة
-أغراضي أنا أحطها بمحفظة اشتريتها من بودي شوب أحط فيها الروج والكحل والمراية والعطر وأدخلها داخل الشنطة الكبيرة طبعا بالترتيب، وأغراضي أنا أحطها بهذا الشكل لأني ما أحب أشيل أكثر من شنطة.
بإذن الله أصورها لكم وأنزل لكم صورة كل شي لوحده بس أفضى، بس ياليت كل وحدة تقول اللي عندها عشان نستفيد من بعض.

ام تميم روحي لسنتر بوينت يمكن تشوفي شي يعجبك

انا رجعتله اليوم بروقان واخدت لولدي الصغنون كذا لبسه ماعليهم مرتبين وعليها تخفيض 25 او 20 بالميه واخدتله جينزين نفس الموديل واحد من 0 الى 3 شهور وواحد من 3 الى 6 شهور واختي تقولي مذركير منزل ملابس اولاد حلوه انا لسا مامريته

وبالنسبه للعربيه اول مرا ادري انو الصيدليه تبيع عربيه :) وانا والله ماكنت مايده اننا نشتريها بس ايش تقولي على الرجال لاحط شي فراسه لانه داك اليوم كان طول الوقت شايل البيبي فيده وتكسر وحلف يشتري عربيه وعلى فكره العربيه معاها كرسي هزاز كمان وينفع للسياره بس تعرفين احنا مو فامريكا عشان نستعمل كرسي السياره ههههههههههههه اذا مو فحظني ما ارتاح بالمعنى انو غلط

على فكره الجينزات النسائيه فسيتي بلازا عليها تخفيض يعني موتخفيض كبير بس عليها وحلوة الجينزات اذا تبغو

وترتيبي لشنطة البيبي انا اخدتله شنطة من سنتر بوينت وطقمت معاه مهد بس الشنطه كبيره تنفع لخرجات طويله تلم كل شي ونفس اغراضك يا ام تميم الي تحطيها احطها مافي شي زود

وامس اشتريت شنطه من سيتي بلازا ناعمه وصغيرونه للخرجات السريعه ب 50 ريال من قسم النساء

وبالنسبه للحفايظ ماناسبتني بيبي جوي لبسته هيا كدا مرا وكانت تسرب ناسبته بامبرز