السلام عليكم ورحمة الله وبركاته
انا مبتدئه في الكروشيه ولله الحمد وصلت لمستوى جيد جدا بس عندي مشكله وهي نوع الخيوط والسناره :(
وين الاقي الخيوط بانواعها مثل النايلون ماركة السمكه والحرير والقطن تعبت وانا ادورعليها مو لاقيتها ياليت تفيدوني
بمكانها
واللي تعرف مركز يعمل دورات للكروشيه ممتاز تقولي على اسمه
وجزيتم بكل حرف حسنه والحسنه تضاعف لعشر امثالها والله يضاعف لمن يشاااء :26:
شاركي في النقاش
سجلي الدخول لإضافة تعليق.
التعليقات
11- يفيدك البنات
- اولا ادخلى دورة ام عزيزان للكروشية هاتستفيدى جدافى بنات كتير اتعلموا على ايديها
- حبيبتي الخيوط تلاقيها في مكتبة الخندق الي امام مسجد القبلتين
وبالنسبه للدوره فعلا دورة ام عزيزان ممتازه واذاتبغي في وحده في مجمع الكعكي في قباء تسوي دورات
روحي واسال عنها وفي وحده في مركز اجيال الغد امام مستشفى المدينه الوطنى تعطي دورات
هدا الى اعرفو وان شاء الله اني اكون افدتك - شكرا لكم
- ياهلا وغلا بأميرة
شوفتي اجي على الاسم ههههههههههههههههههها
بالنسبة للخيوط بمكتبة الخندق تلقي خيط القطن والصوف بأشكالها
وبالنسبة لخيوط السمكه في مكتبة بقباء خلف المسرة وجنب عالم الفصوص وتامر وتمارا راح تلقي فيها خيوط السمكه الوان راااااااااائعه
وسماكه زي ماتحبي
وفي مكتبة المطار او قرطاسية المطار
واسعارهم مناسبة بكل المحلات اللي ذكرتها
اذا تبغي شيء ارقى راح تلقيه بعالم الخيوط بالدور الثاني بالكعكي بس اسعارها شوي مرتفعه .. وحاليا هي ماتعمل دورات لأن محلها مو مرخص للدورات
في مركز الخدمة الاجتماعية يعطي دورات بالكروشيه واسعارهم جدا جدا معقوله واللي تدرس فيه ممتازة ..واللي اعرفه ان راح تبدأ الدورة قريب يعني لسه مابدأت
اتمنى ان اكون عند حسن ظنك وأفدتك
مواضيع مشابهة
تابعي تجارب أخرى من هذا القسم.