بصوا يابنات دي مجموعة افكار في دماغي
قلت اقترحها عليكوا و نتناقش فيها سوا اوك ؟
اول نقطة هي ازاي هنحدد مين هتفتح الجزء الجديد
نرتب اسماءنا ابجديا ( الحقيقية ) و ننزلها بترتيبها هنا ع العام
بس حسب الترتيب الابجدي اللي في دماغنا و منها نحدد اللي هتفتح الجزء القادم
و اللي فتحت اجزاء قبل كدة و جة عليها الدور بديهي انها هتفوت دورها و تاخده اللي وراها في الليست
و كمان اللي عليها الدور بس عندها ظروف و مش هتقدر تقول دة مسبقا و اللي بعدها تاخده و هكذا
و بكدة كل واحدة هتبقى عارفة ان الجزء القادم بامر الله هي اللي هتفتحه فهتجهز نفسها من اول صفحة في الجزء الحالي
الدور اللي هتقوم بيه اللي هتفتح الجزء الجديد
اللي عليها الدور هتعمل كام حاجة كدة ثابتين
اولا ...... هتعمل فايل وورد تنزل فيه الجزء الثابت في اول الملف بتاعنا
ثانيا ..... اي حد فينا هينزل موضوع او مقال او معلومات جديدة ..... البنوتة دي هتكتب رقم الصفحة عندها او تنقله على ملف الوورد عندها اول باول
عشان مش يتوه منها و تفضل تدور عليه و اما تيجي تفتح الملف تنزله في الجزء الخاص بالمعلومات بشكل مرتب و سلس
ثالثا ........ برضو اي تعديل في السي فيهات هي اللي هتعمله عن طريق اننا على الصفحة ال 190 من كل ملف كلنا هنعمل تعديلات طرأت على حالاتنا خلال الجزء الحالي
رابعا ........ كمان القائمة المعتمدة لينا هننزلها قائمة نهائية برضو في اخر صفحات الجزء الحالي فيها كل التغيرات اللي طرأت علينا كلنا
خامسا ....... اللي هتفتح الموضوع هتعمل مقدمة للموضوع خاصة بيها بكلماتها هي و اسلوبها هتقول اللي حاساه و عاوزة تقوله
و خلوا بالكوا مهما كان الكلام بسيط و صاحبته حاسة انه مش حلو ..... هيبقى جميل لانه طالع من قلبها و واصل لقيوبنا مباشرة احنا و كل اللي يدخل يقرا
سادسا .....البنوتة اللي هتفتح الجزء الجديد لازم تراعي شكل الموضوع العام بمعنى انها متروحشي تعمل كوبي و بيست للموضوع وش كدة
لالالالالالالالالا
تعمل اخراج خاص بيها و تضفي عليه شخصيتها من ناحية نوع الخط و اللون و المسافات ما بين السطور و جسم الكلام هل في الوسط او ميمن او ميسر و هكذا
بس برضو تحافظ على العناوين و تثبت الوانها و نزع و حجم الخط فيها
و بكدة اي واحدة هتفتح المشروع مش هتكون مجرد واحدة بتنقل و خلاص
لا دة هيبقى المشروع الخاص بيها اللي هتتعب فيه و تظبطه عشان يطلع بالشكل اللي هي حابّاه يكون عليه
و بكدة اما نتعب كلنا بنفس القدر و بنفس الطريقة مش هيبقى فيه جداد و قدام و لا حد هيقدر يدخل يبوظلنا نظامنا اللي كلنا تعبنا و طلعت عينتينا عشان نوصله و كمان الموضوع هيبقى متجدد باستمرار لانه بيختلف في كل مرة بشخصية اللي هتفتحه و بالمعلومات الجديدة اللي ضفناها عليه
هااااااااااااه ايه رايكوا نتشاور و نقترح و نظبط لحد ما نتفق
تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 40