الله يفرج هم كل من تقرى موضوعي وتدعي لوليدي يارب

السلام عليكم ورحمة الله وبركاته

والله من الضيقه والروعه مادري شكتب والقصه هي

ان ولدي له يومين يشتكي من الم بعينه اليسار والمنطقه اللي حولها والالم ماوقف والله يابنات ان كنه طلق ولاده وراح لاسعاف الجامعي قالو العين فيها خدش بسيط مسبب لها الالتهاب وراح امس قالو الحمدلله ملتئم الخدش لكن الالم ماراح وولدي بس ياكل من هالمسكنات وتفاجئنا الفجر ان فيه ورم بسيط بين الحواجب يقول يوجعني اذا لمسته او سجدت للصلاة وضاق صدري الورم بدى يكبر يكبر حتى ان بدا ينزل على العيون والالم مستمر
يابنات انا ضايق صدري من هالورم واللي ضيق صدري زياده انه يكبر بسرعه ويزود
وانا محتاره سامحوني على كتابتي الغير مرتبه لاني اكتب لكم وهو الحين رايح للطواري الله يسمعني وياكم العلم المبارك
سؤالي لكم خواتي من اللي مرت بحاله مثل حالة ولدي او شافت احد تطمني الله يجزاكم خير مالي الا الله ثم انتم افضفض عليه
ولاتنسونه بيوم هالجمعه من دعائكم لعل وعسى دعوة وحده منكم توافق باب مفتوح هو بكري عمره 18 جبت بعده اربع بنات وهوسندي وهو كل حياتي عسى الله يخليه لي ويعافيه يارب ويصلح لي ولكم النيه والذريه
ومره ثانيه اقول لكم اعذروني على قل الترتيب بالكتابه ودعواتكم

199 تعليق 6,105 مشاهدة

شاركي في النقاش

سجلي الدخول لإضافة تعليق.

التعليقات

194
  1. @hya_alaabd_allh

    الله يشفيه...

    ويطمن قلبك عليه..
    الله يخليه لك ويرزقك بره,,,,

    اقري عليه الفاااتحه 7مرااااات
    شربيه مااااء زمزم..
    لاتقلقين ان شاء الله خير...
  2. والله ماعرف ولا مرت علي هالحاله
    لكن أتمنى انك تروحي مستشفى ع حسابك شوفي إيش يقلوو
    مشكله المستشفيات لحكوميه تجين تشتكين من شي مايسوون شي إلا اذا طحتي وقتها يفكرووون

    آتمنى ماتطنشي هالشي أهم شي ولدك
  3. @alrzan_4

    شوفي ياقلبي

    اخاف ان عينه جاها شمم بسبب عطر او روائح قويه >>ما ادري تعرفينه والا لا

    انت جيبي قطنه وغمسيها في مرة منقوعة
    وخليها يشمها
    واصحي تحطينها على عينه لان العين حساسه

    والله يخليه لك وتشوفيه في اعلى المراتب الدنيوية والاخرويه

تابعي تجارب أخرى من هذا القسم.