بنات من اللي كل مانخطبت ماتتم خطبتها وبعدين توفقت وتزوجت ادخلو قولولنا قصصكم

ترا بنات مافي عين في الزواج وحده جزها الله خير نزلت موضوع تسأل شيخ اذا ممكن زواج يتفركش بسبب العين قال لا هذا قسمه ونصيب ولاتحطون هل شي في بالكم هذا والله اعلم

انا والله مثلكم واخس عنكم انخطبت وملكت من سنه وانفصلت بعدها بفتره لانه اكتشفت فيه وايد اشيا والحمدلله كان خيره بعدها بكم شهر انخطبت لواحد الصراحه مب لين هناك هلي كانوا وايد مترددين لانهم اقل عنا بس ابوي قال اهم شي الاخلاق ووافقنا وماملكت مجرد خطبه وبعدها بكم شهر انفصلت الصراحه هل مره وايد ناس تكلموا عنا الكل عرف خفت يقولون العيب فيني انا مازعلت على الانفصال كثر مازعلت على كلام الناس انتشر خبر انه نحن كنسلنا بسبه الماده ووايد كلام طلع

لكن مع كل الي استوى انا واثقه بربي وادعي انه ربي يعوضني هل شي خيره انا متاكده بس الشي الي مضايقني كلام الناس

اختي خانتني دموعي

قصتك مثل قصتي بالضبط وانا مثلج تعبت من نضره الناس بس الله كريم نصيبنا للحين ما يا

نفس قصه جارتى وانا منزله موضزع عنها وبنت خالى سؤاء كان اهلهم رافضين او موافقين يطلع العريس واهله راضىين ومبسوطين وساعات يجيوا ويتفقوا على تفاصيل كلها ويمشوا مبسوطين وبعدين بح لا حس ولا خبر او حجج واهيه
الله يعين

انا انخطبت سبع مرات ولا تم منها شي وكنت اظن فيني شي واختلقت الامراض كلها لكن لما ربي اراد اتزوجت من شهرين يعني المساله قسمه ونصيب لا اكثر ولا اقل .. لاتشيلين هم اللي ربي كاتبه بيصير :)

الخطبه ذي لحاااااااااله عالم من الخيال من كثرهن
لاكن ما يقهرني الا الشوفه اللي كاني ما جره وجهي اربع مرات ولا واحد عجبته
والخيره فيما اختاره الله
لان اللي يستاهل وجهي مكتوب لي بيجي بيوم من الايام باذن الله
تفائلوا بالخير تجدوه.......