تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

متابعة النقاش، صفحة 54

شاركي في النقاش

سجلي الدخول لإضافة تعليق.

التعليقات

2,155

  1. @dodaaa_1

    ماما1983
    من عينا يا قمر
    سمية
    ازيك ياقمر
    العلاج بالاعشاب مبقتنعش بيه برغم اني كنت مدمنة المادة دي في الكليةومعجبة بيها جدا وبعد التخرج اشتغلت في صيدلية جزء منها علاج بالاعشاب والدكتور معالج حالات صعبة وكنت بحضر معاه وبوصف بس
    عاوزة طول بال وقوة احتمال
    انك تاخدي علاج بمنظر مش لطيف وطعم بشع ولفترة طويلة جدا وكميات كبيرة وآثاره الجانبية غير متوقعة لان العشب فيه مادة مفيدة في مشكلتك ومواااااااااد كتير بتشتغل في حاجات تانية للسبب ده بقي فيه علم ادوية انه يشتق الماده الفعالة ويحطها في قرص بتركيز اعلي ويغطي اي طعم وريحة مش كويسين
    مثال     فيتامين سي في الليمون بتاخدي 500مجمفي قرص واحد عشان تاخديهم من الليمون محتاجة كيلوات عصير ليمون شوفي ممكن تعمل ايه في المعدة بقي
    في حالتنا بقي
    المريمية والبردقوش ممكن الواحد ياخدها كمشروبات يومية ومش حتغني عن البلابيع اللي بنتعاطاها وتاثيرها موجود بس ماعتقدش بنسبة كبيرة وربنا يعين اللي ياخدها ويكتب فيها الشفا

  2. @mtfayl_gda_1985

    قلبي كان حاسس :(
    الدورة مجتليش انهرده في معادها
    ربنا يستر
    متكونشي هرموناتي باظت تاني :((
    كل ده عشان شهر بس ملعبتش فيه رياضه :(

  3. @dodaaa_1

    د.وداع
    سمية ازيك ياقمر العلاج بالاعشاب مبقتنعش بيه برغم اني كنت مدمنة المادة دي في الكليةومعجبة بيها جدا وبعد التخرج اشتغلت في صيدلية جزء منها علاج بالاعشاب والدكتور معالج حالات صعبة وكنت بحضر معاه وبوصف بس عاوزة طول بال وقوة احتمال انك تاخدي عل…
    شيمو
    اهو انا بقي عندي الوجع بالطريقة دي من اليوم ال21 في الدورة ضهري بيتفرتك .ده غير التصاقات الحوض اللي طلعت في الصبغة
    يعني احتمال عندي وماعتقدش دي هسهسة
    بس اللي مزعلني اني مبيضي اساسا مش شغال يعني التنشيط مرتين كان عامل فيه زي حلمي الامومو كده بعد التثبيط
    يعني انا والله لو خدت تثبيط حيحصله ايه
    انا بفكر في حاجة كده
    عاوزة آخد رايكم فيها
    انا حالتي النفسية(ومش قصدي قنوط واكتئاب ويأس)انا مؤمنة بالله
    بس بجد الجو اللي انا فيه يمنع اي حمل وانا بقالي سنتين والتنشيط بالنسبة لي اهدار مال احنا اولي بيه في تقصير وقت الغربة وخصوصا ان نفسيتنا او مابنبدا بتنهار احنا الاتنين
    كنت بفكر انزل نهائي ونقصر الغربة ونوفر اي محاولات علاج تبقي في مصر ساعتها نكون مع دكاترة كويسين وانا مشغولة ونفسيتي كويسة وهو كمان
    ها

  4. @dodaaa_1

    د.وداع
    شيمو اهو انا بقي عندي الوجع بالطريقة دي من اليوم ال21 في الدورة ضهري بيتفرتك .ده غير التصاقات الحوض اللي طلعت في الصبغة يعني احتمال عندي وماعتقدش دي هسهسة بس اللي مزعلني اني مبيضي اساسا مش شغال يعني التنشيط مرتين كان عامل فيه زي حلمي الامو…
    ماما زوزة توفي
    ازيكم عاملين ايه؟
    حلو افكار الرابح الاكبر دي
    جميلة
    ربنا المستعان
    بس فهميني ياماما ايه حكاية قبل ساعتين وتلاتة
    يعني عاوزة ابدا الاكل احسن قبل بقد ايه وبعد اد ايه

    نرجو الايضاح

  5. @shymolata

    ودعه يا حبيبتى انا عاذراكى فى موضوع الغربة ده وحاسه بيكى بس هوا صحيح بيكون عائق بس ممكن نتغلب عليه بشكل جزئى عالاقل وبالنسبة للتنشيط ونتيجته معاكى انا حاسه ان فيه حاجه غلط يعنى فيه حلقة مفقودة احنا مش عارفينها ودى هتظهر ان شاء الله بالخطوات الصح لاكتشاف سبب التاخر وعلى فكرة انا كمان الدكتور قال ان عندى التصاقات الحمد لله على كل حال وانا متجوزة من 4 سنين ومحصلش حمل ولا مرة
    انتى توكلى على الله واستخيرى ربنا فى اللى انتى محتارة فيه وان شاء الله ربنا يقدر لك الخير وبالنسبة لموضوع المصاريف الكتير انا عارفه ان الادوية والدكاترة فى العربة بياخدو كل اللى معانا بس ان شاء الله ربك هيعين انتى عارفه انا كنت بشتغل علشان اوفر فلوس المنظار دى ودلوقتى كل تفكيرى انى ارجع اشتغل علشان احوش فلوس الحقن المجهرى وصدقينى والله ربنا عاننى كتير ورزقنى كمان كتير الحمد لله وجوزى ساعدنى انا بطلت ارفض مساعدته بس انا عارفه ظروفه هوا كمان ربنا يعينه
    على فكرة يا بنات انا حماتى وسلايفى كانو عارفين انى عند الدكتور يوم الخميس وانا تعمدت أاقولهم علشان اشوف مين هيتصل يطمن عليا ومفيش حد اتصل ولا حد عبرنى وجوزى انهارده بيكلمنى لقانى مكتئبة قالى اخرجى اتمشى وروحى عند ماما غيرى جو قلته مش قادره وقلتله انى مستغربة ان محدش اتصل يسأل عليا مع ان يا بنات ربنا يعلم انا بعمل معاهم ايه انا شكيت او شبه متأكده ان جوزى كلم مامته وقالها تتصل لانه بعد ماكلمنى بربع ساعه لقيتها اتصلت تسأل عليا انا مش زعلانه من حماتى ربنا يهديها بالعكس دانا نفسى تنسانى خالص انا بس بقولكم انكم كان عندكم حق انى ممكن اغير جوزى واخليه يدعمنى نفسيا بدليل انه كلم مامته قالها تتصل وتسأل فعلا العيب كان منى من الول انا اللى معملتش لنفسى قواعد ربنا يخليكم ليا ومايحرمنيش منكم ابدا

تابعي تجارب أخرى من هذا القسم.