صباح الخير بنات حوا .. كيفكم ؟؟
راح ادخل في الموضوع على طول بدون مقدمات .. بنتي سنه تانيه ابتدائي ومن بداية الترم واول ما اخدو جدول الضرب وانا احاول احفظها الجدول وهيا مستحيل تحفظ .. والمشكله لمن اشوف كتابها ونحل الواجب انا وهيا الاقيها تحل وكتابها كلو مصحح وماعندها اخطاء .. وتقريرها الشهري ممتاز ... انا قولت الحمدلله ماشيه كويس :) بس المصيبه تخيلو بعد ما وصلنا لنهاية السنه تجيني ورقه من المدرسه يبغوني اروحلهم عشان هيا ضعيفه في الرياضيات واخفقت في كل المهارات وما اتقنت ولا شي :icon33: انا انصدمت لمن جابتلي الورقه :44: يعني بالله ايش سكتهم لنهاية السنه ليش ما طلبوني من بدري . يعني كده ممكن بنتي ما تنجح :icon33: والله ما اتخيل انها ماتنجح ... بعد كل هادا التعب اللي تعبتو مافي نتيجه :( حاولت احفظها بكل الاساليب بس هيا احسها لمن تجلس قدامي مخها لايمكن يستوعب مقفل مره مع انها والله ممتازه في باقي المواد واسمها في لوحة الشرف من الممتازات بس جا جدول الضرب هادا شقلب الدنيا كلها .. ماني عارفه بأي طريقه احفظها اللي تعرف طريقه سهله اقدر اخليها تحفظ تساعدني الله يرضى عليها ويدخلها الجنه ... والله من التفكير ماسرت انام الليل وسار الصداع ملازمني على طول :09: الله يخليكم ساعدوني وادعولها ربنا يفتح عليها وتحفظ وتنجح :26:
شاركي في النقاش
سجلي الدخول لإضافة تعليق.
التعليقات
8- صباح الخير اختي لاتزعلي ولا شي ياما عذبنا هالجدول بس لاتحاولي تبيني لبنتك انها ضعيفه وحاولي تشجعيها
ثانيا فيه وسائل مره حلوه لتعليم جدول الضرب كاسيت اوفيديو بالمكتبات وسوي لها مسابقات والله يوفقها وتفرحك بالشهاده يارب - نفس المشكلة مع ولدي
لما جاء تقييم الفترة الاولى من الترم الثاني اخذ 4 في الرياضيات
واعطوه ورقة بانه ضعبف في الرياضيات
الله يعين وتعدي هذي السنة على خير - التشجيع احسن شي للاطفال ولدي ماحفضة الا بالتشجيع
مواضيع مشابهة
تابعي تجارب أخرى من هذا القسم.