تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

البقاء لله يا مها

ماما
انا الال اتش:3.4
بس موضوع التكيس ده اللي اكده هو عدم استجابة المبيض للتنشيط فاالخطوة اللي انا فيها هي اني اديله فترة علاج 6 دورات شهرية وبعديها انشط 3 شهور ورا بعض
عشان لما اعمل المنظار ابقي استنفدت الاحتمالات وسواء حروح مصر نهائي او اجازة طويلة مش حيكون قبل العيد الكبير ان شاء الله
بس اللي كان قالب دماغي امبارح اني مكنتش عاوزة انشط اصلا هنا وكنت متضايقة بعد الكشف بتاع شيمو
دوشتكم معايا
انا خلاص دلوقتي مستسلمة للامر الواقع وحنفز الخطوة دي لان عقلي مقتنع بيها رغم ان روحي حتطلع مني
بس ربنا يلهمنا الصبر بقي
احلام
الحمد لله ان ربنا سهلها وبدات تنزل
ان شاء الله مش حسيبه
سمية
مادام التبويض كان حلو في التحاليل ده المهم
بس اتهيالي انهم قبل الحقن عملو حاجة اكدو بيها المشكله اشعة باين
بس بصراحة لو فعلا مصدرك الوحيد لمعلومة الانابيب هو المنظار بالطريقة دي يبقي عيدي الاشعة وربنا يقويكي
وهي كلها حسنات ان شاء الله

فاطمة
ايه اللي حصل
هو الفيروس ده رجع تاني ولا ايه؟
ان واحدة تقول زعلانة وعدتش داخلة
انا كمان زي سمية مشفتش حاجة وحشة حصلت
وبصراحة انا عاوزة اقول حاجة
انا مش بحب اتدخل في المواضيع دي بس عندي رجاء
دلوقتي لما واحدة بتزعل من حد ولا حاجة وتعاتب من غير ما توضح كل الناس بتشك في نفسها او تخاف ان حد يشك فيها وبتسبب احراج لكل البنات
يعني بدل متعاتب واحدة وتحرجها لوحدها بتحرج كل البنات ولا سيما لو استخدمت كلمة-جداد-
بجد المكان ده بيتنا ومنقدرش نستغني عنه لانه المكان الوحيد اللي بنشفي فيه آلامنا النفسية والفضل كله للاوائل اللي فتحوه واستقبلونا فيه وده غير قابل للانكار
ومش من حق حد يسيبه مهما كانت الظروف
والا حنبقي كلنا سوري-كدابين- وفنجرية بق
وبنقول بنحب بعض
والحركات دي مش حب يتاتا