تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

لا اله الا الله
والله يا سومه انا ما زعلانه علي موضوع الكيس والتنشيط قد ما زعلانه بخبر سفر زوجي تاني

بجد انا تعبت
بس مقدرشي اقول حاجه
ده شغله ورزقه

وحاسه بضغط من حماتي بطريقه غير مباشره منها او بحسن نيه منها
كل شويه تقولي حبك يسافر الشهرين دول بتقولها بضحك
ولما جه في خلال الشهرين دول 48 ساعه اعدت تقولي ربنا يباركلكو في48 ساعه دوووووول
ولما رجع خالص قاليتلي خلاص خليكي معاه بئه علي طول ولو سافر خللي ياخدك معاه
وفعلا راحت قالتله بينها وبينه ابقي خدها معاك لو سافرت

عشان كده مخنوقه كان نفسي الشهرده اخد تنشيط وربنا يكرمني بالحمل السليم
بس
سبحان الله هو اعلم بالخير لينا فين وامتي


حاسه اني عايزة الحق اي حاجه قبل ما يسافر
اصل كمان لو سافر مش هعرف اطوله ده رايح جنوب افريقيا ومعرفشي هيرجع امتي بصراحه ممكن 6 شهور
يعني حتي معرفشي اسافر معاه ولو سافرت البلاد ده فيها امراض مستوطنه زي كوليرا وتيفويد وووو لازم اخدلهم تطعيمات وو

حاجه معقده اوي بصراحه

انا ان شاء الله هستخير ربنا

وهابقي اقولوكو هعمل ايه بليل او بالكتير بكره

ادعولي عشان خاطري

توفي
الحمد لله ان دكتور عادل رد عليكي
انا عاوزاكي تنسي التنشيط ومتحيريش نفسك كتير يمكن ربنا بيفاديكي من شر وفي آخره خير ان شاء الله يمكن ربنا يرزقك طبيعي بعد رجوع جوزك بالسلامة ان شاء الله
وال6 شهور دول انا معاكي فيهم ياللا ومع ماما وسمية في الرياضة والعبادات نتغسل جد كويس من جوه وبره وبعدين نبدأعلي ميه بيضا
اوكيه؟؟؟
قطوس
بس انا اعرف ناس كتير بتتحسن بعد العملية خالص وبصراحة اللي اعرفهم معرفة شخصية محصلهمش اي آثار جانبية الحمد لله
ربنا يكرمكم قريب ان شاء الله
ماما
بجد ياماما انا معنديش تكيس
بتقولي كده بناء علي ايه؟ معلهش دوشاكي معايا
بس جوزي الحمد لله آخر تحليل عمله قبل ما انشط بشهر والعدد كان 59 مليون والحركة 45% بس الحيامنwith taperedhead كانت صفر
هي الدكتورة وقفت عندها بس انا قلت بتتلكك
زوزة
عادي ياجميل
ده صحي حتي اعتقدكده عشان تتطلعي بويضات من غير اهدار
والله اعلم
نادو
انتي مختفية فين

دكتور عادل رد علي الايميل وقال
الكيس لا علاقه له بالتخسيس و لا اى شئ هذا خلل فى اداء المبيض يحدث فى المتكيسات
و لا يفضل عمل اى تنشيط للتبويض فى وجوده مطلقا