سبحاااااااان الله .. تزوجت وحملت واجهضت .. ولا زالت عذرااااااااااااااء ؟؟

السلام عليكم ورحمة الله
خواتي في عالم حواء
بقول لكم قصة صديقتي بدون مقدمات لأني من جد مو مستوعبه كل اللي صار
مع انها كانت تحكيني معظم الاشياء اللي تصير معاها اول بأول
بس شوفوا قد ايش ربي كبير
وان كل مظلوم تعهد ربي بنصرته حتى لو بعد حين
قصتها باختصار
هذي الله يسلمكم انخطبت من اول ما خلصت من الجامعه
تقدم لها ابن الناس وهو غريب عنهم واعجب فيه ابوها مرره
طبعا الولد كان مستعجل على الزواج ويبي كل شي يتم بسرررررعه
كانه مو مصدق انهم وافقوا عليه
بعد النظره الشرعيه على طول ملكوا
وبعد الملكه تزوجت وكل شي مرررر مثل لمح البصر
طبعا تزوجها وسافرت معاه للخارج بحجة اكمال الدراسه
تقول صاحبتي انها من اول ايام زواجها لاحظت عليه اشياء غريبه
طبعا كل اللي بقول لكم اياه ما ستوعبته الا بعد طلاقها بسنتين
كان ما يجيها كثير ووجودها معاه ما يثير اي غريزه فيه مع انهم بأول ايام الزواج
تقول حتى لما تصير علاقه بينهم ما كان يقدر يكمل معاها
وكل ما سألته عن تفاصيل يرتبك ويقول لها انه امورنا ماشيه تمام
وان احنا زوجين طبيعيين وما عندنا مشاكل بهالموضوع
مع الوقت زادت نقاشاتهم وصارت مشاكل كثيره وقررت انها تتطلق منه
بعد 3 شهور من زواجهم
وطول هالفتره اهله يتصلون على اهلها ويسألونهم عنها بشكل مريب
المهم رجعت لاهلها وقالت لهم انها بتتطلق منه
وقامت عليها القيامه
ابوها تغير عليها 180 درجه وصارت اي كلمه تقولها واي حركه يسبها ويشتمها
وقتها كانت معلقه وهو رافض يطلقها لمدة شهور عديده
وكان يجي عند ابوها يشتكي منها
ويقول له انه بيستر عليها لانه من يوم اخذها وهي مو بكر " حسبي الله عليه "
وعاشت بنكد من سنتين
ورعب وخوف من ابوها وتهديداته
وصار اي احد يتقدم لها بعد طلاقها يرفضه بدون سبب
يتبع ..



المهم مرت الايام وهي على هالحال
وصار طليقها ينشر اشاعات عنها انها حملت بعد زواجها واجهضت و كلام كثير
والبنت هذي وراثه عندهم هي وخواتها لما تجيهم الدوره وانتوا بكرامه تتعب
مررره وتجلس 3 ايام على ابر ومسكنات حتى بعد زواجها والطلاق
مع انه المفروض تخف الالام بس سبحان الله
نصحتها الدكتوره انها تعمل تحاليل هرمونات واشعه للرحم حتى تعرف سبب كل التعب
لان ممكن يكون مشكله بالرحم لا قدر الله
وكانت نتايجها كلها سليمه 100%
البنت ارتاحت للدكتوره وبعد نقاشات ونصايح واخذ وعطاء
حكت للدكتوره كل قصتها بالتفصيل وكل شي كان يصير معاها من باب الفضفضه
الطبيبه جن جنونها
وصارت تقول لها كلام غريب
وانك لازم تسوين فحص بكاره
لان العلاقه اللي بينكم ما كانت تتم بشكل تام
انا يا بنات ما افهم بهالامور ولا حتى صديقتي هذي
بس اللي قاعده انقله لكم كلام الطبيبه
يتبع ..


قالت لها الدكتوره بعد الفحص يابنتي انتي لسى عذرااااااااااااااااء
وزوجك انسان مريض وعنده عجز
وكل هذا واضح من كلامك
واعطتها تقرير طبي بهذا الشي
وقعدت تقول لها ان هذا الشي منتشررررر بشكل كبير
والسبب ان الرجل يكون متعود على معاشرة رجال مثله
فالمراه ما تشكل له شي
وحتى اذا عاشرها ما يقدر يكمل معاها ولا يعرف حتى
والسبب في زواجه عشان يثبت للناس انه رجال وقادر يثبت رجولته
وهذا السبب اللي خلاه يطلع اشاعات انها حملت واجهضت
وكان يوهمها ومستغل جهلها ان امورهم كلها تمام
وان العلاقه تتم بهالشكل
واذا نا قشته ينجن ويشككها ان لها سوابق مع غيره
والبلا كل البلا فيه حسبي الله ونعم الوكيل
حتى ابوها صدقه وصار يشك ببنته ومنعها من الطلعات ومن اشياء كثيره
بس سبحان الله ربي كشف الحقيقه
وصار عندها اثبات رسمي انها عذرااااء يكتب بماء الذهب
يا بنات شفتها اليوم والله كأنها انخلقت من جديد
بس ما ني عارفه ايش راح تسوي بعدين بالذات ان ابوها الى الان ما عرف الخبر
وامها تبكي من فرحتها ومو مصدقه
والاهم من هذا كله تقول الطبيبه ان سبب كل اللي صار
جهل بناتنا ما عندهم وعي كامل بأمور الزواج وبالاشياء الطبيعيه والغير طبيعيه
والله يستر علينا وعلى كل مسلم ومسلمه ياااارب العالمين
دعواتكم ربي ييسر امورها ويكفيها شر كل ذي شر