$ فن التقديم لبنات الرياض $ الملف الخامس $ تم تحديث الموضوع بواسطة دمعي نزف جرحي

الله يعطيكم العافية مجهود مُميز

سؤالي من يسوي المعمول الملون وبكم الكيلووو

والفاكهه المزينه من وين وبكم

وابي رقم هدى الماضي.. وام طلال

والف شكر :)

المعمول الملون ام ايمن و صن سيت

من الي ذكرتي الأفضل اوبرا


الشوكولاته البينا روعه وله فرع في شارع المدينه
والحلى اغلب الحريم يوصلون او يتعاقدون مع شركه للتوصيل
ومع الشاي موالح لافندر ما يظرها طول النفاس
والفطاير والكانبيه والميني ساندوتش والذي منه مثل ما قلت لك الحريم يوصلون
واذا تبغين محلات توصل اوبرا يوصلون وفطايرهم حلوه وسعد الدين بعد
وممكن تجيبين مع العصير الفخاريات حقت سعد الدين




كوكزماقد شفت اذا عرفتي وينه علمينا

وش فيهم الأمهات على العشاء :unsure: :confused:
ياقلبي إذا فيه عشاء من الأساس لاتكثرين تقديمات الشاهي والقهوة
يعني العصير قدميه في الأول ومو ضروري تقدمين شي معاه.. وإذا ودك قدمي شي خفيف مثل بتفورات الربيعه ماأنصحك بالكب كيك
القهوة.. شوكولا.. معمول وكوكيز.. حلا
الشاهي.. اكتفي بالموالح, أو قدمي كانبيه عربي من ميني تريتس لأنه خفيف مو زي المعجنات
ودي أفيدك بالمحلات بس ماأعرف شي في السويدي.. عموماً تقديمات القهوه والموالح وحتى بتفور الربيعه ينفع تجيبينها قبل بيوم
الله يهون عليك يـــــــــــــارب ويرزقك من الطلق أهونه ومن الولاده أيسرها







ودي بشي مرره غريب ؟؟
ابي شي بسيط وكشخه تكفون بنات وش ابدع فيه.

تقديم العصير.. أغرب شي بتفورات الريبعه, الكيلو ب 150
وفيه كب كيك شوقر سبرينكلز مررره بيبي وكيوت

تفديم القهوة.. اممممممممم شي غريب ماشفت :rolleyes:
بس الشوكولا المغلفه بسولفان حلوه.. حلويات الربيعه الشرقيه مميزه.. معمول أم أيمن مميز شكله..

تقديم الشاهي.. غريب وومميز ميني تريتس :heart:
عندها ميني كانبيه عربي , ميني سلاد , ميني ساندوتش :icon32:
الحبه ب 5 ريال, بس مو ميني لا بيبي ميني,,,,,,, شوفي صور شغلها في الرد اللي تحت







ميني تريتس لها صفحه في الفيس بوك.. وهذي الصور من صفحتها
أنا جربتها بصراحه شغلها بروفيشنال :rotaeye: مميز وغير تقليدي
الإبداع عندها في تقديم الشاهي.. ميني ساندوتش, ميني كانبيه, ميني سلاد
الحلى عندها حلو وحجمه ميني بس مو غريب مثل المعجنات
نوال السويدان انفصلت عن عزيزه بس ماوقفت





الفاكهه المزينه مافهمت عليك..
إذا تقصدين باقات الفواكه من ايدبل ارينجمنتس
وإذا الفواكه المحشيه من الربيعه

بنااات لقيت شي حلو لللتقديم وسعره حلوو مرة ورخيص وطعممة وااااااو

عبارة عن مني كب كيك مرة صعنطوط لما تاكلينه تلاقين جواته شوكلت سايله

تتوقعون وين لقيته>>>>>>>>>>>>>تسوي تشويق

















في محل بالحسن بن العلي اسمه قراميشو بس الحلى روعة وبس

اختي اخذة منه وقدمته لزميلاتها وبدو يسالونها بس طلعت روحهم لين علمتهم مكانه

وانصدموووا من سعرة

اتمنى اني افدتكم

اذا ماعليكم امر
بغيت ارقام مقهويات مجربينهم يشيلون العرس
يعني ما ينطرون اهل العرس يدفونهم
لان حرام الواحد يتكلف بالضيافه
ولا توصل لكل المعازيم بسبب المقهويات






بعدين قريت بوحده من الردود ان الصبابات غير والقهوجيات غير
انا والله اللي اخبره نفس الشي

ماعليش ممكن تفهموني لان صراحه انا مو من السعوديه
وعندي عرس بعد كم شهر فيه ولا اعرف ولاشي عن طريقة التقديم والشغل بزواجات السعوديه



ماقلتي رخيص يعني كم