الموضوع مغلق

في وحده مطلقه وعاطله عن العمل زيي؟؟/ قديم

@khlod_alklb_alodod

باختصار انا مطلقه من 4سنوات ومن اول مااطلقت كان عندي طموح اني اغير كل حياتي للافضل .. كان نفسي انتسب في الجامعه واتوظف في نفس الوقت... وحاجات كثير بس للاسف اهلي مااحد فيهم وقف معايا... بالعكس تماما وقفو في طريقي واضهودوني وحطموني من جميع النواحي... من كثر المشاكل ماحسيت بالاربع السنين هذه كيف مشيت بدون ماانجز فيها اي شي..

فجاءه صحيت من الغيبوبه وصرت كل مااجتمعت مع ناس اشوف عيونهم كلها علامات استفهام اللي تقولي ليش ماكملتي دراستك؟
واللي تقول مااتوظفتي؟
واللي تقول والله حرام تقعدي كذا لاشغله ولاعمله...

بصراحه دمروني اكثر ماانا مدمره حسسوني اني تافهه وراسي فاضي بس ااكل وانام بدون اي فايده.:44:.

مايدرو اني طلعت كلي طموح بس مالقيت الا كل ظلم حسبي الله ونعم الوكيل بس..

المشكله اني فكرت ادرك مايمكن ادراكه وقلت ياللى يابنت ان تصل متاخرا خيرا من ان لاتصل... وفكرت في الجامعه حلمي الازلي لقيت الانتساب صار بفلوس في جميع الجامعات..

فكرت في الوظيفه مالقيت شي يشجع كلهم يقولو بدون واسطه انسي... وكمان بالثانويه ... مستحيييييل!

وعندي والدي شيخ السلبيين في الدنيا كلها ... جدا سلبي لو اقله خلينا نروح نسال على وظايف يقولي انتي تحلمي اللي معاهم جامعات قاعدين في البيوت ويخليني انسى حتى مجرد المحاوله...

لاتقولو لي خذي دورات... انا معايا دبلوم حاسب تطبيقي والشهاده منتهيه صلاحيتها... المهم انه الدوره ماراح تحل المشكله لانه كلها كم شهر وارجع اجلس في البيت...
غير انه يبغالها فلوس وانا مصروفي كل على الضمان عشان كذا مااقدر انتسب في الجامعه...

فكرت في مشاريع اسويها في البيت سواء كانت معجنات اسويها وازعها على المدارس... او كوافيره لاني شاطره في المكياج.. بس لقيت انه كلها يبغالها معارف وانا مااعرف احد تقريبا غير الجيران..

وحكاية المكياج يلزمها اني اطلع من البيت واروح للزباين وهذا مستحيل لانه والدي مايخليني اطلع لوحدي..

وهذا كله بكوم ونظرة الناس لي اني قاعده فاضيه ومالي اهميه كوم ثاني مره يضايقوني بتعليقاتهم واسالتهم وانا بنفسي تعبانه من وضعي وهم يحسبوني مبسوطه..

غير اني احيانا اجلس افكر انه كل شي راح عليا لا زواج ولا اطفال ولا دراسه ولا وظيفه وعمري 34....

مع اني الحمدلله حلوه و موباين عليا سني ودمي خفيف حبوبه ..لكن الحمدلله على كل حال

بجد احس اني مره منتهيه ومااعتقد في وحده مطلقه وعايشه زي وضعي...

عشان كذا بسالكم اذا في وحده زيي مطلقه وعاطله ماعندها شغله تسويها؟
وكيف تتعامل مع تساؤلات الناس وانتقاداتهم؟


نسيت اقولكم احاول اعبي وقتي باللي اقدر عليه يعني الحمدلله قريبه من ربي واقرا قران يوميا وامارس الرياضه بانتظام واهتم بشكلي...
بس الفراغ ذبحني وجابلي الهم.. ونظرات الناس وتساؤلاتهم قتلتني..

11 تعليق 3,679 مشاهدة

0 0

شاركي في النقاش

سجلي الدخول لإضافة تعليق.

التعليقات

9

  1. @sna_albrk_4

    حبيبتي انا حاسه فيك بس لا تخلين الناس سبب في اللي انتي فيه ابدا لانهم مب نافعينك ابد لا تقولين حطموني قالوا لي او سالوني لانهم اصلا ما حسوا بمعاناتك
    فكري بنفسك كيف تطورينها حتى ابوك لا تقولين سلبي
    اكيد لو شافك مصره على اكمال دراستك بيساعدك على مصاريف الجامعه بس انتي الحي على الله بالدعاء وتقربي الى الله اكثر وقومي الليل وشوفي كيف تفتح لك ابواب التوفيق
    شي ثاني انتي في نعمه مانتي حاسه فيها وهي الفراغ
    والله اني اكثر شي ندمت عليه اني ما حفظت القرآن وانا فاضيه الحين اشغلوني العيال وماعاد عندي وقت زي اول
    غير كذا بري بوالديك(ماجبتي سيرة امك )اذا كانت موجوده وين دورها في حياتك؟
    واذا على وضعك انا اعرف كذا وحده زيك مطلقه وجامعيه وماعندها وظيفه ويعجبوني عايشين حياتهم ع الآخر فلة ووناسه وما فكروا في كلام الناس
    حبيبتي عيشي حياتك زي ماتبغين انتي مب زي ما يبغون الناس لاني زي ما قلت اول ما احد حاس باللي انتي فيه
    الله يوفقك للي فيه الخير

  2. @alhady_almhyt

    لا تهتمين لـ كلام احد و لا يهزك ريح يا جبل

    و دامك مرتااحة و مافي وراك مسؤولية و ضغط > بتتوظفين عشان اتسكتين الناس

    من راقب الناس مات هما


    اختي خليك اهم شي عندك رااحتك و الناس و كلامهم هاذا اخر شي ممكن تفكرين فيه

    عسى ربي يفرج همك و يعوضك باللي يقر عينك بصلاحه و تقواه

  3. @khlod_alklb_alodod

    صاحبة الموضوع
    اختي سنا البرق كلامك حلو بس الوالد مستحيل يساعدني بفلوس الانتساب لانه وضعه المادي على قده احيانا يجي يتسلف مني..

    بالنسبه لامي اااااه بس جيتي على الجرح لو امي وابوي سوى ماكان هذا حالي لكن قدر الله ومشاء فعل... امي مطلقه من يوم انا طفله والان اعيش مع ابوي وزوجته وطبعا ماني مرتاحه...يعني من جميع الجهات

    اختي الهادي المحيط ياليتني كنت مرتاحه انا والله ماني مرتاحه ابدا بجلسة البيت احس كاني في سجن لاعندي صاحبات اروح لهم ولاحد يجيني وامي في بلد بعيده يبغالها طياره اذا بروح لها... ولمن تجي الاجازات نفسيتي تتعب بزياده العالم تروح وتجي وانا محبوسه ..
    هذا غير احساسي انه ماعندي هدف في الحياه وعمري قاعد يمشي على الفاضي..

  4. @tyr_alfrh_ghrd

    الحال من بعضه انا مطلقه وعاطله بس ودي ادخل التحفيظ واشتغل بس اشكوه الله وحده اما من ناحية الكلام عندنا وعندك خير ليش جالسه في البيت ماتشتغلين وليش ماتاخذين دورات وغيره من هذا الكلام بس انا مابيدي شي اولامدينتنا مافيها اشياء متوفره زي في جده وغيرها وثانيا الوالده الله يحفظها ماتقتنع بشي كل شي لا وماله داعي اقول خاليها على ربك وربي ارحم بنا من امهاتنا
    والله يعوضني ويعوضك بقدره اللهم امين
    اسئل ربي يجعلها كفاره لذنوبنا

  5. @alkmr_ghar_mny

    الله يكوون في عونكم انا متخرجه ليه سنه لاوظيفه ولازواج الله يعيننا ويسهل علينا.....يارب ويحقق لنا مانتمناه

تابعي تجارب أخرى من هذا القسم.