تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

متابعة النقاش، صفحة 85

شاركي في النقاش

سجلي الدخول لإضافة تعليق.

التعليقات

2,155

  1. @ashtkt_alyk

    ازيك يا ماما يا حبيبتى...
    أيوه الحمد لله ....إن بعد العسر يسرا....
    ربنا يوفقها و يباركلها فيهم....سلميلى عليها كتير أوي...
    وعقبالك يا رب لما تجيبى الكاس برباعية نظيفة كمان....
    يلا متهيألى الخبر ده إدي الملف جرعة تفاؤل كبيييييرة ....
    ويارب نا تخلص السنه دي الا وربنا كارمنا جميعا و أنتى اولنا يا حبيبتى....

    صحيح...بأحييكى فى الخطة بتاعة اليومين دول يا قمر....
    تعرفى كانت فعلا فى بالى انى افكركم اننا نهتم بكل الخطوط جنب بعض...
    يعنى مثلا اللى عارفة ان عندها مشكلة كبيرة زي اندو و لا غيره برده تعالجه و تفكر جنبه انها تظبط جسمها بالريجيم و تمحى الدهون بالرياضة ....وكل حاجة نقدر نتفادي بيها أي مشكلة......يبقى كده ماشيين بالتوازي و منديش لأي سبب و لو كان بسيط مجال انه يعطلنا...
    يلا من هنا و رايح هاتابع معاكى اليوميات لحد ما تبقى أحلى غزال و من بعدها ترجعى تضربى تانى لما تبقى حامل بأمر الله.....

  2. @ashtkt_alyk

    أحلام....
    الحمد لله يا حبيبتى ان ربنا بيوفقنا و يخلى تجاربنا اللى مرينا بيها طريق يفتح الأمل قدام اللى حوالينا....
    ان شاء الله انتى كمان تجربتك و سعيك يكونوا برقة أمل لناس كتير تيجى الملف ده من بعدنا....وربنا يجازيكى خير على الدعوة الحلوة...ولكى بالمثل
    بصى ..انا عارفة ان ساعات رزالة أهل الزوج بيبقى ملهاش حدود....
    بس برده طالما ليكى حلم...خليه قدام عنيكى و خلى أي حاجة يا حبيبتى تحت رجليكى ..ومتخليهاش تعطلك عن حلمك أبدا أبدا...
    وكمان حاولى توطدي علاقتك بزوجك جدا و تخليه ظهرك اللى تتسندي عليه و متدخليهوش فى مشاكلك مع أهله الا فى أضيق الحدود...
    وبامر الله ربنا يوفقك...
    بس يلا قوليلنا وزنك أد إيه و الهدف بتاعك إيه و اشتركى مع ماما فى برنامجها و احكيلنا يومياتك...وهنفضل سوا لحد ما توصلى للتارجت بتاعك و نباركلك على الحمل كمان.....ش
    ويا ريت تقوليلى ابنك القمر اسمه إيه و عنده كام سنه......ومتخافيش عليه...لما ربنا يأذن..هتحسى ساعتها ان مفيش وقت انسب من اللى ربنا كتبه لوصول اخوه او اخته للدنيا....

  3. @ashtkt_alyk

    وداع...
    نسيت أرد على سؤالك...انا الحمد لله أحسن كتير دلوقتى....ومتشكرة أوي على ذوقك وسؤالك عنى يا قلبى.

    المهم بالنسبة ليك يا قمر.....
    الحمد لله ان البنات ادوكى حلول كتير..حاولى تفكري بهدوء و تناقشيها مع جوزك....لكن اوعى يكون قرارك انك تفضلى هنا و هو هناك...
    لا...اجمل رأي عجبنى ...انك ممكن تيجى هنا تعملى الفحوصات امطلوبة...وتزوري طبيب كويس.....وتاخدي خطة علاج كويسة....وكمان تشوفى هل فعلا ممكن يقترح عليكى منظار علشان نطمن على كل الاسباب...ولا انتى فعل اكل مشكلتك هرمونات و بس.....وكمان تحسمى موضوع انك محتاجة حقن و لا لا...

    يعنى الخلاصة تيجى ترتبى اوراقك و تحددي حالتك بالظبط و تاخدي خطة علاج....ولو الامر توقف على علاج ليكى يبقى تشتري الادوية و ترجعى لجوزك و انتى عارفة خطتك من الالف للياء.....وكمان فوق البيعة تبق قضيتى يومن مع أسرتك و اصدقائك....
    أما لو لا قدر الله ظهر اقتراح حق و لا حاجة من المواويل ديه .فممكن ساعتها تعملى زي ما قالت كوكر...تكلمى جوزك و لو يقدر ينزل على اخطوة المطلوبة منه بس يبقى تمم اوي....
    لكن اهم شئ يا وداع..اوعى تاخدي قرار انك تبقى انتى فىمكان وهو فى مكان ابدا.....
    وحاجة اخيرة....حتى لو ظهر احتمال ان التكيس عندك خفيف او مش موجود خالص...برده مش هنحسر شئ لو استمرينا على السيدوفاج و حافظنا على وزننا بعد ما خسينا.....لان كل ديه وسائل مساعدة يا حبيبتى......وربنا يوفقك يا قمر...ويهديكى للى فيه الخير....وابقى بلغينا قررتى ايه...

  4. @ashtkt_alyk

    شيمو...
    كتبتلك مشاركة طويلة عرضة قلتلك فيها كل الى عايزاه بس للاسف طارت ومقهورة عليها...
    المهم...الحمد لله اننا عرفنا فيه أيه...حتى لو الكلام قاسى بس هو كده مسكنا طرف الخيط اللى هنحل بيه المشكلة بأمر الله....وكده كمان تدخلى على المنظار بكره بأمر الله و انتى مطمنة لانه بقى علاجى مش استكشافى...لاننا خلاص عرفنا الحكاية فيها إيه...وان شاء الله ده يكون أول خطوات علاجك يا حبيبتى و اللى تنتهى بخبر حملك اللى هيفرحنا كلنا.....

    وعايزة أؤكد على كلام حبيبتى أوكسى.....فعلا يا شيمو مهما كان التشخيص فيه مشاكل كتير...فحلها الحمد لله فى ايدينا ...بس احنا منكسلش و منضعفش و بامر الله هنوصل...
    يعنى لو تكيس و هرمونات...فالحل نستمر على السيدوفاج و نحافظ على اوزن المفقود...
    ولو اندو فحلها فى المنظار و العلاج اللى هيقترحه االدكتور بعدها...
    وحتى الورم الليفى فبأمر الله يتشال فى المنظار وا لحكاية تبقى زي الفل...
    ويا ريت متشغليش بالك بموضوع الحقن لحد ما تناقشى االدكتور بعد امنظار فى خطة العلاج اللى هيحطها...واساليه هلى ممكن ننشط ولا نعمل تلقيح و لا فعلا هيؤيد الحقن....
    بس انا حاسة ان ربنا هيكرمك و الامر هيطلع بسيط و من اول كورس تنشيط بعد العلاج ربنا هيكرمك و يفرح قلبك...
    ومتنسيش تطمنينا بعد المنظار يا قمر....
    وأخيرا ...بجد بأحييكى على قوتك المرة دي و تركيزك على مصلحتك و علاجك....وبناء الثقة بينك و بين جوزك و اهمالك لاي محاولة لتعطيلك......بجد يا شيمو حسيت بالقوة و الإصرار فى كلامك و عايزاكى تستمري يا حبيبتى.....ربنا يوفقكو يهديلك جوزك و ييسرلك امورك

تابعي تجارب أخرى من هذا القسم.