السلام عليكم و رحمة الله و بركاته...
بصى يا طمطم...
اولا...انا مش هاعلق على موضوع رغبتك فى ترك المنتدي لان الموضوع ده اتناقشنا فيه كلنا كتير و كلنا قلنا في كلام كتير أوي و أنتى اولنا...وان ده بيتنا كلنا و بيجمعنا كلنا و حتى لو حدد زعلان من حد او من حاجة مينفعش يسيب الكل و لا يسيب المكان اللى كلنا قلنا فى الاول اننا موجودين فيه للتخفيف عن بعض او لافادة بعض بأي معلومة او كلمة حتى لو بسيطة....وكمان اننا نكون بارقة أمل و نمد يد العون لأي حد يحتاجنا ....وواثقة انك هتراجعى نفسك فى القرار ده...
أما بالنسبة لباقى الكلام و الأسباب....فاسمحيلى....بما انى واحدة من اللى علقوا على الأحداث والشد اللى حصلوا فى الملف انى أوضح حاجة مهمة...وبعدها هاسالك كام سؤال حاولى تجاوبى عليهم بينك و بين نفسك....
أولا....بما انه واضح انك زعلانة من حد فينا.....مش من الأولى انك كنتى تعاتبيه بشكل مباشر و تسأليه يقصد إيه من كلامه و هل يقصدك فعلا و لا لا....ده لو كان فعلا فيه صداقة حقيقية.......ولا تاخدي الكلام اللى أساسا اتقال بشكل عام على إنك المقصودة بيه و تزعلى و تسيبى دماغك للشيطان يصول و يجول فيها و كمان تاخدي قرار بالانسحاب.....
ثانيا...مش احنا هنا متفقين ان لو عايزين نعاتب حد اننا ممكن نعاتب الشخص المقصود بينا بين بعض و منخليش الكلام على العام.....على الأقل علشان منسببش حيرة للى قاعدين و كل واحد يبقى فاكر ان هو المقصود.....
ثالثا ...وده اهم نقطة....انا شفت كل كلمة اتقالت بما فيهم كلامى....وده مكنش موجه لأي شخص بعينه...ده كان مجرد تعليق على أحداث الكل كان طرف فيها ..وعايزة أقولك انى انا شخصيا كان ليا اعتراضات على حاجات كتير حصلت ...بس فضلت انى لما اكلم حد يكون بشكل شخصى (بالرغم من ان وقتى مأسعفنيش لحد دلوقتى اتكلم مع حد عل انفراد).....والمفروض ان ده يكون محل ترحيب بينا و بين بعض و انه مفهوش أي إساءة لحد فينا....لسبب مهم جدا.....اننا مش ملايكة ووراد ان اي حد فينا يغلط..وحقه على اللى حواليه انهم يكونوا مرايته و يكونوا صادقين معاه....لاننا اصدقاء...ولأن (صديقك من صدقك)..وحتى لو مفيش صداقة فاحنا اخوات فى الله ....وكل شوية نقول ان هدفنا الحب فى الله و مساعدة بعض لوجه الله....وبالتالى لازم نحافظ على ا لمكان ده لوجه الله...علشان يفضل مفتوح لافادة اي أخت بتعانى من المشاكل اللى ممكن حلها يكون هنا......يبقى:
- لما حد يعلق على كلمة او تصرف صدرت من حد ..مش معناه انه بيقول ان الحد ده وحش و لا يوصفه بالأوصاف اللى انتى فهمتيها يا سماح.
- ولو احنا بنحب المكان ده بجد و الناس اللى فيه بجد يبقى المفروض نخاف عليه و نحافظ عليه من أي شئ ممكن يبوظ الروح الحلوة اللى فيه...وده برده مفيهوش إساءة لحد..وأنا عن نفسى لما قلت كلامى.....وجهته لنفسى قبل ما أوجهه لاي حد.....والمقترحات اللى فيه كانت فى رايي أحد الحلول للحفاظ علىا لمكان ده والروح الحلوة اللى مالياه....وده اللى حسيته كمان من أي كلمة اتقالت من أي بنت بخصوص الموضوع ده....ومكنش فيه اي نية للإساءة لحد ولا لتشويه صورة حد ول ا لتوصيل أي أفكار من اللى وصلتك (سواء بقى من كلامى أو من غيره)
-وأخيرا....حاولى تقري الكلام ده بتمعن..وأنتى هتلاقى بنفسك إن محدش أساء إليكى .....وإنك اتسرعتى فى إنك تزعلى من حد من غير ما تواجهيه بشكل مباشر ....وده مبيحصلش بين الأصدقاء اللى بجد و اللى بيخافوا على بعض بجد....
-وكمان حاجة أخيرة.....لان ديه مهمةأوي فى حياتى و حياتك و حياة أي حد فينا.....ان لو حد وجه لينا نقد (مع ان ده محصلش هنا) اننا قبل ما نزعل و ناخد اي كلام بحساسية نفكر فى النقد ده و نعقله و نراجع نفسنا او أخطاءناو نشوف فعلا الكلام ده حقيقى و لالا...لان مش كل نقد معناه إساءة....
-وكمان زي ما فلت فى كلامى قبل كده...متهيالى الاسهل من اننا نزعل و ناخد قرارات فردية....اننا بس نروح للحد اللى احنا شاكين او ناويين نزعل من تصرفه و نسأله انت عملت كده ليه....وكان هدفك إيه.....ونقوله اسباب زعلنا ونناقشه فيها....متهيألى ده هيوضح حاجات كتير و يساعدنا فى أخذ قرارنا بشكل صحيح و بدون تسرع...
-وكمان لما نصاحب ناس ...لازم نفكر كويس...احنا عايزينهم يكونوا مراية صادقة لينا....ولما يشوفوا حاجة ينبهونا ليها مهما كانت قاسية....ولا عايزين أصدقائنا يبقوا مجرد حد يمشى على هوانا و يجارينا فى أفعالنا سواء كانت حق أو باطل......لان لو الدصيق طاوع صديقة فى كل حاجة بيعملها....ميستاهلش يتقال عليه صديق.....ويبقى العدو أحسن و أفيد منه ألف مرة
أتمنى إنك تراجعى كل اللى فات و تراجعى كلامى و كلام نيفين ف مشاركتها الأخيرة و تستعيذي بالله من الشيطان ووسوسته....وانتى هتتأكدي ان محدش اساء إليكى.....وهترجعى عن قرارك بالانسحاب من المنتدي......
تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15
متابعة النقاش، صفحة 87