غاليتي .... اعرف شعورك تمام المعرفة ... تعرفين ليه . لاني عانيت من تأخر الحمل مثلك بس 8 سنوات ... والحمدلله ... الحمدلله ... الحمدلله ... الله سبحانه هو أكرم الاكرمين ...
أكيد كثير يقولون لك لا تفكرين , انسي الموضوع صح ؟ وانتي من داخل يضايقك هالكلام ... تقولين هو زر أضغطه وخلاص أنسى يعني ؟؟؟
وأكيد هالموضوع شاغل كل تفكيرك .... ما ألومك .... بس , عندي نصيحة ,,,
حاولي تشغلي نفسك في هواية فيها تركيز ( اذا انتي مثلا تحبين الرسم ) , خياطة تسوين تطريز , طبخ ( تزينين كيكات ) شئ فيه تركيز ....
بدل ما تفكرين 24 ساعة في اليوم ( حتى وانتي نايمة لان الاحلام تشتغل :) في الموضوع اياه ) .... بدل كذا تفكرين قولي 20 ساعة ! وشوي شوي .. يخف التوتر و الضغط النفسي ...
عندي كم سؤال لو تكرمتي ... واذا ما جاوبتي على راحتك ؟ وراسليني على الخاص اذا تحبي , بس انا قلت ممكن أقول حاجة تفيدك و تفيد غيرك ان شاء الله ...
- كم عمرك ؟
- سبب تأخر الحمل ؟
- ايش كلام الدكاترة , وايش سووا لك ؟
-هل جربتي التمريخ ؟ ( مساج للبطن عند وحدة ثقة ومتمرسة ) ؟
-تقرين على نفسك ؟ وعلى زوجك بانتظام ؟
الله لا يحرمك الذرية الصالحة التامة الخلق و الخلق امين , و تفرحين فيهم ...
بعدين لا تقلقين ,,, ان شاء الله بتحملين ! تاخر الحمل مرض العصر , بسبب تلوث الجو بعد حرب الخليج ... يقولك الربو / تأخر الحمل / الاجهاض من اكثر الأشياء الشائعة بعد حرب الخليج ....
الله لا يحرمك الذرية و لا يحرم كل مسلمة , قولوا امين ...
( رب لا تذرني فردا و انت خير الوارثين ) <====== كرري هذه الاية طول الوقت
اخواتي
ادعوا لي الله يحفظ لي حصة و أخوها بالصحة و العافية ويصلحهم لما يحبه و يرضاه ويبلغني فيهم وفي عيالهم وياريت عيال عيالهم بعد ( طماعة ) في صلاتكم اليوم او في سركم وعموا بالدعاء انفسكم و سائر المسلمين , اللهم امين ...
(الدلع شرقــــــــــــــــاوي)كلاكيت ثاني مره تجمع لبنـــــــ الشرقيه ـــــــا ت
متابعة النقاش، صفحة 643