تجمع الموقنات برحمة الله ( خبرات متبادلة حول مراكز تأخر الحمل فى مصر ) الجزء 15

والله يا اوكسى انا اتفائلت لما دكتور عادل قالك ان خطة التنشيط ممتازة
ماشاء الله باين دكتورك ده كويس ربنا يجعله سبب فى حملك القريب يارب
انتى اتوكلى على الله وكثرى من الاستغفار بالله عليكى الايام دى
وان شاء الله نفرح بيكى قريب يارب

امين يارب يا اوكسى ونباركلك قريب قوى

على فكرة يا اوكسى انا عاوزة اطلب منك طلب انتى وكل البنات
عشان انا مش عارفة احطلكم اللينك بتاع الحلقة
ياريت تسمعوا شريط التوكل لعمرو خالد
والله العظيم لو سمعتيه بتركيز وحاولتى تنفذى اللى فيه بالحرف هتتفتح لكم ابواب كتير قوى
انا مش عارفة ازاى اقولكم على اللى حصل معايا من ساعة ما اول مرة سمعت الشريط ده
كل ماببقى فى ضيقة سبحان الله ربنا بيفرجها
انتو عارفين احنا الحمد لله بنقول اننا متوكلين على ربنا بس ساعات للاسف الشيطان مش بيخلينا نعرف نتوكل صح
بس كل مابسمع الشريط ده بلاقى حاجة لسة نقصانى عشان اتوكل صح وبعدها الحمد لله ربنا بيفرجها من عنده
ياريت بجد يابنات تحاولو تسمعوه فى حاجات هتتغير كتير ان شاء الله

صباح الورد و الفل و الياسمين على البنات الحلوين....
أوكسى....
أنا قلبى انشرح لما قريت كلامك عن خطةا لتنشيط و الاهتمام و النظام اللى فى المركز ده....
شكله يا اوكسى هو المكان اللى ربنا هيجعله سبب فى ااننا نجيب الجون....
المه..انا اتبسطت من النظام و الكلام ده...لانى طبعا لا افقه شئ فى بروتوكولات الحقن...
بس طبعا يكفينى ان دكتور عادل طمنك للخطة...
وكمان ان دكتورك حافظ ان الجرعات تبقى فى ميعادها و كمان كل 12 ساعة علشان جسمك ياخد جرعات التنشيط على مدار اليوم....وده دليل انه حد فاهم شغله كويس ...وربنا يوفقك فى باقى خطواتك معاه...
وكمان معلومة ان السرنجة تكون كبيرة...ديه مرة سمعتها لما رحت آخد حقنه فى صيدلية و ادتهالى دكتورة (انتى عارفة ان جوزي هو اللى كان بيدينى الحقن) وديه كانت اول مرة آخدها بره....وكنت دايما آخدها بسرنجة أطفال....فلقيتها قالتلى لا...ده انتى الافضل ليكى اننا نستخدم أكبر إبره موجودة علشان الدوا يوصل صح....انا ساعتها مركزتش و حتى مافتكرتش الكلام ده الا لما سمعت كلامك دلوقتى....
ربنا ينفعك بيهم يا قلبى و يديى خيرهم و يكفيكى شرهم و يجعلهم سبب فى رزقك بالذرية الصالحة يا قمر....
وربنا يخليكى يا حبى على كلامك السكر و على وقوفك معايا دايما......بس كده كلامك كتير اوي....أنا مين يا حبيبتى علشان أنصح حد.....والله يا أوكسى ما باقصد اكتب كلامى فى صورة نصايح لحد....لا ....انا باقولكم اي حاجة باقولها لنفسى و أشجع نفسى على فعلها...وبابقى فى اللحظة ديه باتمنى ان ربنا يقدرنى أنفذ كل حاجة منها على اكمل وجه و كمان لو فادتنى ماتأخرش انها تفيد غير حتى لو عندي يقين انه عارفها...بس برده باقول مش هاخسر الا الوقت الل هاكتبها فيه....بدل ما ادم ان كان عندي كلمة ممكن تفيد حد و مقلتهش........

بقيتى يا لولو بكلمة واحدة تعرفى تخلينى أفضفض و اطلع اللى جوايا...يا بركاتك يا قمر

صباح الخير ياقمرات

امبارح سمعت كلامك ياشوشو ورحت لدكتور تغذيه وعملى خطه امشي عليها باذن الله ورجعت مبسوطه اوى انى بدات حاجه صح لانى كنت عماله اخبط ومتلخبطه

بوبا الحمد لله حمد طيبا مباركا ربنا يتمملك على خير ويفرحك بلنونو يارب