أمه رافضتني

لا تهتمين
عمر الشهادة ماتقيس البنت او شخصيتها لأن كثير عندهم ضروف منعتهم يكملون والحين ام الللي خطبك اللي يشوفها معاها ماجستير ولا دكتوراة والوحدة بعقلها مو بشهادتها ولو لك رغبة انك تكملين حاولي تضغطين شوي على نفسك وادعي ربك يسهل عليك وييسر لك امرك

السلام عليكم،
انا دايم اقول لازم يكون في تقارب في المستوى الدراسي بين الزوجين بس الأفضل اكيد يكون الرجل شهادته اعلى من الحرمة.

حبوبة نصيحة مني وصدقيني الله بيعوضج خير>>>اذا هذا اولها ينعاف تاليها والي امه ماتبيج>>>انتي ماتبينه

لاتبنين بيتج على انقاض بيت ثاني>>والي مافيه خير في اهله مافيه خير لج

والله يهدي من يشاء

أم دحيمان
والنعم بأمهاتنا..بالفعل خير استشهاد
وجملتك " انت تسوين الشهادة مو هي تسويك
عظيمة..جداً حظيمة
مشكورة ربي يعطيك العافية


بنت العرب الأحرار
صح أختي مو عذر..والكل قال مو عذر
هي أصلاً ما تحب عايلتنا وعشان جيه يالسه تقول جذيه
او يمكن لانها كانت مدرسة تهمها الشهادة
انا ابغي اكمل ودي تكون عندي شهادة
تسندي..بس ما اقدر اعيد المواد الثلاث
يصيدني شيء مثل الكتمة والضيق
وانا الحمدلله الكل يشهد بذكاءي واني مثقفة
عشان احب القراء وايد
ممتنة لك يا طيبة مشكورة


الحرمان الطويل
جعلي فداج يا الغالية..ربي يجزج الخير على هالدعاء الصادق
مشكورة حبيبتي


عاشقة الصداقة
ما شاء الله عليج..ربي يحفظج يارب
وأنا ودي بعد أكمل دراستي
بس هالمواد كأنها عظم بالبلعوم
ودي أعرف مكان مو شرط الشهادة الثانوية الأخيرة
او اقدر آخذ منه الشهادة الثانوية بس ما تكون التكاليف باهظة
الله يجزيج الخير على قد نيتج الطيبة
مشكورة يا عمري


ندى المحبة
احاول ارفع من ثقتي بنفسي مع انها تتذبذب ساعات وايده
انا عارفه اني اقدر اكمل بس شاسوي ويا الحالة اللي تصيدني مع فكرة اعادة المواد الثلاث..ودي يصير عندي شهادة على الاقل ثانوية تخدمني انا وتفيدني للزمن
امه معروف عنها انا مغرورة وفيها شيء من الخبث
مع اني ما قد اسأت لها..علشان تعايرني بالشهادة
مشكورة حبيبتي ما تقصرين فديتج


ينات جزاكم الله كل خير عطيتوني ويه ولا طنشتوني

لو عندها ماجستير أو دكتواه مادري شو سوت فيني يا عمري
انا ودي ادرس واكمل مو عشانها علشان نفسي
احيان افكر استشير استشاري نفسي يشوف علتي
وربي يكتب لج الخير وين ما كنتي يا الغالية
مشكورة يا أختي

وعليكم السلام والرحمة
تصدقين يالله ؟؟
هاي قريبي من واحنا يهال متربيين ويا بعض حتى يوم كبرنا
ودوم نسولف ونتكلم ..لو تشوفين نقاشاتنا دائماً اكون اكثر ثقافة منه
واكثر معلومات وحتى بالحوار اقوى منه
يعني اشوف الشهادات ما تقيس الاختلاف بين فكر الرجل والمرأة
انا حز في نفسي ان امه تعايرني وكان زين عاد عيب يستاهل حد
يتكلم فيه قدام الناس مثل ما هي سوت فيني
حسبي الله ونعم الوكيل
مشكورة بعد عمري على ردج جزاج ربي الخير والرحمة