قصتي اللي وعدتكم فيها قصدي بشارتي
السلام عليكم ورحمة الله وبركاته
بكل صراحه دورت عن علاج الحمل في أكثر من مستشفى سويت أشعة صبغه أخذت بارلودل و كلوميد وأبر تفجير و دفستون واتابع التبويض اول بأول ورحت عند اكثر من ممرخه مرخت خمس مرات ولدرجة ان الممرخه كوتني وماسمعت بخلطه تخلي الوحده تحمل بنفس الشهر الا وجربتها
سبحان الله ثلاث سنوات وأنا اتعالج ابي احمل تعبت من كلام الناس ونظرتهم لي والله كأني مسويه جريمه
سبحان الله تعبت وأنا أشكي لأمي من نظرة المجتمع لي وهي تبكي معايه وتحس بحزني لدرجة أني أتألم لمن أشوفها تبكي صرت ماعاد اقولها أي شي صرت اشكي لربي ومن ثلاثة شهور تعبت ونمت بالمستشفى حوالي شهر وطلب الأطباء مني اوقف علاج الحمل لأن حالتي ماتسمح لي بأخذه وأنا على هذه الحاله وفعلا وقفته وصرت ما أفكر الا بصحتي ونسيت شي أسمه حمل بعد خروجي من المستشفى رحت عند راقي واعطاني اعشاب وماء زمزم وزيت وعسل وبعدها جلست عند اهلي اسبوعيين عشان أمي الله يطول بعمرها كانت تعطيني علاج الشيخ اول بأول
وبعد شهر من خروجي من المستشفى نزلت الدوره وبصراحه صرت ماعاد اهتم بتأخر الدوره وطنشتها
المهم بعد ماخلصت الدوره رجعت لبيتي وزوجي والحمد لله تحسنت نفسيتي وزوجي طلب مني انسى موضوع الحمل وكان هدفنا هو الشفاء
ومر شهر والدوره مانزلت واسبوعيين ومانزلت قلت أكيد الهرمون مرتفع عشان تركت البارلودل
قلت اسوي تحليل بول ورجعت قلت لا انا حالفه مااسوي تحليل لين تتأخر الدوره اكثر من شهرين وطنشت التحليل ورجعت نمت
وأجتني امي الغاليه بمنامي تبشرني اني حامل
صحيت من النوم قلت اكيد اني انجنيت اشلون احمل وانا مو ماخذه كلوميد وابر تفجير ورجعت نمت
صحيت الصباح كان عندي بالبيت ثلاثه اجهزه تحليل ونتايجها مو مضمونه من كثر ماأسويها يعطيني نتيجه غلط
المهم قلت مو خسرانه شي
سويت الأول طلع خط واضح وخط ماتشوفيه الا بالمجهر
سويت الثاني في اليوم التالي طلع خط واضح وخط خفيف
سويت الثالث في اليوم اللي بعده طلع خطين واضحين
وبعدين طلبت من زوجي يجيب لي جهاز مضمون حتى لو كان سعره غالي المهم ما أروح المستشفى ويطلع كالعاده مافيه حمل
وراح وجابه لي وسويت التحليل وكانت النتيجه
خطين واضحين وضوح الشمس
بشرت زوجي وماصدق وحتى أنا والله موصدقه رحت سويت تحليل الدم ونادتني الممرضه وبكل صوتها تقولي
مبروك مدام انتي حامل
والله حسيت كأني بحلم ورجعت وسألتها ايش النتيجه مره ثانيه قالت لي
مبروك مدام انتي حامل
مو مصدقه وكمان زوجي مو مصدق كيف احمل بدون اي علاج مع ان لي ثلاث سنوات اتعالج انا وزوجي
ورجعت من المستشفى ورحت عند أمي الغاليه ابشرها ماكانت مصدقه بكت من شدة الفرحه لأن المسكينه شايله همي الله يحفظها ويطول بعمرها وتشوف عيال عيالي
واللحين انا حامل بالشهر الثاني
عقبال كل اللي في هالقسم ياااارب
اسأل الله رب العرش العظيم ان يفرح قلوبكم مثل مافرحني ياااارب
وأن يثبت حملي و يشفيني
شاركي في النقاش
سجلي الدخول لإضافة تعليق.
التعليقات
28- ماشاء الله الف مبروك الله يثبت حملك
- الله يثبت حملك ويعطييك الذريه الصالحة
- الف مبروك
الله يتمم ع خير
وتفرحين بضمه لصدرك الله يرزقك الذريه الاصالحه المعافاه
طيب ياقلبي
هل زوجك كان عنده مشاكل ولا انتي بس
معليش
جاوبني يالغلا - ما شااءالله
الله يتتم حملك وتفرحين فيييه قرت عينك ياقلبي الله يوفقك ويسسعدك دنيا واخررره المشاركة المقتبسة غير متاحة.
مواضيع مشابهة
تابعي تجارب أخرى من هذا القسم.