$ فن التقديم لبنات الرياض $ الملف الخامس $ تم تحديث الموضوع بواسطة دمعي نزف جرحي

يعطيكم الف عااافيه والله ماقصرتو كفيتوا ووفيتوا

كيف احصل ارقام الحريم كلهم ضروري عندي مناسبه بكره فجأه:06:

وحبيت استفسر عن بفاريوس هل هو محل او وحده تصلح وياليت معلومات عنه ووين مكانه


اسفه لازعاجكم ياليت تسااعدووني ضروري .....


ولكم دعوووه بظهر الغيب باذن الله ...

بنات لاحظت اغلب المحلات الحلوه في شارع الثلاثين وطريق الملك عبدالله
يعني مشوااااااار صراحه انا في البديعه ودي بمحلات حلوه في البديعه او السويدي اشوف فيه محلات بس مادخلتهم والله وانا عندي واحد ماشاء الله مايحب الفرفره يبي اروح لشي معين وعارفته فياليت نبي محلات هناك

لان عندنا نفاس ونبي تجهيز حلو ...

يعني الى الان لقيت لي كوكيز انوش .....والشوكولاته حقتهم دايم ناخذ منها والكوكيز اشوف كبار مادريت ان فيه صغار الا منكم .....يعني ابي شوكولاته غيرانوش ...
وروز على قولتكم مو مره مع اني اشوفه حلو بس اذا فيه بديل مو مشكله احلى التغيير لان كل الجماعه هابين فيه...
ولقيت بعد الفخاريات عند سعد الدين تقدم مع العصير....


ابي زياده يابنات البديعه والسويدي...

باني بياتو يسويه لك والحريم ممكن شوفي شغل امل في الكب كيك هالو كيتي



والله انا اشوف الحريم يتفوقون بقوة عالمحلات بس اذا انتي مصره على هالمحلات فاوبرا افضلهم اما روز ودرة الصالحيه ابعدي عنهم والدبلوماسي الساندويشات افضل من الفطائر


الصبابات ليش مشكله؟؟قصدك ماتعرفين او تبين احد يبيض الوجه !!راسليني اعطيك ارقام مجربتهم وسنعات
بالنسبه لتقديماتك خذيها من اي مكان تبين خلاص انتهت مشكله المسافه بوجود شركات التوصيل وبعض الشباب اللي يشتغلون هالشغله ،اللي اعرفه قريب منك اهو نجود عند بيت الشيخ بن باز الله يغفر له وبفاريوس هذا من الحريم اما المحلات فسبق وشفت البينا بطريق المدينه .


المعمول الملون ماعرف غير ام ايمن وصن ست بس ترى ام ايمن افضل والاسعار قريبه من بعض صن ست 80 حبه ب100 وام ايمن الكيلو ب80 واي رقم تبينه خذيه من ميعاد امل


غريب ويواجه طيب حسب نوع ضيوفك متفتحين عالتقديمات هاذول بيتعبونك عشان تحصلين شيء غريب اما اللي وسط او مو متفتحين فبيريحونك نسبيا،اول شيء عصير ومعاه شيز كيك او كب كيك او تارت الشيز والكب ممكن من قولدن براون بعدها القهوة ومعاها لاتاخذين اكثر من نص كيلو والافضل تجيبين صينيه مقسمه وتعبينها كل قسم شكل (تمر من العلواني،حلى من نجود و شوكولا بلان،شوكولا من لاتين او كلمات او اي محل بالثلاثين وكاندولا بس لاتين بتحصلين عنده حشوات غريبه وان كنت ماافضلها شخصيا مثل الفلفل والزعتر،ومعمول من كلمات او ام ايمن لانه ملون فصاير اغرب،وماكرون من كلمات،وكوكيز من انوش)الشاهي فطاير من ندى الدريس اوهدى الربيعه وكنابيه عربي ومكسرات من الرفاعي


نجود عندها كذا حشوة(حنيني،كراميل،كيك،اوريو؛فول سوداني وبسكويت،شوكولاته)يمكن فيه اشياء ماتذكرها او ماذقتها
ميني تريتس قالت لنا عنها دمعي ولسا ماجربناها اغلب البنات اتصور ماجربوها لانو ماتكلمنا فيها
بالنسبه لنوال السويدان تسوي بوفيهات لحالها وتعتبر افضل من عزيزةواصلا اهي الافضل على مستوى البوفيهات اهي ونياره الذ شيء برايي.


اللي تصلح القهوة اهي القهوجيه اما اللي تصب فهي الصبابه واسعارهم تختلف طبعا القهوجيه اغلى بالنسبه لزواجكم الافضل تمسكينه احد مثل الروشن يفرجونك عكل شيء وهم يتكفلون بتقديمات من الى وموقعهم شارع العروبه


سبق وجتني هديه من سويسرا


مبروك التخرج ،والتقديمات عادي نفس تقديمات اي مناسبه اقيمت عندكم الصياني 13 صينيه والعصير خليه فيه البدايه او وقت مسيرة الطالبات ومو ضروري تقدمين اشياء معاه طالما انو فيه عشاء


المعجنات خذيها من ندى الدريس ملونه وديكورها عشكل ورد من التوست ،السكر اخر شيء الفرنسي بعيد عن التكلف والديكور الخارجي والارقام خذيها من ميعاد امل


يمكن قصدك المفن بالشوكليت


شفت فرع البينا من قبل كم شهر بشارع المدينه في الزاويه اللي خلفها مكتب الاشراف التربوي اذا تعرفينه
السكر الفرنسي تلاقينه عند محل مرينون وجويلز وعند المحل اللي في المملكه


الارقام عند ميعاد امل،بفاريوس حرمه في السويدي او البديعه لها موقع بالفيس بوك تقدرين تشوفين شغلها فيه.


سبق وقلت واكرر انتهت مشكله المسافه بوجود شركات التوصيل والشباب اللي يشتغلون هالشغله ،الشوكولاته اعتقد قريب منك باتشي اذا كنتي من المعجبين فيه
،شوفي ردي على خيط وابره اتمنى يفيدك.

بفاريوس حرمه واذا تبغين للحلى انصحك بالجوهره او نجود وبالتوفيق



قريت من البنات ان شوكولاته البينا فيه بشارع المدينه
و شوكولاتته روووعه
كوكز انوش الصغار بالطلبيه وممكن يغلفها لك