والله يا أختي أعرف أكثر من سعودية متزوجة امريكي واوروبي ، كلهم سعيدين في حياتهم مبسوطين الله يديم عليهم .
اعرف قصة وحدة كانت متزوجة سعودي قريبها و طلقها ورمى أولادها وما يصرف عليهم . تزوجت امريكي مسلم ماشاء الله عليه . ربى أولادها كأنهم أولاده . ويحبها ويقول مافي أحسن من الزوجة السعودية .
تخيلي انسان يعاملك كإنسانة لها احترامها ، يساعدك في شغل البيت ، يفكر فيك مع كل قرار . ويحبك وما يخجل قدام الناس يقول انه يحبك . مو زي رجالنا يخجل يقول اسمك قدام اصحابه .
وحدة اعرفها تزوجت بريطاني ومات الله يرحمه . تزوجت بعده امريكي .. تقول خلاص ما أقدر أتأقلم مع الرجال العرب هههههه .
أغلبهم لما يختار الاسلام يختار عن قناعة . و يخاف الله في زوجته . يا شيخة أغلبهم ما يتزوج عليها لأنه فاهم الدين كويس مو زي رجالنا ما يفهم من الدين إلا تعدد الزوجات .
بنات لو خطبكم امريكي او اوربي توافقو
متابعة النقاش، صفحة 65