تفضلي بطلب وصف اي موقع تريدين وسوف نساعدك بإذن الله

مشكووووووووووووووووورة اختي ماقصرت
حتى اناماأعرف اسمه كل اللي اعرف انه نادي نسائي عند رويال مول بس
مشكوووووووووووووووورةعلى تعاونك معي
الله يوفقك

لا موجود حوالي فن البيوت مو عند سنتريا

تراه سهل بتشوفينه واضح انتي بس روحي وفتحي على الاخر وبتحصلينه

وعنده مفارش بس تصلح للنفاس او القطنيه





جزاك الله خير وبارك الله فيك

والله يجعل لك نصيب كبير من دعواتك يارب
مانبغى غير الاجر ولا لانعرف احد ولا احد يعرفنا


اختي فيه محلات الديكور يسوون لك تفصيل حواجز واذا تقصدين ابواب حواجزمثل كذا



باحجام واشكال مختلفه فإن شاء الله بتحصلينه

في سيدار _شارع التحليه _جده



وفيه لو بغيتي ابواب المنيوم ما ادري اذا فيه نوعيه ثانيه عندهم في شارع الاميرماجد وشارع الستين تقريبا مليان محلات المنيم حواجز وابواب تفصيل حسب الطلب



وفيه في بعض محلات الديكور والموبيليا اسأليهم اكيد يفصلون لك

وياليت تجي احد البنات ويفيدونا مشكورين




العفو يالغلا

ماقصرتي :26:




الاخت نيلوفر ماقصرت

بس تبين الوصف بالدقه ابشري

انتي جايه من جنوب الرياض وبتروحين شرق الرياض عشان الجامعه العربيه المفتوحه في حي الفلاح مخرج 8


اسلكي طريق الدائري الجنوبي كأنك بتروحين لصناعية الخرج او حراج ابن قاسم وامشي على الطريق سيدا وبيجيك مخرج الخرج اتركيه وخليك على الدائري الجنوبي الى ان يجيك كباري مخرج الدائري الشرقي اطلعي معها يسارك
وكمليبتصيرين على لطريق الدائري الشرقي وبيجيك مخرج 17 وبعده ايكيا تتعدين كل المخارج وتمشين سيدا تتعدين مخرج (16’15’ 14 , 13 , 12 ,11 , 10, 9, 8) اتركيهم سيدا وبعدها بيجيك طريق تقاطع يمينك بيكون مجمع الصعب ثم عيادات سليمان الحبيب ويسارك بيكون فندق مداريم كراون ثم شركة الفهد لفي يسار من عند شركة الفهد وامشي سيدا شوي على اليسار خط الخدمه بتجيكمحطة الدريس لفي يسارك ادخلي من عندالمحطه وبتلقين الجامعه بجنب المحطه على طووول

ماعليه الصوف طويل ولو بغيتي شيء انا بالخدمه :26:




جزاك الله خير ولك مثل دعواتك يارب

واتميز بتشجيعكم الرائع

شكرا لك:26:



عزيزتي سمعت به همس الليل لكن والله ما ادري وين بالضبط ممكن تستني اسأل عنه





آسفه يالغلا احسبك تقصدين الابواب

هذي تحصلينها بمحلات الموكيت ويسمونها (ربله) ادخلي اي محل للموكيت الكبير وبتحصلينها

وياك الجنه يارب




جزاك الله خير والله يجعل لك النصيب الأكبر من دعواتك يارب





*اسكادا في نجود سنتر اللي عند الانتر كونتيننتال وبالصفحات السابقه في هذا الموضوع وصف دقيق لفندق الانتر ومركز نجود ممكن تطلعي عليه
وممكن تحصلي ماركات اسكادا في القرعاوي غاليري اللي بطريق الملك فهد


*بالنسبة لميلانو سكوير الجديد هذا في مجمع البستان اللي بطريق الملك فهد(البستان اللي مع كارفور ) مكان العروبه بلازا سابقا (وسمعت ان المحل بينقل ما ادري بالضبط)

فيه محل ميلانو سكوير على شارع العليا العام مقابل المملكه بجوار الدهام للساعات طبعا هو جزم وشنط والاسعار غاليه شوي مو مره ما اقدر احكم لك على الاسعار

نسيج يالغلا ما ادري بالضبط وش نوعية الماركات بس شفت وحه من البنت شاريه لبس من اسكادا بالقرعاوي

ومو بوتيك لحاله لا القرعاوي مجموعة ماركات يبيعها بمكان واحد بس احيانا ماعندم شيء زين

عزيزتي انا مو تخصصي نوعية المحلات ممكن اوصف لك بس

مشكوره عالموضوع المفيد حبيبتي الله يجزاك خير

ابي اعرف وشلون أوصل لمخرج 11في الروضه شارع عبدالرحمن الغافقي

أنا باجي من الدائري الشمالي الله يخليك ابي وصف دقيق عشان ماأضيع سواقي جديد مايعرف الروضه

والف شكر ياقلبي...

وانتي بالدائري الشمالي تتعدين مخرج 6 ومخرج 7 بعد 7 امسكي يمين يصير يساك الكوبري اللي يودي للمطار وامشي سيده بيجيك مخرج 9 وتشوفين يسارك مركز غرناطه امشي سيده بيجيك مخرج 10 بعد\ مخرج 10 امسكي خدمه يمين لين تجي اشارة مخرج 11 روحي يمين وخلاص

وصف محل همسه الليل في الصفا اللي للرومانسياااات يالله ساعدوني الله يجزااكم الجنه