$ فن التقديم لبنات الرياض $ الملف الخامس $ تم تحديث الموضوع بواسطة دمعي نزف جرحي

انا عندي عزيمه عازمه عروس في استراحه والمدعوات خمسين حرمه محتاره فيه افكار كثيره القهوه شوكلاته مغلفه وحلا من حرمه وش افضل حلا نجود والا الريعه ولا ساره سويت
المعمول م ايمن
الشاي معجنات وش افضل شكل وطعم ام سعود ولا الربيعه والكابنيه ميني تريتس ولا الربيعه اعجبتني فكره البيره والعصير والقهوه الفرنسيه متى احطها وكذللك البيره والعصير متى بتكون ساعدوني ضروري

حبيبتي سبحان الواحد 36 الف كثيره عليها خصوصا ان العاملات مره قليله احنا سوينا القاعه بزواج اخوي والحلويات هي جايبتها اقصد الحلويات اللي على الطاوله بشمعداناتها مع ديزاين معين للطاولات وطاولة بعد العشاء ماكلفت حوالي 15 الف وتراني مبالغه في السعر وليش ذي شاطحه بسعرها نصيحه اذا شغلها شفتيه او مجربته ومقتنعه فيه توكلي على ربك لكن اذا ماشفتيه لاتغامرين ابدااااااااااا نصيحه

بالنسبة لتقديم النفاس

ايش رايكم في التقديمات التالية اول شي القهوة معاها
صينية شوكلاته مغلفة من البينا
صينية شوكلاته مكشوفة من لينتور
صينية يرتب فيها كوكيز و مكرون و حلى الوردات مع بعض إما صينية مقسمة أو ترتب في صينية وحدة- كلها من لينوتور( لأني ماحب اكثر محلات شغلة)
فازة يرتب فيه الفراولة المغلفة من لينوتور على شكل باقة -
فازة أخرى يرتب فيها معمول من روز

هذي كلها تبع القهوة نجي للشاهي
موالح ملونة من لافندر فقط لأنو صعب كل يوم طالبة فطاير - وأفكر أجيب صينية البساكيت المغلفة الي وضعتها الأخت فوق
ايضا مكسرات من مورينا

نجي للعصير وأعجبتني فكرة البيرة جداااا - أفكر معاه سوفلية بس مدري من وين -أو أجيب البيتيفور من الربيعة
وإذا كان بالبرد بدل العصير كابتشينو أفضل مع سوفلية


هااااااااااااااه وش رايكم قصرت ولا ماقصرت في التقديم
إذا فيه خطأ نبهووووووووووووووني

تلاحظون اني مافكرت في الرول كريم ولا في الكب كيك والتارت

بعدين سؤال ممكن رقم حبشية تستقبل ضروووووووووووي

وسؤال الورق والتغليفات الي تكون على طاولات الحريم لم يخلصون وشتسوون تجيبون لها عاملة والا تقولون للصبابة تشيلها

ايضا سألتكم عن الصياني هل عند فن البيوت صياني للحلى مقسمة او ادوار مودرن وهل ممكن يلبسها مخمل مدري ليش عاجبتني فكرة المخمل

إذا مثل ماتقولين أشوف 25ألف كااافيه, بتحصلين اللي أقل منها سعر





الصور تكررت كثيير في الصفحات إللي قبل وموجوده في الصفحه الأولى
الرقم ابشري ارسله لك





أساساً واضح إنها مو شغل بيت.. كل اللي في الصوره موجودين في أي هايبر





البسكوت المدور ريتز, اللي بالزعتر معروف, المستطيل تجي في علب معدن
بس اعتقد البنت تبيع الحبه بريال, أشوف السعر معقول بنسبة ربح بسيطه





حلا القهوه.. الجوهرة العبد اللطيف
المعجنات.. أم سعود والربيعه كلهم كويسات, بس بما إن فيه عشاء أشوف معجنات أم سعود أنسب لأنها أخف
الكانبيه.. ميني تريتس
أكيد البارد مع هالحر حلو إنه يكون في الأول





مررررره كثيره الشوكولاته يعني 25 كيلو؟!
عادةً تكون صياني حلا القهوه أكثر من الشوكولا, لأن تشكيلته أكبر والإقبال عليه أكثر
و في المناسبات الكبيره حلو إن صياني التقديم تكون سعتها بحدود 3.5 كيلو مو أقل
كذا تكون أوجه و ماتفضى بسرعه لأن عدد الضيوف كبير
العاملات مناسب عددهم





الله يهون عليك يارب, ويقومك بالسلامه
تقديم القهوه حلو.. بس أشوف لو تستبدلين الفراوله بحلا قهوه من الجوهره أو الربيعه أفضل
تقديم الشاهي كله موالح؟؟
صعبه شوي
أنا معاك ممكن أحياناً مايسعفك الوقت ومايمديك تطلبين, بس لاتكنسلينها من بالك تماماً
برآي الموالح ماتغني عن المعجنات أبداً.. إلا ماتجي أيام تقدرين توفرين فيها معجنات
إذا بتقدمين مع العصير شي أشوف بتفورات الربيعه أنسب من السوفليه, أو حتى كب كيك وتارت
السوفليه أنسب شي يقدم مع الكوفي
بالنسبه لسؤالك عن الورق.. مسؤلية العاملات اللي يضيفون
فن البيوت أذكر من زمااان رحت له وماعجبني ستايله فما أقدر افيدك