الموضوع مغلق

خ ــنت زوجي:/

موضوعي صعب يابنات ومابديت اخطي هالخطوه الا لاني ابي النصيحه عسى ربي يهديني بسس
اولا ابي اتكلم عن نفسي.. أنا انسسانه شاعريه لاكبر حدد.. رومنسيه جدآ..ماني مثل اي احد بهالدنيا..
افقد الحب بششكل مو طبيعي من زوجي مافيه رومنسيه ماايقول كلمات حب ابد من يوم تزوجته ما اهداني ولا هديه حتى لو بالغلط..
لي 4 سنين متزوجه عمري 24 لي بنت منه..
كانت علاقتنا اول سنه وااو ثم بدت بلأنحداار حتى في بدايه زواجنا مايقول كلام زين وماقد حسيت بأنوثتي معه يعني اي حركه يسويها الزوج لزوجته ماسواها ابد حتى بالعلاقه الزوجيه مافي مقدمات وانتو ادرا..
جلست تقريبا سنتين بدون نت وانا متعوده لاني ماكان لي نت ابد عند اهلي ممنوع على البنات..بس بعد السنتين شريت لاب توب عششان وقتي كله فاضيه..انشغال زوجي طول اليوم خلاني ادخل منتديات على اني بديت بعالم حوا بس تدرج بالمنتديات الاخرا..طفشت من المنتديات رحت(شششششات) بدايتي ملتزمه شوي ادمنت ششات صرت مقدر استغني عنه تدرون ليه..؟! فيه ونااسه مالقيتها بزوجي وكلمات حب اول مره اقراهاا
زوجي 24ساعه برا البيت عشان كذ1 مايدري وش يصير في بيته الي ماصنته..تكلمت مع ملاايين الشباب اخذت ايميلاتهم الي يعجبني اعطيه رقمي يكلمني والي مايعجبني بلوك وديليت من المسن..
المهم رجعت تبت قلت لااااااااااا زوجي ماخونه هو طيب معي تركت الشات كم شهر .. رجعت له مره ثاني بس هالمره حذفت ايميلي القديم سويت جديد..
لقيت واحد اعجبني اسلوبه وكلامه بالمسسن بس كل شوي اندم واقوله خلااص انتهينا مابيك امسح رقمي ثم يقول طيب على انه محزن وكان يبكي..؟!<كذابين والله
وهو مايدري على اني متزوجه ولا يعرف اسمي حتى..المهم بنات انا دايم اذكره بربي وهويحاول يضيع الموضوع من كثر ماحبيته ابيله الهدايه وكل مابعد عنه يرجعني له الطفشش..لي يومين مادخلت المسن تعبت من الذنوب ماعاد ابيه ذلحين ابي مشورتكمم ترا طفششانه وابي شي يسليني يانااس ومابي اخون لحد يرد ويقول(الله يعينك على مابلاك او تجي الثانيه تقول الله يهديك) جزاكم الله خير بس ابي حل


{أحب زوجي.. الله لايحرمني منه} **


جزاكم الله خير وكلامكم فوق راسي والله فديتكم.. وربي اني مغرقته كلام حب وقلت له مليون مره عطني وجه ابي كلامك مثلي بسس كذ1 طبيعته وانا راضيه بس ابيكم تنصحوني ابعد عن هالطريق ولا زوجي راضيه فيه بكل حالاته

143 تعليق 11,209 مشاهدة

شاركي في النقاش

سجلي الدخول لإضافة تعليق.

التعليقات

138
  1. @alhlm_alordy22

    ليه ماتبدين انتي قولي لزوجك كلام حلو وبعد فتره تلاحضين انه تغير لكن بعد فتره يبغاله صبر
    تقولين للي تكلمينه ابيله الهدايه هذا الشيطان علشان ترجعين وتكلمينه
    صراحه انتي تناقضين نفسك
    ركزي اهتمامك بزوجك وبنتك وفكري في بنتك لو ينكشف امرك ؟مالها ذنب تبين تقولين لها كنت طفشانه
    ماهو عذر علشان تهدمين بيتك
    اشغلي نفسك قبل لا تشغلك؟
  2. @ghrob_30

    الحل بيدك بعد الله
    لازم ماتطاوعين نفسك وهواك
    لو بنطاوع انفسنا كان الله المستعان
    تذكري ان الله يشوفك والله سبحانه يمهل ولايهمل وترى الشيطان يستدرج الإنسان
    انتبهي قبل مايفوت الفوت
    وقبل مايحس زوجك بشي
    وماهو مبرر انك ماتسمعين من
    زوجك كلام حلو تروحين تسمعينه بالحرام والمؤمن
    يطيع الله في كل اموره حتى وان
    كم يجد البديل
    الله يهديك ويسخرلك زوجك
  3. حبيبتي من يتق الله يجعل له مخرجا واتركيه فقط لاجل الله وسيعوضك خييير ولايبرر لك الشيطا فعلتك واحفظي زوجك انت ترضين زوجك يخونك؟واذا مايعرف كلام حلو علميه انت ومااحلى الحلال

تابعي تجارب أخرى من هذا القسم.