حوار مع طفلك او اخوك

السلام عليكم
كيفكن ياحوائيات ان شالله طيبين

قريت موضوع مسلي في منتدى اخر واعجبتني فكرته
قلت اكتبه في منتداي الغالي مع تغيير بسيط انا ابترك لكم حريت اختيار الاسئله بدون مااحدد لكم

الموضوع هو كل وحده عندها طفل سوا طفلها وخوها اي طفل صغير تحت سن 9 سنوات تسوي معه حوار يعني تسئله عدت اسئله وتخليه يجاوب زي مايجاوب ماتغير في جوابه شي احنا نبي براءة الطفوله نستانس عليها وتكتب لنا اسئلتها واجوبت طفلها
بكل صراحه
ياالله شدو حيلكم
وانا ان شاالله راتح اكتب حواري مع طفلي

33 تعليق 2,088 مشاهدة

شاركي في النقاش

سجلي الدخول لإضافة تعليق.

التعليقات

31
  1. @ghroooob_ngd

    وشرايك في الدنيا؟

    خايسه

    وليه الدنيا خايسه؟
    ملل

    وليه ملل؟
    بس
    وشلون بس؟

    مدري

    وشلون ماتدري؟

    مدري بس >>> عجزت اطلع اجابه

    اذا كبرت وش تحب تصير؟

    مهندس

    طيب وش تحب؟

    ماحب شي

    ليه؟

    بس

    اجل ماتحب امي؟
    الا امي وابوي

    طيب انا؟

    ايه احبك

    وش تكره؟

    المدرسه

    طيب ليه؟

    ملل حصه يع بس الرياضه>>> يقصد الحصص المدرسيه

    من صديقك المقرب؟
    سعد

    تحبه؟

    ايه

    وليه؟

    ماحبه يعني وسط >>> قلب بكلامه خخخخخخخخخخ

    وشرايك بدوله اسبانيا؟

    حلوه

    ودك تزورها؟

    لا

    اجل وشلون تقول حلوه؟

    عشان برشلونه

    هذي محاورتي مع اخوي عمره 8 سنين الله يحفظه يلعب بلاستيشن
    وانا ازعجته اسأله ومايدري وش السالفه هههههههههههههههه
  2. @hoa_aa111

    صاحبة الموضوع
    نورتي موضوعي ياغروب نجد
    الله يخليلك اخوك
    والله انه صادق الدنيا خايسه
    ياحلو البراءة
  3. @ghroooob_ngd

    ههههههههههههههههههههههههههههههههههههه يلا عطينا حوارك مع طفلك الحلو

    وانا لي الشرف اني اول من رد على موضوعك
  4. @hoa_aa111

    صاحبة الموضوع
    حواري مع طفلي وعمره 6 ونصف
    عد هو كان طفشان مايبي يتكلم
    وجيته من هلمدخل
    ليش طفشان
    ابي اروح للمطعم
    وشتبي بلمطعم
    والله بطاطسهم حلو
    البطاطس ولا الالعاب
    ماما والله جايبين العاب جديده ههههههه ايه بان المقصود
    طيب انا مابي اوديك المطعم
    حرام عليكي ماما
    ليش حرام علي
    على كيف الله
    لوعندك مطعم وش تسوي
    كان اطبخ للجميع ببلاش ماشاالله عليه كريم
    طيب قلي وش احلى شي بدنيا
    الدغدغه ههههههههههههه(يقصد اني احرك اصابعي على بطنه واضحكه ) ههههههياعمري هذا احلى شي عنده
    طيب وشرايك بلمدرسه
    موحلوه مااحبها
    ليش ماتحبها
    لنها معفنه
    اجل وش تحب
    احب اتفرج كراتين
    طيب لوتصير مدرس وش تسوي
    اضرب الي ياكل
    ولو تصير مدير مدرسه
    افصل الطلاب
    هههههههه طفش من اسئلتي قال خلاص مااحب اتكلم كثير

    وسلامتكم ننتظر الاخوات
  5. @ghroooob_ngd

    هههههههههههههههههههههههههههههههههههههه الله يحفظه لك اجل متى يكبر عشان بجي مطعمه

    وديه الالعاب كسر خاطري

تابعي تجارب أخرى من هذا القسم.