مشكلتي اخوي

بسم الله الحمن الرحيم
بصراحة ان جديدة في المنتدى وكنت مترددة في كتابة موضوعي لكن بعد ماشفت تفاعل الأخوات مع صاحبة المشكلة بصراحة تشجعت وقلت مالي الا الله ثم انتن لعلي اجد من ضيقتي مخرجا بصراحة مشكلتي اخوي عمره 27 سنة مدمن مخدرات ووصل لمرحلة الله وحده اللي عالم فيها وصل لمرحلة السرقة مني ومن خواتي ومن امي وصل لدرجة ان يدعي على ابوي بالموت في بادي المر نصحناه لكن الحين ماباليد حيلة حتى اخواني اللي اكبر منه ماهم مهتمين يعني نفسي نفسي والبنات مابيدهن حيلة غير الدعاء له والله قلبي تقطع عليه حتى اني فكرت ابلغ الشرطة لكن قالو لي بياخذونه يومين ويطلعونه ووقتها راح اكون زدت الطين بله واللي معذبني اكثر ان امي وابوي تحت رحمته وما بيدهم حيلة غير النظر الية والتحسر على حالته اللي ابغاه اذا فيه احد يقدر يساعدني اويدلني على احد يعالجه بالسر ياليت ماتبخلوا علي بمشورتكم.................... وأعذروني على الاطالة

27 تعليق 3,302 مشاهدة

شاركي في النقاش

سجلي الدخول لإضافة تعليق.

التعليقات

27
  1. @am_toto22_1

    اختي اسئل الله له الشفاء العاجل

    يارب تفتح على قلبه وتهديه وترزقه الهداية وتبعد عنه طريق الغواية

    اختي اتصلي على مكافة المخدرات واشرحي لهم الوضع

    هم اللي ان اشا ء الله بيفيدونك وان شاء الله ممكن ياخذونه عندهم ويعالجونه لان مرحتله يمكن خلاص مرحلة تحتاج الى علاج وممكن تتصلين على مستشفى الامل قسم المخدرات بعد اخوك يحتاج الى تنويم عشان يتعالج

    يارب يارب يارب ياكريم تسير له العلاج

    اتصلي وعجلي عسى الله يفرج كربتكم
  2. @almtfaylh_42

    صاحبة الموضوع
    ام توتو سبق وزار مستشفى الأمل لماى كان في البداية وكل اللي سووه مشوه على المرضى وقالو له احمد ربك شف غيرك والاانت تقدر تعالج نفسك الله لا يوفقهم

تابعي تجارب أخرى من هذا القسم.