لا أحبّ الأطفال .....!!

شوفي حبيبتي ..
انا مثلك ما احس بأن الاطفال يعنون لي شيئ...
وحتى صرت اخاف اردد هالكلمه من ان ربي يعاقبني على مقولتها وما اجيب عيال مستقبلا...
طبعا لما اتزوج يصير خير..
وانا ما قلت هالشي الا خوفا من الجلوس لحالي...طبعا اذا مافي وظيفه وبس شغاله في البيت وما عندك عيال وزوجك مشغول 24 ساعه اكيد بتطفشي وودك بشي تتسلي فيه...واخوانك واخواتك متزوجين..يعني ماحد عنك فاضي..

وكنت نفس حركاتك ولا زلت لكن خفيت عن اول ...
تدرين انا توني متخرجه وقبل ما اطبق الميداني (التربيه العملي) كنت مثلك بس لما طبقته صرت اعرف اتعامل مع الاطفال بشكل اكبر...وفهمت عقليتهم ..
لكن مستحيل اجذبهم لي..
الاطفال الصغار سهل اني اجذبهم لأني من النوع اللي يحب يسوي المقالب ويضحك ويلعب..فاللي عمرهم من 3 شهور الين سنتين ينجذبون لي...واقدر امشي حالي معهم..لكن مجرد ما يكبروا ابدا ما ينجذبون لي..

وعادي ..
وحده من زميلاتي ذكرت لها هالشي..قالت لي والله اني نفسك...
وكنت استغرب منها كانت في الاربعين ويوم ترجع من الكليه تاخذ اختها وتضمها وتحضنها ولا تهتم ببنتها وانا اقولها شلون..انا اول مره اسمع بام كذا...عاد لما كبرت صار لها معالم وحركات مميزه تعلقت فيها وصارت تحبها..
قالت الحين حسيت انها بنتي ..تقول اول اناظرها ما تعبرني اما الحين صايره تعبرني..

ومره كنت بسولف مع وحده من زميلاتي واقولها انا ما انفع للزواج راسي ثقيل لو تنفجر قنبله عندي ما احس عليها..(هذا الكلام سابقا اما الحين فتغير الوضع)اجل بالله لو صرخ العيل او الولد غير ابوه راح يطق ..قالت لي والله موصحيح ..
وذكرت لي سالفة خالتها.. صارت قبل يوم من مكالمتها لي.. هي راسها ثقيل ولما تزوجت وجايه عندهم وعندها بنت صغيره وكانت حاطتها بالارض ونايمه شوي وواحد من اخوان زميلتي يقوم وينط(يقفز)فوق البنت الا وخالتها على طول تقوم وتصرخ بنتي ياويلك لو تسوي فيها شي..وكلهم متعجبين منها شلون تغيرت..ذكرت هالسالفه كنوع من الدعابه وعشان تعرفي انك ممكن في يوم من الايام تتغيري..

وشكلك تحسي ان الاطفال ناس صغار بالعقل ويفقعوا المراره ويطفشوا بالتفهيم او بعصبيتهم او باستهبالهم واستعجالهم ولقافتهم ..وانا اشوف نفس الشي..
وسبحان الله المضحك في الامر انا وزميلاتي يوم نجتمع ويشوفوا بزران يقعدوا يبوسوا فيهم وانا اقولهم الله يخليكم بعدوهم عني انا ماني حقت بزران..عيال اخواني واخواتي على عيني لكن غيرهم مالي شغل فيهم..ولا حتى اميل ليهم على العكس كثييير اقرف منهم على الرغم من انهم نظاف..والمشكله اي وحده من حريم اخواني او اخواتي انفقعت مرارتها من ولدها على طول تروح تخوفه فيني ..تقول يا ويلك الكادي جتك واكون سبحان الله جايه وهو ما تشوفيه الا يرتجف من الخوف...وانا اهاوشهم اقولهم زرعتوا في افكار عيالكم اني وحش لما يكبروا راح يكرهوني..لا عمركم تخوفوهم فيني..
وصحيح الأطفال تحب الشخص المجهول الغريب اللي بس يعصب عليهم ..لأنهم براءة ويعتبرونه مزاح..

وتخصصي ما كنت ابغى ادرس اطفال لكن اخواني قهروني بشي..قالوا ايش تبغي احسن من الابتدائي تطلعي من بيتك بدري وترتاحي وتطبخي على راحتك..قلت ياناس ياعالم كيف احدد مستقبلي على شي ماصار واحتمال كبير انه ماراح يصير الى هاللحظه وانا فيني غصه ما ابغى الابتدائي ..وشكلي بحضر ماجستير كله عشان ما ادرس ابتدائي..مع اني تخرجت والى الان وانا اوقل هالكلمه ويقولون لي ما تدري وين الخيرلك..والله ان الانسان عجول نفسي اشوف الخير اللي يجيني من ورا هالبزران ماغير ياخوفي يجيني منهم التعب والصداع ..ياربي في التدريس متعبين وبالذات الصفوف الاولى ..الله يعين اللي بيدرسهم..

يووووووووووه شكل الرساله طويله جدا...
بس حبيت اقول اللي بخاطري عشان نشوف يمكن في توارد خواطر..

عااااااااادي جدددددداااااااااااااا.
تراني كنت كذا بس شوي اهون . المهم ترى بعد ماتجيييبيين اول طفل بتزيييد الحاله ...لا وبعد مع ثاني طفل تكون حالتك افضع .....بس بعدين تقررييين عدم الانجاب ...وفجأه ....
تحنيييين لهم وتخافييين ان ربي يعاقبك ويحرمك منهم ....على طول بتموتييين فيهم ...وبتحمدين ربك انه عطاك اييياهم لانهم نعمه ....
ترى هذي اختصار قصتي مع الاطفال

انا مو كل طفل احبه

الاطفال احباب الله :) غريبة مااتوقعت ان في احد يكره الاطفال براءتهم ونظراتهم يهبلون كلهم على بعضهم ...

انا بصراحة ما كنت احب من اليهال الا ولد اختي لانه راعي مقالب من هو صغير

وبصراحة وانا في الجامعه حملت باول واحد وكنت اردد على ربيعاتي انه مستحيل شي يعطلني عن الدراسة

ولكن من شرف الحبيب وقفت كورس كامل وانا مش ندمانة وكل اسبوع صياح عليه

ومن خلصت الا وانا ماسكته ما اخلي حد يقرب منه ابد

والحين عنده اخو ثاني

صراحة يمكن اولادي علشان مرحين و مشاكسين خلوني احبهم واغير نظرتي لليهال

بس عيال الغير اخخخخخخخخخخخخخخخخخخخخخخخخخخ

ما اطيقهم ولا اطيق صياحهم

ومن الواحد يتنطق الا سكتته ولا احب الاعبهم الا من اللي على المزاج يعني يكون شكله مساعدنه

وبصراحه ما احب امثل اني احبهم قدام حد علشان جي كله ما اعطيهم وجه