حملة "رتبي حياتك المادية" ومشروع رائع للجميع

آه ياااا سااتر يارب


جوجو وش ذا يا جوجو صحنا من شركتين في السعوديه طلعت كل الشركات حدث ولا حرج


بنات مشروعي القادم ههههههههههههههه لا تضحكون

الهجره الى احدى صحارى المملكه و***** المباني القديمه والاعتماد على الزراعه ومنتجاتنا الحيوانيه اللي من بقرتي ربي يحميها <<<< توني ما شريتها بس بشتريها (( اشوه اللي شفت عمتي وهي تحلبها وتطلع الزبده وتشربنا اللبن ما قبل ما تموت رحمة الله عليها وعلى اموات المسلمين اجمعين )) واكيد كلنا بنتساعد عشان نتعلم كل شي لا تشيولون هم

ونمنع تماما اي بقااااله تفتح

تعرفون يا بنااات والله حياة اول ولا احلى منهاا البيوت عباره عن غرف بجنب بعض فلانه تسلم على فلانه وكلهم يجتمعون عند البيبااان يتسلون ويشتغلون قدام بعض عااادي واللي تخلص اول تساعد الثانيه

ودي امنع بعد دخول الرجال بس ادري فيه هناا ناس بتذبحني ما تقدر تصبر من دونه

بس بنسوي عليهم حظر تجول


قلت لا تضحكون اكرر لا تضحكون انا جاده في كلامي هههههههههههههه <<< اقول خير ان شاء الله

والله كل وحده فيكم اذا حلقت الطائره تعالو شوفو هالصحارى وش كثرها وهالاراضي وحن جالسين نتزاحم بهالمدن كم مره ومره اقول لزوجي بفتح باب الطياره وبرمي حصاااه <<< وشلون تباان ما ادري والمكان اللي تطيح فيه ابي انزل هناااا واجلس ارسم لي مربع الين يخلص ذاك اليوم على قد كبر المربع هذي ارضي وبعيش فيها خلاص ما عاد ابي مدنكم وخرابيطكم وخلوني اعيش انا عيالي وش زين الحياه وش حلاتها لا صجتي ولا صجتك ولا مولات ومجمعات ولا خرابيط ويا دار ما دخلك شر


والله الحياه حلووه بس نفهمهاااا
وعالبساطه البساطه يا عيني على البساطه نتغدى جبن وزيتون ونتعشى بطاطا

الجبن علي اسويه من بقرتي والزيتون نشتري تنك من الجوف والا الشام والبطاطا نزرعه وين المشكله

هاه يا بناات ايش رايكم والله الفكره حلوه طيعوني <<<<< تبي احد يجي معاها يونسهااا ههههههههه

المهم فكروو بالموضوع وخلونا السباقين بالخير والمقاطعه الصح طول ما انتي بين هالاسواق خرطي منتي مقااطعه ولا انتي بتجلسين على كل منتج تقرين ولو انه يضيع يومي والله وانا اقراا وليتناا سلمناا بعد فهذا احسن حل

اللي موافقه تعلمني ندرس الموضوع اقل شي الصحراء حتى الامطار والسيول لين جاات دلت طريقها ما راح نسكن في بطن الاوديه يعني ما راح نخسر بيوت واثاث

على فكره انتم شفتو حلقة خواطر اللي يوضح فيها طريقة بيت الرسول صلى الله عليه وسلم وكيف غرف زوجاته بجنب بعض وكيف البيبان تفتح على المسجد وكيف مكان الفراش يالله شي جميل حيااه حلووه

اقسم بالله ان كل يوم والثاني وانا اسب واشتم على هالتطور بس اهم شي لا تقولون نيراز تبيناا نقلب مثل مريم نور ههههههههههههههه

يمكن بكره بتلاقوني مثلهاااا تخيلوو هههههههههه


لا تلوموني على هذرتي بس طقة فيوزاتي وانا اقرا موضوع جوجو وقمت اخرف ما عاد فيه كنترول على التفكير

زهرة الايام

هذا الشور الصح

ومن جد يا جوجو اعجبتني النقطه اللي حددتها بالاحمر

فكرتها رااائعه لان شور الطلاب مرتبط على رضى امهاتهم واذا الام حست انها راضيه والوضع ممتاز من غير تردد راح تسجل اولادهااا بالاضافه انها تساهم في نشر والتعريف على المركز

راائع يا جوجو خلاص انا بنثبر ما برد على احد الين اشوف ردك ماشاء الله تبارك الله

مرحبتين فيك نيروزه
والله مشروعك خطيرررر
مافي أحلى من حياة اجدادنا صحتهم كانت تمام ما يعرفون الأمراض إللي نسمع فيها الآن والسبب الغذاء االصحي والطبيعي أما غذائنا للأسف كله أمراض من مواد حافضة تقضي على المناعة وتسبب الأمراض السرطانية
غير أكلنا المشبع بالدهون الخنزيرية حسبنا الله ونعم الوكيل
تدرين فكرة البقرة فكرة تراودني من زمان وزوجي رافضها لأن ماعندنا استراحه نحطها فيها أفكر ابني استراحة واحط فيها البقرة واستفيد منها اموت في لبنها بدل ما اشحد أهل البقر احضره بنفسي واستمتع في صنع الجبنه واللبنه والزبده والإقط من جد متعة
يالله يانيراز انا ونتي نشترك في المشروع علي الإستراحة بسويها في بر أرض مجانية واحط فيها كم نخله عشان التمر وأنتي عليك البقرة بس هاه نبغاها بيضاء ومزيونه عشان لو بعناها تجيب مبلغ عليه القيمة ههههههههه صارت ناقه
لي عوده ياحلوين

طيب يانيراز اذا سكنتي بالصحرا كيف بتودي عيالك عالمدرسه ؟؟وكيف وكيف
<<< شكلك بتحطين لك بدل السياره هليكوبتر هههههه

ههههههه

العطاويه تم علي البقره ولا يهمك

عشان كذا تعرفي اليوم وش سويت سويت سمن على طريقتنا يا اهل الجنوب بالحمومه او البعض يسميها الرضيفه
وحطيت العسل مع شمعه وسويت فطير اللي هو خبز البر ويسلام سلم دخلت باجواء اجدادنااا وطقيت الفرشه برااا وناديت ابو الشباب والعيال قالو ايش عندك قلت تعاالو بس طلعوني غلطاانه وناااقصه ضيافتي يقول وين الشااهي الله يرحمك يا عمه كانت تجهز الشاهي مع الفطير


+++

انجل مووون ملاك القمر الله على اسمك رووعه


شوفي عيالي انا اعلمهم اهم شي عندي هالحين نبي نحفظ القران الكريم

باخذ مصحف وباخذ صحيح البخاري ومسلم

وغير كذا لكم دينكم ولي دين

مليت والله مليت

فتااوى كلن يفتي على هواه وكيفه

مذاهب كلا يكفر المذهب الثاااني

نصبح على فتوى ونمسي على فتوى

اقسم بالله داخ رااسي

فعشان كذا الفكره مش في الاقتصااد ولا في التوفير ولا بصخب الحيااه

ولكن الفكره من الهروب هي ان الواحد ينجوو بدينه لا اقل ولا اكثر يا انجل

يختي تعبت نفسيا لما تشوفين شعب دينهم غير واخلاقهم اخلاق الاسلام ولما تشوفين شعب يحمل اسم الاسلام ولا يتمثل بأخلاق هذا الدين العظيم

والله اللي قاهرني اكثر اليوم اجتمعت مع بنااات اخوات عربيات حماهم الله من كل مكروه وحده اخت لهااا كانت عايشه في امريكا طول حياتها هي وعيالها ولما كبروو عيالها خافت عليهم وقالت مالي الا المملكه العربيه السعوديه هي البلاد اللي ممكن اخلي اولادي يتعلمون امور دينهم بشكل صحيح وسليم وبحكم ان زوجها مكانته العلميه والعمليه مرموقه فعلا طلب نقله للملكه العربيه السعوديه وراحت الريااض اللي حصل تقول سنه وحده بس والحين نهاية الشهر هذا راااجعه رجعه نهاائيه بلا عوده عارفين ليه

تقول اول مره اخاف على عيالي من بشاعة الاخلاق ودمارها وصارو اولادها يقولون لها هالحين هذي هي البلد اللي جبتها لنا عشان نتعلم منها الدين الاسلامي يا ماما المدرسه فيها كذا وكذا وكذا
يا ماما السوق هذي اشكال ناس مسلمين ياماما اتقي الله فيناا يمكن هناك نعذرهم ما عندهم دين لكن هناا ايش نتعلم نتعلم نخلع الحجاب اللي ربيتيناا عليه نتعلم نحط كيلو المكياج للبشر

فكثير زعلني الموضوع بصراحه
كثير كثير كثير

لكن ما نقول غير لا حول ولا قوة الا بالله

بنات كني طلعت عن الموضوع بس انتم خواتي وهذا شي بقلبي يقرقع لازم يطلع والا بيصيبني شي

والله يعين يارب